Delhi rape case : బాలికపై గ్యాంగ్​ రేప్​.. నిందితుల్లో 3 మైనర్లు- ఆ మహిళ సాయంతో నేరం!

Delhi rape case : దిల్లీలో దారుణ ఘటన వెలుగులోకి వచ్చింది. ఓ 12ఏళ్ల బాలికపై నలుగురు గ్యాంగ్​ రేప్​ చేశారు. వీరిలో ముగ్గురు మైనర్లు ఉన్నారు. కాగా.. ఈ నేరంలో నిందితులకు ఓ మహిళ సాయం చేయడం గమనార్హం!

ఇదీ జరిగింది..

దిల్లీలోని సదర బజార్​కు సమీపంలో జరిగింది ఈ ఘటన. ఆ ప్రాంతంలో ఓ వ్యక్తి టీ స్టాల్​ నడుపుకుంటున్నాడు. అతని దగ్గరు ముగ్గురు మైనర్లు పనిచేస్తున్నారు. వారి వయస్సు 12, 14, 15. కాగా.. చెత్త ఏరుకునే ఓ మహిళ, తరచూ అక్కడ టీ తాగుతుంది. అలా.. ఆ మహిళ, టీ స్టాల్​ ఓనర్​కు పరిచయం పెరిగింది. కాగా.. న్యూ ఇయర్​ సందర్భంగా, జనవరి 1న.. ఆ వ్యక్తి, ఆ మహిళతో మాట్లాడాడు. "న్యూ ఇయర్​ సెలబ్రేట్​ చేసుకునేందుకు మాకు ఒక అమ్మాయి కావాలి. అరేంజ్​ చెయ్యి," అని అన్నాడు. ఆమె సరే అని అక్కడికి వెళ్లిపోయింది.

Delhi gang rape case : మరోవైపు.. సదర్​ బజార్​లో ఓ సీల్​ చేసిన భవనం ఉంది. చాలా సంవత్సరాలుగా అది ఖాళీగానే ఉంది. న్యూ ఇయర్​ వేడుకల కోసం.. ఆ టీ స్టాల్​ ఓనర్​, ఆ భవనంలో కొన్ని తాత్కాలిక ఏర్పాట్లు చేశాడు. రాత్రంతా అక్కడ పార్టీ చేసుకున్నాడు.

మరుసటి రోజు, జనవరి 2న.. ఆ మహిళకు ఓ బాలిక కనిపించింది. ఆ బాలిక కూడా చెత్త ఏరుకుంటూ జీవిస్తుంది. ఆమె దగ్గరకు వెళ్లిన మహిళ.. ఖుర్షీద్​ మార్కెట్​ దగ్గర చెత్త ఉందని, దానిని తీసుకురమ్మని చెప్పి పంపించింది. ఆ మహిళ మాటలు విన్న ఆ బాలిక.. అక్కడికి బయలుదేరింది. ఇంతలో.. టీ స్టాల్​ ఓనర్​కు సమాచారం అందించింది ఆ మహిళ.

బాలిక ఆ ప్రాంతానికి వెళ్లేసరికి.. అక్కడ, నలుగురు ఆమె కోసం ఎదురుచూశారు. ఆమె వచ్చిన వెంటనే.. భవనంపైకి లాక్కెళ్లి, సామూహిక అత్యాచారానికి పాల్పడ్డారు. ఒకరి తర్వాత ఒకరు రేప్​ చేశారు. ఈ విషయం ఎవరికైనా చెబితే, చంపేస్తామని బెదిరించారు. ఆ బాలిక అక్కడి నుంచి వెళ్లిపోయింది.

Delhi crime news : కొన్ని రోజుల పాటు మౌనంగా ఉండిపోయిన బాలికను చూసి ఆమె బంధువుకు అనుమానం వచ్చింది. ఏం జరిగింది? అని ప్రశ్నించగా.. తనకు జరిగినదంతా వివరించింది ఆ బాలిక. ఆ బంధువు.. బాలిక తల్లిదండ్రులకు అసలు విషయం చెప్పాడు. ఆమె తల్లిదండ్రులు పోలీస్​ స్టేషన్​కి వెళ్లి ఫిర్యాదు చేశారు.

ఘటనపై సమాచారం అందుకున్న పోలీసులు వెంటనే స్పందించారు. ఘటనపై కేసు నమోదు చేసుకుని నిందుతుల కోసం ముమ్మరంగా గాలింపు చేపట్టారు. కొన్ని గంటల్లోనే నలుగురిని అరెస్ట్​ చేశారు. మహిళను కూడా అరెస్ట్​ చేశారు.