Modi 3.0 Cabinet : మోదీ 3.0 కేబినెట్​ ఇదే.. బీజేపీ వద్దే కీలక బాధ్యతలు!-modi oath ceremony live updates list of mps in union cabinet ,జాతీయ - అంతర్జాతీయ న్యూస్
తెలుగు న్యూస్  /  జాతీయ - అంతర్జాతీయ  /  Modi 3.0 Cabinet : మోదీ 3.0 కేబినెట్​ ఇదే.. బీజేపీ వద్దే కీలక బాధ్యతలు!

Modi 3.0 Cabinet : మోదీ 3.0 కేబినెట్​ ఇదే.. బీజేపీ వద్దే కీలక బాధ్యతలు!

Sharath Chitturi HT Telugu
Jun 09, 2024 09:50 PM IST

Modi 3.0 Cabinet details : ప్రధానమంత్రి నరేంద్ర మోదీతో పాటు బీజేపీ, ఎన్డీఏ పక్ష ఎంపీలు.. రాష్ట్రపతి భవన్​లో జరిగిన ప్రమాణస్వీకార మహోత్సవంలో మంత్రులుగా బాధ్యతలు తీసుకున్నారు.

మోదీ 3.0 కేబినెట్​ ఇదే..
మోదీ 3.0 కేబినెట్​ ఇదే.. (PTI)

Modi 3.0 cabinet news : దిల్లీలోని రాష్ట్రపతి భవన్​ ప్రాంగణంలో.. ప్రధానమంత్రి నరేంద్ర మోదీ ప్రమాణస్వీకార మహోత్సవం అత్యంత అట్టహాసంగా సాగింది. తొలుత ప్రధానిగా మోదీ బాధ్యతలు తీసుకున్నారు. అనంతరం.. వివిధ బీజేపీ- ఎన్డీఏ పక్ష ఎంపీలతో ప్రమాణ స్వీకారం చేయించారు రాష్ట్రపతి ద్రౌపది ముర్ము.

మోదీ 3.0 కేబినెట్​ ఇదే..

రాష్ట్రపతి భవన్​లో ఆదివారం సాయంత్రం 7 గంటల 15 నిమిషాలకు.. ప్రమాణస్వీకార కార్యక్రమం మొదలైంది. మోదీ ప్రమాణం చేస్తున్న సమయంలో.. ‘మోదీ-మోదీ’ నినాదాలతో ఆ ప్రాంగణం మారుమోగిపోయింది. పూర్తి వివరాల కోసం ఇక్కడ క్లిక్​ చేయండి.

అనంతరం.. వేదికపై కూర్చున్న ఎంపీలు ఒక్కొక్కరుగా వచ్చి ప్రమాణం చేశారు.

మోదీ అనంతరం.. రాజ్​నాథ్​ సింగ్​, అమిత్​ షా, నితిన్​ గడ్కరీ, నిర్మలా సీతారామన్​, జైశంకర్​లు​.. మంత్రులగా బాధ్యతలు చేపట్టారు. పియూష్​ గోయల్​, ధర్మేంద్ర ప్రధాన్​, శర్వానంద్​ సోనోవాల్, వీరేంద్ర కుమార్, ప్రహ్లాద్​ జోషీ, గిరిరాజ్​ సింగ్​, ఆశ్వణి వైష్ణవ్​​​​లు, జ్యోతిరాధిత్య సింథియా, గజేంద్ర సింగ్​ షేకావత్, అన్నపూర్ణ దేవీ, కిరణ్​ రిజిజు, హార్దీప్​ సింగ్​ పూరి​, మన్​సుఖ్​ మాండవీయ, డా. జితేంద్ర సింగ్​, అర్జున్​ రామ్​ మేఘ్​వాల్​.. మోదీ 3.0 కేబినెట్​లో మంత్రులుగా కొనసాగనున్నారు.

మోదీ కేబినెట్​లో ఈసారి.. బీజేపీ అధ్యక్షుడు జేపీ నడ్డా, మధ్యప్రదేశ్​ మాజీ ముఖ్యమంత్రి శివరాజ్​ సింగ్​ చౌహాన్, హరియాణా మాజీ సీఎం మనోహర్​ లాల్​ ఖట్టర్, కర్ణాటక మాజీ సీఎం కుమారస్వామి​, బీహార్​ మాజీ సీఎం జీతన్​ రామ్​ మాంఝీ, రాజీవ్​ సింగ్​, భూపేంద్ర యాదవ్, చిరాగ్​ పాస్వాన్​​, సీఆర్​ పాటిల్​, ఇంద్రజిత్​ సింగ్, ప్రతాప్​ రావ్​ గణపతి రావ్​ జాదవ్, లలన్​ సింగ్​, జయంత్​ చౌదరి, జితిన్​ ప్రసాద్​​​, శ్రీపద్​ యసో నాయక్​కి చోటు దక్కింది.

చంద్రబాబు నాయుడు సమక్షంలో టీడీపీ ఎంపీలు రామ్మోహన్​ నాయుడు, చంద్రశేఖర్​ పిమ్మసాని.. మోదీ 3.0 కేబినెట్​లో మంత్రిగా ప్రమాణం చేశారు. తెలంగాణ బీజేపీ కీలక నేతలు కిషన్​ రెడ్డి, బండి సంజయ్​ కుమార్​ కూడా మంత్రులుగా బాధ్యతలు చేపట్టారు.

బీజేపీ చరిత్రలో.. కేరళలో పార్టీకి తొలి సీటు అందించిన సురేశ్​ గోపీ.. గెలుపుతో పాటు డైరక్ట్​గా మోదీ 3.0 కేబినెట్​లో చోటు దక్కించుకున్నారు.

మోదీ కేబినెట్​లో ఇతర మంత్రులు..

పంకజ్​ చౌదరి

కిషన్​ పార్థ్​

రామ్​దాస్​ అఠావలే

రామ్​నాథ్​ ఠాకూర్​

నిత్యానంద్​ రాయ్​

అనుప్రియ పటేల్​

వీ సోమన్న

ఎస్​పీ సింగ్​ భగేల్​

శోభా కరంద్​లాజే

కీర్తి వర్ధన్​ సింగ్​

పీఎల్​ వర్మ

శాంతను ఠాకూర్​

ఎల్​ మురుగన్​

అజయ్​ టంటా

కమ్లేష్​ పాస్వాన్​

భగీరథ్​ చౌదరి

సతీశ్​ చంద్ర దూబే

సంజయ్​ సేథ్​

రవ్నీత్​ సింగ్​ బిట్టు

రక్ష నిఖిల్​ ఖడ్సే

సావిత్రి ఠాకుర్​

దుర్గా దాస్​

సుకంత మజూందర్​

థోకన్​ సాహు

రాజ్​ భూషణ్​ చౌదరి

భూపతి రాజు

హర్ష్​ మల్హోత్రా

నీముబెన్​ భాంబనియా

మురళీధర్​ మోహోల్​

మోదీ 2.0లో కేంద్రమంత్రులుగా ఉన్న స్మృతీ ఇరానీ, అనురాగ్​ ఠాకూర్​ సహా పలువురికి మోదీ 3.0లో చోటు దక్కలేదు.

టీ20 వరల్డ్ కప్ 2024

సంబంధిత కథనం