Import tax on gold : బంగారంపై భారీగా పెరిగిన దిగుమతి సుంకం.. ధరల పరిస్థితి?
Import tax on gold : బంగారంపై దిగుమతి సుంకాన్ని 7.5శాతం నుంచి 12.5శాతానికి పెంచింది ప్రభుత్వం.
Import tax on gold : బంగారంపై దిగుమతి సుంకాన్ని భారీగా పెంచింది కేంద్ర ప్రభుత్వం. ఈ మేరకు శుక్రవారం ఓ నోటిఫికేషన్ను జారీ చేసింది. బంగారంపై దిగుమతి సుంకాన్ని 7.5శాతం నుంచి 12.5శాతానికి పెంచింది.
దిగుమతి సుంకంతో పాటు బంగారంపై 3శాతం జీఎస్టీని విధిస్తోంది ప్రభుత్వం. గతేడాది బడ్జెట్ సమయంలో 7.5శాతానికి బంగారంపై దిగుమతి సుంకాన్ని తగ్గించింది.
ప్రపంచంలో బంగారం దిగుమతిని చేసుకుంటున్న రెండో అతిపెద్ద దేశంగా భారత్ ఉంది. ఇక్కడ బంగారం వినియోగం ఎక్కువే. అందుకే దిగుమతులు కూడా ఎక్కువగా ఉంటాయి. డాలరుతో పోల్చితే రూపాయి రికార్డు స్థాయిలో పతనమవుతుండటంతో దిగుమతుల వ్యయంపై ఒత్తిడి పెరుగుతోంది.
ఎంసీఎక్స్లో గోల్డ్ రేట్లు.. 3శాతం మేర పెరిగాయి. ప్రస్తుతం 10 గ్రాముల బంగారం ధర రూ. 51,900గా ఉంది. మరోవైపు అంతర్జాతీయంగా బంగారం ధరలు మాత్రం శుక్రవారం తగ్గాయి.
సంబంధిత కథనం
టాపిక్