ఆప్‌కు జాతీయ హోదా దక్కింది.. వచ్చే ఎన్నికల్లో గుజరాత్‌లో గెలుస్తాం: కేజ్రీవాల్-people helped aap make dent in bjp gujarat fortress hopefully we will win it next time says kejriwal ,జాతీయ - అంతర్జాతీయ న్యూస్
తెలుగు న్యూస్  /  National International  /  People Helped Aap Make Dent In Bjp Gujarat Fortress, Hopefully We Will Win It Next Time Says Kejriwal

ఆప్‌కు జాతీయ హోదా దక్కింది.. వచ్చే ఎన్నికల్లో గుజరాత్‌లో గెలుస్తాం: కేజ్రీవాల్

HT Telugu Desk HT Telugu
Dec 08, 2022 05:25 PM IST

గుజరాత్ ఎన్నికల్లో ప్రజలు తమ వైపు నిలిచి జాతీయ హోదా దక్కేందుకు సాయపడ్డారని ఆమ్ ఆద్మీ జాతీయ కన్వీనర్ అరవింద్ కేజ్రీవాల్ అన్నారు.

ఆప్ జాతీయ కన్వీనర్ అరవింద్ కేజ్రీవాల్
ఆప్ జాతీయ కన్వీనర్ అరవింద్ కేజ్రీవాల్ (HT_PRINT)

న్యూఢిల్లీ, డిసెంబరు 8: బీజేపీ గుజరాత్‌ కోటను ఛేదించడంలో తమ పార్టీకి సహకరించినందుకు గుజరాత్ ప్రజలకు ఆప్ జాతీయ కన్వీనర్, ఢిల్లీ ముఖ్యమంత్రి అరవింద్ కేజ్రీవాల్ గురువారం కృతజ్ఞతలు తెలిపారు. వచ్చే అసెంబ్లీ ఎన్నికల్లో గెలుస్తామన్న ఆకాంక్షను వెలిబుచ్చారు.

ట్రెండింగ్ వార్తలు

గుజరాత్‌లో ఆప్ ఎక్కువ సీట్లు గెలవనప్పటికీ, దానికి వచ్చిన ఓట్లు జాతీయ పార్టీ హోదాను సాధించడంలో సహాయపడిందని కేజ్రీవాల్ వీడియో సందేశంలో తెలిపారు.

‘జాతీయ పార్టీ హోదాను సాధించడంలో మాకు సహాయం చేసినందుకు గుజరాత్ ప్రజలకు నేను కృతజ్ఞతలు తెలుపుతున్నాను. చాలా తక్కువ పార్టీలు ఈ హోదాను అనుభవిస్తున్నాయి. ఇప్పుడు మేం వాటిలో ఒకటిగా ఉన్నాం. మాది కేవలం 10 ఏళ్ల పార్టీ’ అని ఆయన అన్నారు.

ఆమ్ ఆద్మీ పార్టీ (ఆప్) ఇప్పటివరకు నాలుగు అసెంబ్లీ స్థానాలను గెలుచుకుంది. గుజరాత్‌లో బిజెపి అఖండ విజయం దిశగా దూసుకుపోతోంది. గుజరాత్‌ను బీజేపీ ‘కోట’గా పరిగణిస్తున్నారని, ఆప్‌ దానిని ఢీకొట్టేందుకు ప్రజలు సహకరించారని ఆయన అన్నారు. ప్రచార సమయంలో తమ పార్టీ, నాయకులు ఎప్పుడూ దుర్వినియోగ రాజకీయాలకు పాల్పడలేదని కేజ్రీవాల్ అన్నారు. ఆప్‌ అధికారంలో ఉన్న ఢిల్లీ, పంజాబ్‌లలో సానుకూల విషయాలు, పార్టీ చేసిన పని గురించి మాత్రమే వారు మాట్లాడారని ఆయన అన్నారు.

WhatsApp channel