Reliance results Q1 2022 : రిలయన్స్​ లాభాల జోరు.. కానీ అంచనాలు మిస్​!

Reliance results Q1 2022 : రిలయన్స్​ ఇండస్ట్రీస్​.. 2022 తొలి త్రైమాసిక ఫలితాలను వెల్లడించింది. రిఫైనింగ్​ మార్జిన్ల వృద్ధితో ప్రాఫిట్​ 46శాతం పెరిగింది. కానీ.. ముడిసరకు ధరలు పెరగడంతో నిపుణుల అంచనాలను రిలయన్స్​ ఇండస్ట్రీస్​ అందుకోలేకపోయింది.

జూన్​ 30తో ముగిసిన త్రైమాసికంలో.. రిలయన్స్​ ఇండస్ట్రీస్​ లాభం ​రూ. 17,955కోట్లుగా నమోదైంది. కాగా.. అంచనాలు మాత్రం రూ. 22,920కోట్లుగా ఉంది. అంతకుముందు త్రైమాసికంలో రిలయన్స్​ ఇండస్ట్రీస్​ లాభం రూ. 12,273కోట్లుగా వచ్చింది.

ఏప్రిల్​-జూన్​ త్రైమాసికంలో రెవెన్యూ 55శాతం పెరిగి. రూ. 2.23ట్రిలియన్​కు చేరింది. కానీ.. అదే సమయంలో మొత్తం ఖర్చులు 51శాతం పెరిగి.. రూ. 1.98ట్రిలియన్​కు వెళ్లింది. ఇందులో 76శాతం వాటా ముడిసరకు ధరలదే!

ద్రవ్యోల్బణంతో సవాళ్లు ఎదురైనా.. రిలయన్స్​లోని అన్ని విభాగాల్లో మెరుగైన ప్రదర్శనే చేశాయి. ముఖ్యంగా రిటైల్​ విభాగం.. ఏడాది క్రితంతో పోల్చుకుంటే 52శాతం మెరుగుపడింది. ఆయిల్​ టు కెమికల్స్​ విభాగం రెవెన్యూ 11శాతం పెరిగి రూ. 1,61,715కోట్లకు చేరింది. ఆపరేటింగ్​ ప్రాఫిట్​ 40శాతం వృద్ధిచెందింది.

రిలయన్స్​ వ్యాపారాల్లో అన్నింటికన్నా.. చమురు రిఫైనింగ్​ లాభాలు ఈ త్రైమాసికంలో దూసుకెళ్లాయి. సింగపూర్​ జీఆర్​ఎం(గ్రాస్​ రిఫైనింగ్​ మార్జిన్​) బ్యారెల్​కు 21.4డాలర్లు పెరిగింది. అంతకుముందు త్రైమాసికంలో అది 8డాలర్లుగా ఉండటం గమనార్హం. రిఫైనింగ్​ సెగ్మెంట్​లో జీఆర్​ఎంతో రిలయన్స్​ ఆదాయం పొందుతుంది.

కాగా.. ఈ అండ్​ పీ వ్యాపారంలో రెవెన్యూ మూడు రెట్లు పెరిగి రూ. 3,625కోట్లకు చేరింది.

ఇక రిలయన్స్​ జియో నికర లాభం 24శాతం పెరిగింది. పూర్తి వివరాల కోసం ఇక్కడ క్లిక్​ చేయండి.