HPCL recruitment: హెచ్ పీ సీ ఎల్ లో అసిస్టెంట్ మేనేజర్ పోస్ట్ లు; అప్లై చేశారా..?

HPCL recruitment: అసిస్టెంట్ మేనేజర్, సీనియర్ ఆఫీసర్, పలు ఇతర పోస్ట్ ల భర్తీకి ప్రధాన ప్రభుత్వ రంగ చమురు సంస్థల్లో ఒకటైన హిందుస్తాన్ పెట్రోలియం కార్పొరేషన్ లిమిటెడ్ (HPCL) నోటిఫికేషన్ జారీ చేసింది. ఈ రిక్రూట్మెంట్ ద్వారా మొత్తం 37 పోస్ట్ లను హెచ్పీసీఎల్ భర్తీ చేయనుంది. ఆసక్తి, అర్హత ఉన్న అభ్యర్థులు ఆన్ లైన్ లో hindustanpetroleum.com. వెబ్ సైట్ ద్వారా అప్లై చేయవచ్చు.

లాస్ట్ డేట్..

హెచ్ పీ సీ ఎల్ లో అసిస్టెంట్ మేనేజర్, సీనియర్ ఆఫీసర్, పలు ఇతర పోస్ట్ లకు అప్లై చేసుకోవడానికి ఆఖరు తేదీ సెప్టెంబర్ 30. విద్యార్హతలు, అనుభవం, రిజర్వేషన్, అప్లికేషన్ ఫీజు వంటి పూర్తి వివరాల కోసం అభ్యర్థులు hindustanpetroleum.com. వెబ్ సైట్ లోని డిటైల్డ్ నోటిఫికేషన్ ను పరిశీలించాలి. ఈ పోస్ట్ లకు అప్లై చేసే అభ్యర్థులు రూ. 1180 అప్లికేషన్ ఫీజుగా చెల్లించాలి. ఎస్సీ, ఎస్టీ, దివ్యాంగ కేటగిరీల అభ్యర్థులకు అప్లికేషన్ ఫీజు నుంచి మినహాయింపు ఉంది.

how to apply: ఇలా అప్లై చేయండి..

• ముందుగా hindustanpetroleum.com. వెబ్ సైట్ ను ఓపెన్ చేయాలి.
• హోం పేజీలో కనిపించే career ట్యాబ్ పై క్లిక్ చేయాలి.
• అనంతరం ఒపెన్ అయిన పేజీలో కనిపించే Recruitment of R&D Professionals 2023-2024 లింక్ పై క్లిక్ చేయాలి.
• వ్యక్తిగత వివరాలు నమోదు చేసి రిజిస్టర్ చేసుకోవాలి.
• అప్లికేషన్ ఫామ్ ను ఫిల్ చేయాలి. అవసరమైన డాక్యుమెంట్స్ ను అప్ లోడ్ చేయాలి.
• అప్లికేషన్ ఫీజును చెల్లించాలి.
• సబ్మిట్ బటన్ నొక్కి, అప్లికేషన్ ను సబ్మిట్ చేయాలి.
• భవిష్యత్ అవసరాల కోసం అప్లికేషన్ ఫామ్ ను భద్రపర్చుకోవాలి.