Nobel prize : కొవిడ్​ టీకా కోసం నిరంతర కృషి చేసిన ఇద్దరికి నోబెల్​ బహుమతి!

2023 Nobel prize for medicine : కొవిడ్​-19పై అంతులేని పోరాటం చేసి, టీకా వృద్ధిలో కీలక పాత్ర పోషించిన ఇద్దరు శాస్త్రవేత్తలకు 2023 నోబెల్​ బహుమతి వరించింది. వైద్య రంగానికి సంబంధించిన ఈ విభాగంలో.. కాటలిన్​ కారికో, డ్రూ వైస్​మెన్​లకు నోబెల్​ అవార్డు దక్కింది. ఈ మేరకు నోబెల్​ బహుమతి అధికారిక ట్విట్టర్​ ఖాతా నుంచి ఓ ప్రకటన వెలువడింది.

కరోనా సమయంలో.. న్యూక్లియోసైడ్​ బేస్​ మాడిఫికేషన్లను వీరిద్దరు కనుగొన్నారు. దీని వల్లే.. కొవిడ్​-19పై పోరాటానికి కీలకమైన, సమర్థవంతమైన ఫైజర్​ వంటి వ్యాక్సిన్​లను ప్రపంచం పొందగలిగింది.

Katalin Kariko Nobel prize : "ఫిజియాలాజీ/ వైద్య రంగంలో 2023 నోబెల్​ ప్రైజ్​ను కాటలిన్​ కారికో, డ్రూ వైస్​మెన్​లకు ఇవ్వాలని నిర్ణయించుకున్నాము. కొవిడ్​ టీకా తయారీలో వారి పాత్రకు ఈ అవార్డు ఇస్తున్నాము," అని స్వీడెన్​లోని నోబెల్​ అసెంబ్లీ పేర్కొంది.

వైద్య రంగంలో అత్యున్నత పురస్కారంగా దీనిని పరిగణిస్తారు. బహుమతితో పాటు ఈసారి విజేతలకు 11 మిలియన్​ స్వీడిష్​ క్రౌన్​ (1 మిలియన్​ డాలర్​) నగదు కూడా లభిస్తుంది. అంటే ఇండియన్​ కరెన్సీలో అది సుమారు రూ. 8.3కోట్లు.

నోబెల్​ సీజన్​ షురూ..!

Drew Weissman Nobel Prize : ఈ నోబెల్​ అవార్డులను 1901 నుంచి ఇవ్వడం మొదలుపెట్టారు. స్వీడెన్​కు చెందిన దిగ్గజ వ్యాపారవేత్త, అపర కుబేరుడు ఆల్​ఫ్రెడ్​ నోబెల్​ వీటిని ఇచ్చేవారు. ఆయన మరణం తర్వాత కూడా ఈ అవార్డులను కొనసాగిస్తున్నారు.

వైద్యం, శాస్త్రం, సాహిత్యం, శాంతి, ఆర్థిక విభాగాల్లో నోబెల్​ బహుమతిని ప్రకటిస్తారు. ఈసారి వైద్య రంగంతో ఈ ఈవెంట్​ మొదలైంది. రానున్న రోజుల్లో ఇతర బహుమతులను ప్రకటిస్తారు.

స్టాక్​హోంలో ఈ ఏడాది డిసెంబర్​ 10న జరగనున్న ఈవెంట్​లో.. స్వీడెన్​ రాజు చేతుల మీదుగా. విజేతలు బహుమతులను, నగదును అందుకుంటారు.