Sonam kapoor: మగబిడ్డకు జన్మనిచ్చిన సోనమ్ కపూర్

బాలీవుడ్ నటి సోనమ్ కపూర్ తల్లయింది. పండంటి మగబిడ్డకు జన్మనిచ్చింది. ఈ సంతోషకరమైన వార్తను ఇన్ స్టాగ్రామ్ ద్వారా అభిమానులతో పంచుకున్నది. 20. 8. 2022 నాడు తమ జీవితంలోకి మురిపాల బాబు అడుగుపెట్టినట్టు తెలిపింది.

ఈ ప్రయాణంలో తమకు అండగా నిలిచిన డాక్టర్లు, నర్సులతో పాటు కుటుంబసభ్యులు, స్నేహితులకు ధన్యవాదాలు అంటూ పోస్ట్ లో పేర్కొన్నది. చిన్నారి రాకతో తమ జీవితాలు మారిపోయయనే విషయం బోధపడిందని చెప్పిన సోనమ్ ఇది ఆరంభం మాత్రమే అంటూ పోస్ట్ లో పేర్కొన్నది. చివరలో తన పేరుతో పాటు భర్త ఆనంద్ ఆహుజా పేరును కూడా జోడించింది.

సోనమ్, ఆనంద్ జంటకు పలువురు బాలీవుడ్ ప్రముఖులు శుభాకాంక్షలు అందజేస్తున్నారు. 2018లో ఆనంద్ ఆహుజాను పెళ్లాడింది సోనమ్ కపూర్. ప్రేమ్ రథన్ ధన్ పాయో సినిమా ప్రమోషన్స్ లో ఆనంద్ తో పరిచయం ఏర్పడిందని, ఆ స్నేహం ప్రేమగా మారినట్లు సోనమ్ కపూర్ పేర్కొన్నది. కుటుంబబాధ్యతల కారణంగా 2019 నుండి సినిమాలకు దూరంగా ఉంటుంది సోనమ్ కపూర్. చివరగా ఆమె ఏకే వర్సెస్ ఏకే సినిమాలో నటించింది.