Ramam Raghavam Movie: రామంరాఘ‌వం సినిమాకు డైరెక్ట‌ర్ సుకుమార్ సాయం - తెలిసిందా సాంగ్ రిలీజ్‌

Ramam Raghavam Movie: టాలీవుడ్ క‌మెడియ‌న్ ధ‌న్‌రాజ్ డైరెక్ట‌ర్‌గా ఎంట్రీ ఇస్తోన్న మూవీ రామం రాఘ‌వం. తండ్రీకొడుకుల అనుబంధంతో తెర‌కెక్కుతోన్న ఈ మూవీలో స‌ముద్ర‌ఖ‌ని కీల‌క పాత్ర‌లో న‌టిస్తున్నాడు. టీచ‌ర్స్ డే సంద‌ర్భంగా గురువారం ఈ సినిమాలోని తెలిసిందా నేడు అనే పాట‌ను అగ్ర ద‌ర్శ‌కుడు సుకుమార్ రిలీజ్ చేశారు.

ఈ పాట‌కు రామ‌జోగ‌య్య‌శాస్త్రి సాహిత్యం అందించాడు. అరుణ్ చిలువేరు మ్యూజిక్ స‌మ‌కూర్చాడు. తెలిసిందా నేడు పాట యూట్యూబ్‌తో పాటు మిగిలిన మ్యూజిక్ స్ట్రీమింగ్ యాప్‌ల‌లో ట్రెండింగ్‌లో ఉంది. తండ్రీ, కొడుకు మ‌ధ్య ఉండే ఎమోష‌న్స్‌ను మ‌న‌సుల్ని క‌దిలించేలా ఈ పాట‌లో రామ‌జోగ‌య్య శాస్త్రి వ‌ర్ణించాడు.

హీరో క‌మ్ డైరెక్ట‌ర్‌...

రామం రాఘ‌వం సినిమాకు ద‌ర్శ‌క‌త్వం వ‌హిస్తూనే ఇందులో హీరోగా ధ‌న్‌రాజ్ క‌నిపించ‌బోతున్నాడు.

ఈ సినిమాలో తండ్రీ కొడుకులుగా సముద్రఖని , ధనరాజ్ న‌టిస్తున్నారు. ఇదివరకు తెలుగు తెర‌పై రాని డిఫ‌రెంట్ పాయింట్‌తో రామంరాఘ‌వం మూవీ రూపొందుతోన్న‌ట్లు స‌మాచారం. ఈ సినిమాకు విమానం మూవీ డైరెక్ట‌ర్ శివ ప్రసాద్ యానాల కథ ను సమకూర్చగా అరుణ్ చిలువేరు సంగీతం అందిస్తున్నాడు. ఇందులో మోక్ష, హరీష్ ఉత్తమన్, సత్య, శ్రీనివాసరెడ్డి, చిత్రం శ్రీను కీల‌క పాత్ర‌లు పోషిస్తున్నారు.

తెలుగు, త‌మిళంలో ఒకేసారి...

హైదరాబాద్, చెన్నై, అమలాపురం, రాజమండ్రి, రాజోలుల‌లో రామం రాఘ‌వం సినిమా షూటింగ్‌ను జ‌రిపిన‌ట్లు స‌మాచారం. రామం రాఘవం సినిమాను తెలుగుతో పాటు త‌మిళంలో ఒకేసారి విడుదల చేసేందుకు స‌న్నాహాలు చేస్తున్నారు.పెన్సిల్ స్టోరీస్ బ్యానర్ పై ప్రభాకర్ ఆరిపాక సమర్పణలో పృథ్వి పొలవరపు రామం రాఘ‌వం సినిమాను నిర్మిస్తున్నాడు.

పిల్ల‌జ‌మీందార్‌, రాజుగారిగ‌ది...

బ‌ల‌గం సినిమాతో జ‌బ‌ర్ధ‌స్థ్ క‌మెడియ‌న్‌ వేణు టిల్లు పెద్ద స‌క్సెస్ అందుకున్నాడు. వేణు బాట‌లోనే ధ‌న్‌రాజ్ కూడా రామం రాఘ‌వం సినిమాతో ద‌ర్శ‌కుడిగా ఎంట్రీ ఇవ్వ‌నుండ‌టం ఆస‌క్తిక‌రంగా మారింది. వేణు, ధ‌న్‌రాజ్ ఇద్ద‌రి కెరీర్‌ జై సినిమాతోనే మొద‌లైంది. జ‌గ‌డం, పిల్ల జ‌మీందార్‌, గ‌బ్బ‌ర్‌సింగ్‌, రాజుగారి గ‌ది, భాగ‌మ‌తితో పాటు సినిమాల్లో త‌న కామెడీతో ధ‌న్‌రాజ్ న‌వ్వించాడు.

భాగ్య‌న‌గ‌ర వీధుల్లో గ‌మ్మ‌త్తుతో పాటు మ‌రో సినిమాకు నిర్మాత‌గా వ్య‌వ‌హ‌రించాడు. జ‌బ‌ర్ధ‌స్థ్‌తో పాటు అదిరింది, కామెడీ స్టార్స్ వంటి షోల‌లో కంటెస్టెంట్‌గా పాల్గొన్నాడు. అంతే కాకుండా బిగ్‌బాస్ తెలుగు సీజ‌న్ వ‌న్‌లో ఓ కంటెస్టెంట్‌గా హౌజ్‌లోకి అడుగుపెట్టాడు ధ‌న్‌రాజ్‌.

రామ్‌చ‌ర‌ణ్ గేమ్ ఛేంజ‌ర్‌...

మ‌రోవైపు డైరెక్ట‌ర్‌గా, యాక్ట‌ర్‌గా స‌ముద్ర‌ఖ‌ని కోలీవుడ్‌, టాలీవుడ్‌లో ప‌లు సినిమాలు చేస్తోన్నాడు. ప‌వ‌న్ క‌ళ్యాణ్‌, సాయిధ‌ర‌మ్ తేజ్ హీరోలుగా న‌టించిన బ్రో మూవీతో గ‌త ఏడాది డైరెక్ట‌ర్‌గా టాలీవుడ్‌లోకి ఎంట్రీ ఇచ్చాడు స‌ముద్ర‌ఖ‌ని. తెలుగులో అల‌వైకుంఠ‌పుర‌ములో, భీమ్లానాయ‌క్‌, క్రాక్‌, స‌ర్కారు వారి పాట సినిమాల‌తో మంచి గుర్తింపును సొంతం చేసుకున్నాడు.

సంక్రాంతికి రిలీజైన బ్లాక్‌బ‌స్ట‌ర్ మూవీలో హ‌నుమాన్‌లో ఓ ఇంపార్టెంట్ రోల్ చేశాడు. ప్ర‌స్తుతం రామ్ చ‌ర‌ణ్ గేమ్‌ఛేంజ‌ర్‌లో న‌టిస్తోన్నాడు.

రామం రాఘ‌వం మూవీతో టాలీవుడ్ క‌మెడియ‌న్ ధ‌న్‌రాజ్ డైరెక్ట‌ర్‌గా టాలీవుడ్‌లోకి ఎంట్రీ ఇస్తోన్నాడు. తండ్రీకొడుకుల అనుబంధంతో తెర‌కెక్కుతోన్న ఈ మూవీలో స‌ముద్ర‌ఖ‌ని కీల‌క పాత్ర‌లో న‌టిస్తున్నాడు. రామం రాఘ‌వం సినిమాలోని తెలిసిందా నేడు అనే పాట‌ను గురువారం అగ్ర ద‌ర్శ‌కుడు సుకుమార్ రిలీజ్ చేశాడు.