NEET PG 2024 Admit Card : నేడు నీట్​ పీజీ అడ్మిట్​ కార్డులు విడుదల- ఇలా డౌన్​లోడ్​ చేసుకోండి..

NEET PG admit card 2024 : నేషనల్ ఎలిజిబిలిటీ కమ్ ఎంట్రన్స్ టెస్ట్ (నీట్ పీజీ) 2024 అడ్మిట్ కార్డులను 2024 జూన్ 18న విడుదల చేయనుంది నేషనల్ బోర్డ్ ఆఫ్ ఎగ్జామినేషన్స్ ఇన్ మెడికల్ సైన్సెస్ (ఎన్​బీఈఎంఎస్). నీట్ పీజీ 2024 కోసం రిజిస్టర్ చేసుకున్న అభ్యర్థులు అడ్మిట్ కార్డులను డౌన్​లోడ్​ చేసుకోవడానికి natboard.edu.in అధికారిక వెబ్​సైట్​ని సందర్శించాల్సి ఉంటుంది.

నీట్ పీజీ 2024 పరీక్షను 2024 జూన్ 23న దేశవ్యాప్తంగా వివిధ పరీక్షా కేంద్రాల్లో నిర్వహించనున్నారు. ఎన్​బీఈఎంఎస్ వెబ్​సైట్​లో అడ్మిట్ కార్డు లభ్యతకు సంబంధించి అభ్యర్థులకు ఎస్ఎంఎస్/ ఈమెయిల్ అలర్ట్స్, వెబ్​సైట్ నోటీసుల ద్వారా సమాచారం అందిస్తారు. అడ్మిట్ కార్డులను అభ్యర్థులకు పోస్ట్/ఈమెయిల్ ద్వారా పంపరు.

పరీక్షకు హాజరయ్యే అభ్యర్థులందరూ బార్కోడెడ్ / క్యూఆర్ కోడ్డ్ అడ్మిట్ కార్డు ప్రింట్ కాపీ, పర్మినెంట్ / ప్రొవిజనల్ ఎస్ఎంసీ / ఎంసీఈ / ఎన్ఎంసీ రిజిస్ట్రేషన్ ఫోటోకాపీ, పాన్ కార్డు, డ్రైవింగ్ లైసెన్స్, ఓటర్ ఐడి, పాస్​పోర్ట్​, ఆధార్ కార్డు (ఫోటోతో సహా) తీసుకు వెళ్లాలి. ఈ విషయాన్ని అస్సలు మర్చిపోకూడదు.

నేషనల్ మెడికల్ కమిషన్ యాక్ట్ 2019లోని సెక్షన్ 61(2) ప్రకారం వివిధ ఎండీ/ఎంఎస్, పీజీ డిప్లొమా కోర్సుల్లో ప్రవేశానికి ఈ నీట్​ పీజీని నిర్వహిస్తారు.

నీట్ పీజీ అడ్మిట్ కార్డ్ 2024: ఇలా డౌన్​లోడ్​ చేసుకోండి..

How to download NEET PG admit card : నీట్ పీజీ అడ్మిట్ కార్డు 2024 డౌన్​లోడ్ చేసుకోవడానికి అభ్యర్థులు ఈ క్రింది స్టెప్స్​ని ఫాలో అవ్వొచ్చు.

స్టెప్​ 1:- natboard.edu.in వద్ద ఎన్​బీఈఎంఎస్ అధికారిక వెబ్​సైట్​ని సందర్శించండి.

స్టెప్​ 2:- హోమ్ పేజీలో నీట్ పీజీ అడ్మిట్ కార్డు 2024 చెక్ చేయడానికి లింక్ కోసం చూడండి. లింక్​పై క్లిక్ చేయండి.

స్టెప్​ 3:- అభ్యర్థులు తమ లాగిన్ వివరాలను పేజీలో సబ్మిట్ చేయాల్సి ఉంటుంది.

స్టెప్​ 4:- లాగిన్ వివరాలను సమర్పించిన తర్వాత అడ్మిట్ కార్డు స్క్రీన్ పై కనిపిస్తుంది.

NEET PG 2024 : స్టెప్​ 5:- అడ్మిట్ కార్డులోని వివరాలను ధృవీకరించండి. పేజీని సేవ్ చేయండి.

స్టెప్​ 6:- భవిష్యత్తు అవసరాల కోసం అడ్మిట్ కార్డును డౌన్​లోడ్ చేసుకొని ప్రింట్ తీసుకోండి.

నీట్​ పీజీ 2024 ఎగ్జాక్​ సంబంధించి.. మరింత సమాచారం కోసం, అధికారిక వెబ్​సైట్​ని సందర్శించండి.

నీట్​ యూజీ 2024పై నిరసనలు..

NEET UG 2024 Supreme court : ఇటీవల వెలువడిన నీట్​ యూజీ 2024 పరీక్ష ఫలితాలు చుట్టూ వివాదం నెలకొనడంతో నీట్​ పీజీ నిర్వహణపై ఫోకస్​ పెరిగింది. పేపర్​ లీక్​, ఫలితల్లో అవకతవకలు జరిగినట్టు ఆరోపణలు వెల్లువెత్తుతున్నాయి. 0.001శాతం తప్పు జరిగినా.. తీవ్ర చర్యలు తీసుకోవాలని.. నీట్​ యూజీ 2024ను నిర్వహించిన ఎన్​టీఏకి చెప్పింది సుప్రీంకోర్టు. నీట్​ యూజీ రద్దు పిటిషన్లకు సంబంధించిన కేసులపై జులై 8న విచారణ జరపనున్నట్టు స్పష్టం చేసింది.