Woman gives birth to 6 babies : ఒకే కాన్పులో ఆరుగురికి జన్మనిచ్చిన మహిళ..!

6 babies in one delivery : పాకిస్థాన్​లో జరిగిన ఓ ఘటన ఇప్పుడు వార్తలకెక్కింది! రావల్పిండిలో ఓ మహిళ.. ఒకే కాన్పులో ఆరుగురు బిడ్డలకు జన్మనిచ్చింది. ఈ ఆరుగురులో నలుగురు అబ్బాయిలు, ఇద్దరు అమ్మాయిలు ఉన్నారు. వీరందరి బరువు.. 2 పౌండ్ల కన్నా తక్కువగా ఉంది. తల్లీబిడ్డలు అందరు ఆరోగ్యంగా ఉన్నట్టు అధికారులు చెప్పారు.

ఒకే కాన్పులో ఆరుగురు..

ఒకే కాన్పులో ఆరుగురు బిడ్డలకు జన్మనిచ్చిన మహిళ పేరు జీనత్​ వహీద్​. ఆమె భర్త పేరు మహమ్మద్​ హవీద్​. పురుటి నొప్పులతో జీనత్​ హవీద్​.. గురువారం రాత్రి రావల్పిండిలోని జిల్లా ఆసుపత్రిలో చేరింది. శుక్రవారం ఆమె.. బిడ్డలకు జన్మనిచ్చింది. గంటలోపే.. ఆమె మొత్తం ఆరుగురు బిడ్డలకు జన్మనిచ్చింది హవీద్​.

"మహిళతో పాటు ఆమె ఆరుగురు బిడ్డలు సురక్షితంగా ఉన్నారు. కానీ ఎందుకైనా మంచిదని.. బిడ్డలను ఇన్​క్యూబేటర్లో పెట్టారు వైద్యులు," అని డా. ఫర్జానా తెలిపారు.

6 babies in one delivery in Pakistan : అయితే.. డెలవరీ తర్వాత జీనత్​కు కొన్ని ఆరోగ్యపరమైన సమస్యలు వచ్చాయని, రెండు-మూడు రోజుల్లో అవి తగ్గిపోతాయని డాక్టర్​ చెప్పారు.

ఇదీ చూడండి:- AC helmets: వడోదరలో ట్రాఫిక్ పోలీసులకు ఏసీ హెల్మెట్లు; మన దగ్గర కూడా ఇంప్లిమెంట్ చేస్తారా..?

"ఆరుగురులో.. మొదట ఇద్దరు అబ్బాయిలు పుట్టారు. మూడో బిడ్డ ఆడబిడ్డ. ఇది నార్మల్​ డెలివరీ కాదు," అని హాస్పిటల్​లోని డ్యూటీ ఆఫీసర్​ తెలిపారు.

మరోవైపు.. ఒకే కాన్పులో ఆరుగురు బిడ్డలకు జన్మనిచ్చిన మహిళ కుటుంబం సభ్యులు సంతోషంగా ఉన్నారు. సోషల్​ మీడియా వేదికగా వారి ఆనందాన్ని వెల్లడించారు.

అరుదుగా.. ఆరుగురు!

Woman gives birth to 6 babies at once : ఇలా ఆరుగురు బిడ్డలు ఒకే కాన్పులో పుట్టడం చాలా అరుదైన విషయం. ఎంత అరుదంటే.. కేవలం 4.5 మిలియన్​ కేసుల్లో ఒకటి ఇలా ఉంటుంది. పైగా.. ఇంత మంది బిడ్డలు పుడితే, వారు బతకడం కూడా చాలా కష్టంగానే ఉంటుంది.

ఒక కాన్పులో ఒకరు పుట్టడం సాధారణం. ఇద్దరు పుడితే ట్విన్స్​ అంటారు. కానీ ఒక్కోసారి.. ఒకే కాన్పులో ముగ్గురు, నలుగురు పుట్టడం చాలా అరుదు. అలాంటిది.. పాకిస్థాన్​కు చెందిన ఆ మహిళ.. ఒకే కాన్పులో ఆరుగురు బిడ్డలకు జన్మనిచ్చింది.