America Covid : అమెరికాలో కొవిడ్​ తరహా మహమ్మారి.. అప్రమత్తంగా లేకపోతే అంతే!

Covid style pandemic in America : కొవిడ్​ మహమ్మారి సృష్టించిన విలయం నుంచి ప్రపంచ దేశాలు ఇప్పడిప్పుడే కోలుకుంటున్నాయి. కరోనా పేరును ప్రజలు ఇప్పుడిప్పుడే మర్చిపోతున్నారు. ఈ సమయంలో అమెరికాకు చెందిన ఓ బృందం పిడుగులాంటి వార్తను బయటపెట్టింది! ప్రపంచాన్ని గడగడలాడించే తదుపరి మహమ్మారి.. అమెరికా నుంచే పుట్టుకొస్తుందని వెల్లడించింది. ఈ విషయాన్ని అక్కడి ప్రజలు నమ్మకపోయినా, అగ్రరాజ్యం కేంద్రబిందువుగానే ప్రమాదం ముంచుకొస్తుందని అంచనా వేశారు.

‘జాగ్రత్తగా లేకపోతే.. అంతే!’

"అమెరికాలో నిబంధనలను సరిగ్గా పాటించడం లేదు. ఈ పరిణామాలతో జంతువుల నుంచి ప్రమాదకరమైన వైరస్​ మనిషికి పాకే ప్రమాదం ఉంది," అని హార్వర్డ్​ లా స్కూల్​, న్యూయార్క్​ వర్సిటీ నివేదిక వెల్లడించింది.

"అమెరికాలో మహమ్మారులు పుట్టుకురావని చాలా మంది భావిస్తున్నారు. కానీ ఇక్కడ సెక్యూరిటీ సరిగ్గా లేదు. నిజం చెప్పాలంటే.. ఇతర దేశాల కన్నా మనమే బలహీనంగా ఉన్నాము. కమర్షియల్​ ఫార్మింగ్​నే చూడండి. అక్కడ అనేక జంతువులతో మనుషులు కాంటాక్ట్​లోకి వస్తారు. కానీ అక్కడ నిబంధనలను సరిగ్గా పాటించడం లేదు. అటవీ జంతువుల ట్రేడ్​లో కూడా ఇంతే. ఆరోగ్యపరమైన నిబంధనలు పాటించట్లేదు. వివిధ ఖండాల్లో జంతువులను, పాథోజెన్స్​ని ఇష్టానుశారంగా కలిపేస్తున్నాము," అని రిపోర్టు లీడ్​ ఆథర్​ ఆన్​ లిండర్​ తెలిపారు.

ఇదీ చూడండి:- అవును చైనాలోనే కొవిడ్-19 తయారీ.. పరిశోధకుడు షాకింగ్ కామెంట్స్

America Covid news : "అమెరికాలో ప్రతియేటా 220 మిలియన్​కుపైగా జంతువులు దిగుమతి అవుతుంటాయి. కుక్కలను తెచ్చుకునేందుకు రూల్స్​ ఉన్నాయి. కానీ అటవీ జంతువులను దిగుమతి చేస్తుంటే సరైన రెగ్యులేషన్​ లేదు," అని లిండర్​ అభిప్రాయపడ్డారు.

పంది, పౌల్ట్రీ ఫామ్​లలో పనిచేసే వర్కర్లు కొత్త మహమ్మారికి గురయ్యే ప్రమాదం ఉంటుందని నివేదిక పేర్కొంది. కొవిడ్​ మహమ్మారి సృష్టించిన విలయాన్ని చూసిన తర్వాత కూడా సరైన రెగ్యులేషన్లు లేకపోవడం బాధాకరం అని యానిమల్​ లా అండ్​ పాలిసీ ఇన్​స్టిట్యూట్​ డైరక్టర్​ డాల్సియానా విండర్స్​ పేర్కొన్నారు.