Sitaramam box office collection: సీతారామం సినిమా ఫస్ట్ డే కలెక్షన్స్ ఎంతంటే

Sitaramam box office collection: దుల్క‌ర్ స‌ల్మాన్ హీరోగా న‌టించిన సీతారామం సినిమా బ్యూటీఫుల్ ల‌వ్‌స్టోరీగా సినీ వ‌ర్గాల‌తో పాటు ప్రేక్ష‌కుల మెప్పును పొందుతోంది. దేశ‌భ‌క్తి, ప్రేమ అంశాల‌తో ద‌ర్శ‌కుడు హ‌ను రాఘ‌వ‌పూడి ఈ సినిమాను తెర‌కెక్కించారు. లెఫ్టినెంట్ రామ్‌గా దుల్క‌ర్ స‌ల్మాన్ యాక్టింగ్‌, క్యారెక్ట‌రైజేష‌న్‌తో పాటు ర‌ష్మిక మంద‌న్న‌, మృణాల్ ఠాకూర్ న‌ట‌న బాగుందంటూ ప్ర‌శంస‌లు ల‌భిస్తున్నాయి. పొయెటిక్ ల‌వ్ స్టోరీగా ద‌ర్శ‌కుడు హ‌ను రాఘ‌వ‌పూడి ఈ సినిమాను తెర‌కెక్కించాడంటూ చెబుతున్నారు.

తొలి ఆట నుండే పాజిటివ్ టాక్ రావ‌డంతో సినిమాకు మొద‌టిరోజు చక్కటి వసూళ్లు వ‌చ్చాయి. శుక్ర‌వారం రోజు ఈ సినిమా తెలుగు రాష్ట్రాల్లో 2.25 కోట్ల గ్రాస్‌ను రాబ‌ట్టింది. మొదటి రోజు నైజాంలో ఈ సినిమాకు 54 ల‌క్ష‌ల క‌లెక్ష‌న్స్ వ‌చ్చాయి. సీడెడ్ లో 16 ల‌క్ష‌లు, ఉత్త‌రాంధ్రాలో 23 ల‌క్ష‌లు, నెల్లూర్‌లో 5 ల‌క్ష‌లు, కృష్ణ‌లో 13 ల‌క్ష‌లు, గుంటూర్‌లో 16 ల‌క్ష‌లు, ఈస్ట్ గోదావ‌రిలో 15 ల‌క్ష‌లు, వెస్ట్ గోదావ‌రిలో ఎనిమిది ల‌క్ష‌ల వ‌సూళ్ల‌ను ఈ సినిమా రాబ‌ట్టింది. తెలుగు రాష్ట్రాల కంటే ఓవ‌ర్‌సీస్‌లో ఈ సినిమా అద్భుత‌మైన వ‌సూళ్ల‌ను సాధించడం గమనార్హం.

శుక్ర‌వారం రోజు ఓవ‌ర్‌సీస్‌లో కోటి ఐదు లక్షల క‌లెక్ష‌న్స్ వ‌చ్చాయి. క‌ర్ణాట‌క రాయ‌చూర్ ల‌లో 15 ల‌క్ష‌ల ఓపెనింగ్స్ రాబ‌ట్టింది. త‌మిళం, మ‌ల‌యాళ భాష‌ల్లోనూ తొలిరోజు 35 ల‌క్ష‌ల క‌లెక్ష‌న్స్ సాధించింది. మొత్తంగా తొలిరోజు వ‌ర‌ల్డ్‌వైడ్‌గా 5.60 కోట్ల గ్రాస్‌ను 3.05 కోట్ల షేర్‌ను ఈ సినిమా సాధించింది. ఈ సినిమాలో నెగెటివ్ షేడ్స్‌తో కూడిన క్యారెక్ట‌ర్‌లో సుమంత్ న‌టించాడు. వైజ‌యంతీ మూవీస్ ప‌తాకంపై అశ్వినీద‌త్ ఈ సినిమాను నిర్మించారు.