Security guard beats woman : గర్భవతిని కాలితో తన్నిన సెక్యూరిటీ గార్డు..

Security guard beats woman : పాకిస్థాన్​కు చెందిన ఓ విడియో ఇప్పుడు సామాజిక మాధ్యమాల్లో వైరల్​గా మారింది. గర్భవతిని ఓ సెక్యూరిటీ గార్డు కాలితో తన్నడం ఆ వీడియోలో కనిపించింది.

కరాచీలోని గులిస్తాన్​ ఈ జుహర్​ ప్రాంతంలో ఈ ఘటన జరిగింది. తొలుత.. ఆ మహిళ- సెక్యూరిటీ గార్డు కొంతసేపు మాట్లాడుకోవడం ఈ వీడియోలో రికార్డ్​ అయ్యింది. ఆ వెంటనే.. గర్భవతిపై సెక్యూరిటీ గార్డ్​ దాడి చేశాడు. ముఖం మీద కొట్టాడు. కిందపడేసి కాలితో తన్నాడు. స్థానికంగా ఉన్న సీసీటీవీ కెమెరాలకు ఈ దృశ్యాలు చిక్కాయి.

పక్కనే కొందరు ఉన్నా.. సెక్యూరిటీ గార్డును ఆపేందుకు ఎవరు ప్రయత్నించకపోవడం గమనార్హం.

ఆ రోజు జరిగిన ఘటనను ఆ గర్భవతి మీడియాకు వివరించింది.

"ఆగస్టు 5 తెల్లవారుజామున ఈ ఘటన జరిగింది. నేను ఓ ఇంట్లో పనిమిషిగా పనిచేస్తున్నా. ఫుడ్​ డెలివరీ చేయడానికి నా కుమారుడు వచ్చాడు. సెక్యూరిటీ గార్డులు అతడిని లోపలికి రానివ్వలేదు. విచారించేందుకు నేను కిందకి వచ్చాను. అదిల్​ నాసిర్​ అనే యూనియన్​ ఆఫీసు బేరర్​.. నా మీద అరవడం మొదలుపెట్టాడు. నన్ను కొట్టాలని సెక్యూరిటీ గార్డుకు చెప్పాడు. దెబ్బల వల్ల నేను స్పృహకోల్పోయి పడిపోయాను," అని ఆ మహిళ వివరించింది.

ఘటనపై కేసు నమోదు చేసుకున్న పోలీసులు.. నిందితుడిని కస్టడీలోకి తీసుకున్నారు. ఘటనపై సింధ్​ రాష్ట్రం సీఎం మురాద్​ అలీ షా మండిపడ్డారు. మహిళపై చెయ్యి ఎత్తే అంత ధైర్యం అతనికి ఎలా వచ్చిందని ప్రశ్నించారు.

ఘటనపై నెటిజన్లు మండిపడుతున్నారు. సామాజిక మాధ్యమాల్లో పోస్టులు పెడుతున్నారు.

సామాజిక మాధ్యమాల్లో వైరల్​గా మారిన దృశ్యాలను ఇక్కడ చూడండి: