ICMR covid vaccines : భారత యువకుల ఆకస్మిక మరణాలకు కొవిడ్​ టీకా కారణం కాదు!-covid vaccines did not increase sudden death risk among young indian adults icmr study ,జాతీయ - అంతర్జాతీయ న్యూస్
తెలుగు న్యూస్  /  జాతీయ - అంతర్జాతీయ  /  Icmr Covid Vaccines : భారత యువకుల ఆకస్మిక మరణాలకు కొవిడ్​ టీకా కారణం కాదు!

ICMR covid vaccines : భారత యువకుల ఆకస్మిక మరణాలకు కొవిడ్​ టీకా కారణం కాదు!

Sharath Chitturi HT Telugu
Nov 21, 2023 01:13 PM IST

ICMR covid vaccines : కొవిడ్​ టీకాలతో భారత యువకుల్లో ఆకస్మిక మరణాల ప్రమాదం పెరిగిందని వస్తున్న రిపోర్టులను ఐసీఎంఆర్​ కొట్టిపారేసింది. ఈ మేరకు ఒక అధ్యయనాన్ని విడుదల చేసింది.

భారత యువకుల ఆకస్మిక మరణాలకు కొవిడ్​ టీకా కారణం కాదు!
భారత యువకుల ఆకస్మిక మరణాలకు కొవిడ్​ టీకా కారణం కాదు! (istock)

ICMR covid vaccines : భారతీయ యువకుల్లో ఆకస్మిక మరణాల ప్రమాదాన్ని కొవిడ్​ టీకాలు పెంచాయన్న వాదనలు సరికావని ఐసీఎంఆర్​ (ఇండియన్​ కౌన్సిల్​ ఆఫ్​ మెడికల్​ రీసెర్చ్​) వెల్లడించింది. పోస్ట్​ కొవిడ్​ హాస్పిటలైజేషన్​, లైఫ్​స్టైల్​, కుటుంబంలో ఆకస్మిక మరణాలు, అప్పటివరకు వెలుగులోకి రాని అనారోగాలు వంటివి కారణమని వివరించింది.

దేశవ్యాప్తంగా 47 ఆసుపత్రుల్లో పరిశోధనలు చేసి ఓ అధ్యయనాన్ని రూపొందించింది ఐసీఎంఆర్​. ఈ క్రమంలో.. 2021 అక్టోబర్​- 2023 మార్చ్​ మధ్య కాలంలో.. ఆకస్మికంగా మరణించిన 18-45ఏళ్ల వయస్కుల వారి హెల్త్​ హిస్టరీని కూడా పరిశీలించింది. వారి కొడివ్​ వ్యాక్సినేషన్​, కొవిడ్​ అనంతర పరిస్థితులు, కుటుంబంలో ఆకస్మిక మరణాలు, స్మోకింగ్​, డ్రగ్స్​ అలవాట్లు (మరణానికి 48గంటల ముందు వరకు) వంటి అంశాలపై డేటాను సేకరించింది.

"ప్రస్తుతం స్మోక్​ చేస్తున్నారా లేదా? మద్యం తాగుతున్నారా? డ్రగ్స్​ తీసుకుంటున్నారా? వంటివి.. ఆకస్మిక మరణాలకు కారణాలుగా ఉన్నాయి. ఆ అలవాట్లేవీ లేని వారితో పోల్చుకుంటే.. అలవాట్లు ఉన్న వారు ఆకస్మిక మరణానికి గురయ్యే అవకాశం చాలా ఎక్కువగా ఉంది," అని ఐసీఎంఆర్​ అధ్యయనం పేర్కొంది.

Sudden death risk in Indians : కొవిడ్​ అనంతరం దేశంలో ఆకస్మిక మరణాలు పెరుగుతున్నాయని, వీరిలో యువకులే ఎక్కువగా ఉన్నారన్న నివేదికలను దృష్టిలో పెట్టుకుని.. ఈ స్టడీని నిర్వహించింది ఐసీఎంఆర్​.

"కొవిడ్​ తీవ్రతను తగ్గించేందుకు టీకాలు ఉపయోగపడ్డాయి. రెండు టీకాలు తీసుకన్న వారిలో ఆకస్మిక మరణాల ప్రమాదం ఎక్కువగా కనిపించలేదు. ఒక డోసు తీసుకుంటే.. ఆకస్మిక మరణానికి కారణ అవ్వొచ్చు. ఇది కొవిడ్​ సంబంధిత సమస్య వల్ల కావొచ్చు," అని ఐసీఎంఆర్​ స్పష్టం చేసింది.

Sudden death risk in Indians due to Covid : ఆకస్మిక మరణాలకు, కొవిడ్​కి మధ్య ఏదైనా లింక్​ ఉందా? అన్న విషయంపై ప్రస్తుతం క్లారిటీ లేదని ఐసీఎంఆర్​ అధ్యయనం వెల్లడించింది. ఇండియా విషయానికొస్తే.. యువకుల్లో ఆకస్మిక మరణాలపై ఇప్పటివరకు పెద్దగా దర్యాప్తు జరగలేదని పేర్కొంది.

అయితే.. కొవిడ్​ కారణంగా గుండె సమస్యలు, గుండెపోటు వచ్చే అవకాశాలు ఉన్నాయని ఐసీఎంఆర్​ అధ్యయనం వెల్లడించింది. కానీ ఇవి లేకుండా.. రోగులు ఆకస్మిక మరణానికి గురయ్యే అవకాశాలు చాలా తక్కువని స్పష్టం చేసింది.

WhatsApp channel

సంబంధిత కథనం