పోస్ట్ ఎంబీబీఎస్ డిప్లొమా కోర్సులు: నేటి నుంచి దరఖాస్తుల స్వీకరణ

నేషనల్ బోర్డ్ ఆఫ్ ఎగ్జామినేషన్స్ ఇన్ మెడికల్ సైన్సెస్ పోస్ట్ ఎంబీబీఎస్ డిప్లొమా కోర్సుల (జనవరి/ ఫిబ్రవరి 2024 సైకిల్- అడ్మిషన్ సెషన్ 2025) ఇన్ఫర్మేషన్ బులెటిన్ విడుదల చేసింది. జనవరి 16 నుంచి రిజిస్ట్రేషన్ ప్రక్రియ ప్రారంభమైంది. దరఖాస్తు చేసుకోవడానికి చివరి తేదీ మార్చి 15. ఆసక్తిగల అభ్యర్థులు natboard.edu.in అధికారిక వెబ్‌సైట్ ద్వారా దరఖాస్తు ఫారాలను సమర్పించవచ్చు.

అప్లికేషన్ ఫామ్ సబ్మిట్ చేసిన తరువాత, అభ్యర్థులు అప్లికేషన్ ఫారం యొక్క హార్డ్ కాపీని మార్చి 29 లోగా సమర్పించాలి.

ఏదైనా స్పెషాలిటీలో కొత్త అక్రిడిటేషన్ లేదా అక్రిడిటేషన్ రెన్యువల్ కోరుకునే ఆసుపత్రి ప్రతి స్పెషాలిటీకి అక్రిడిటేషన్ ఫీజు రూ. 2,00,000/-+ జీఎస్టీ @ 18% చెల్లించాలి. ఒక్కో స్పెషాలిటీకి రూ. 3,000 + జీఎస్టీ @ 5% ఆన్ లైన్ అప్లికేషన్ ఫీజు ఉంటుంది.

నేషనల్ బోర్డ్ ఆఫ్ ఎగ్జామినేషన్స్ ఇన్ మెడికల్ సైన్సెస్ ఎంబిబిఎస్ అనంతర 2 సంవత్సరాల ఎన్‌బీఇఎంఎస్ డిప్లొమా కోర్సులను అందిస్తుంది. ఆ కోర్సులు: అనస్థీషియాలజీ, అబ్స్‌టెట్రిక్స్ అండ్ గైనకాలజీ, పీడియాట్రిక్స్, ఫ్యామిలీ మెడిసిన్, ఆప్తాల్మాలజీ, ఓటోరినోలారింగాలజీ (ఇఎన్టి), రేడియో డయాగ్నోసిస్, క్షయ మరియు ఛాతీ వ్యాధి, ఎమర్జెన్సీ మెడిసిన్.

దరఖాస్తు విధానం

అభ్యర్థులు ఆన్ లైన్ అక్రిడిటేషన్ అప్లికేషన్ పోర్టల్ (ఓఏఏపీ)ను ఉపయోగించి www.natboard.edu.in ఎన్‌బీఈఎంఎస్ వెబ్ సైట్ ద్వారా ఆన్ లైన్ లో దరఖాస్తు ఫారాలను సమర్పించవచ్చు.

దరఖాస్తు ఫారం యొక్క హార్డ్ కాపీ మార్చి 29 లోగా ఈ క్రింది చిరునామాలో ఎన్బిఇఎంఎస్ కార్యాలయానికి చేరుకోవాలి. ఆ తర్వాత వచ్చిన దరఖాస్తులను పరిగణనలోకి తీసుకోరు.

అక్రిడిటేషన్ డిపార్ట్ మెంట్

నేషనల్ బోర్డ్ ఆఫ్ ఎగ్జామినేషన్స్ ఇన్

మెడికల్ సైన్సెస్,

మెడికల్ ఎన్ క్లేవ్,

అన్సారీ నగర్, న్యూఢిల్లీ -110029

మరింత సమాచారం కోసం ఇక్కడ ఇన్ఫర్మేషన్ బులెటిన్ చదవండి.

ఇన్ఫర్మేషన్ బులెటిన్