Shah Rukh Khan | షారుఖ్-అట్లీ సినిమా టైటిల్ ఫిక్స్.. స్పెషల్ వీడియో రిలీజ్

బాలీవుడ్ బాద్ షా సినిమా చేసి దాదాపు నాలుగేళ్లు అవుతుంది. ఆయన ఇప్పటికే పఠాన్ అనే సినిమా చేస్తుండగా.. తమిళ దర్శకుడు అట్లీ కాంబినేషన్‌లో ఓ చిత్రానికి పచ్చ జెండా ఊపారు. దీనికి సంబంధించిన అప్డేట్ కోసం అభిమానులు ఆత్రుతగా ఎదురుచూస్తున్నారు. తాజాగా చిత్రబృందం అభిమానులను సర్‌ప్రైజ్ ఇచ్చింది. ఈ సినిమా టైటిల్, విడుదల తేదీని ప్రకటించింది. ఈ మేరకు ప్రత్యేక వీడియోను షేర్ చేసింది.

జవాన్ అనే టైటిల్‌ను ఈ చిత్రానికి ఫిక్స్ చేశారు. ఈ సినిమాలో షారుఖ్ ద్విపాత్రాభినయం చేస్తున్నారని సమాచారం. వీటిల్లో ఓ పాత్రకు సంబంధించి లుక్‌ను వీడియో రూపంలో విడుదల చేసింది చిత్రబృందం. ఇందులో షారుఖ్ సరసన నయనతార నటిస్తోంది. ఈ పాన్ఇండియా ప్రాజెక్టు వచ్చే ఏడాది జూన్ 2న ప్రపంచ వ్యాప్తంగా ప్రేక్షకుల ముందుకు రానుంది.

పవర్‌ఫుల్ యాక్షన్ నేపథ్యంలో ఈ సినిమా రూపొందుతోంది. ఈ వీడియోను షారుఖ్‌ తన సోషల్ మీడియా వేదికగా పంచుకున్నారు. ఈ చిత్రాన్ని షారుఖ్ సతీమణి గౌరీ ఖాన్ నిర్మస్తున్నారు. రాజా రాణి, మెర్సెల్, బిగిల్ లాంటి సూపర్ హిట్ చిత్రాలను అందించిన అట్లీ.. షారుఖ్‌తో సినిమా చేయనుండటంతో అభిమానుల్లో అంచనాలు భారీగా నెలకొన్నాయి. తెలుగు, హిందీ, తమిళం, మలయాళ, కన్నడ భాషల్లో ఈ చిత్రం విడుదల కానుంది.

అట్లీ దర్శకత్వం వహించిన తెలుగులోనూ డబ్ అయి మంచి విజయాన్ని అందుకున్నాయి. షారుఖ్‌తో సినిమా తర్వాత.. అట్లీ ఎన్‌టీఆర్‍‌తోనూ ఓ చిత్రాన్ని చేయనున్నట్లు సమాచారం. అయితే ఈ ప్రాజెక్టుపై ఇంకా అధికారిక సమాచారం ఇవ్వలేదు.