Hari Hara Veera Mallu:కుస్తీ వీరుడిగా పవన్ కళ్యాణ్ - హరిహరవీరమల్లు యాక్షన్ వీడియో అదిరిపోయింది

Hari Hara Veera Mallu: ప‌వ‌న్ క‌ళ్యాణ్ బ‌ర్త్‌డేకు ఒక‌రోజు ముందే హ‌రిహ‌ర‌వీర‌మ‌ల్లు సినిమాకు సంబంధించి స్పెష‌ల్ పోస్ట‌ర్ రిలీజ్ చేసి అభిమానుల్లో ఆనందాన్ని నింపింది చిత్ర యూనిట్‌. తాజాగా ప‌వ‌న్ పుట్టిన‌రోజు నాడు మ‌రో కొత్త అప్‌డేట్‌ను ప్ర‌క‌టించింది. పవర్ గ్లాన్స్ పేరుతో యాక్షన్ వీడియో సాంగ్ టీజర్ ను రిలీజ్ చేసింది.

మెడల్ని వంచి, కథల్ని మార్చి కొలిక్కితెచ్చే పనెట్టుకొని తొడకొట్టాడో తెలుగోడు అంటూ కుస్తీ పోటీల్లో ప్రత్యర్థులతో పవన్ కళ్యాణ్ పోటీపడుతున్న ఓ వీడియోను చిత్ర యూనిట్ శుక్రవారం విడుదలచేసింది. మల్ల యుద్ధంలో పవన్ బరిలో దిగే సీన్ ఈ వీడియోలో హైలైట్ గా నిలుస్తోంది. బ్యాక్ గ్రౌండ్ లో వచ్చే సాంగ్ ఆకట్టుకుంటోంది. 17 శ‌తాబ్దం నాటి మొఘ‌లాయిలు, కుతుబ్ షాహీల నాటి క‌థాంశంతో పీరియాడిక్ యాక్ష‌న్ ఎంట‌ర్‌టైన‌ర్‌గా ద‌ర్శ‌కుడు క్రిష్ ఈ సినిమాను తెర‌కెక్కిస్తున్నాడు. ఇందులో బందిపోటు దొంగ‌గా ప‌వ‌ర్ ఫుల్ పాత్ర‌లో ప‌వ‌న్ క‌ళ్యాణ్ క‌నిపించ‌బోతున్నాడు.

అత‌డి పాత్ర చిత్ర‌ణ డిఫ‌రెంట్ షేడ్స్‌తో సాగుతుంద‌ని స‌మాచారం. హ‌రిహ‌ర‌వీర‌మ‌ల్లు చిత్రీక‌ర‌ణ యాభై శాతం పూర్త‌యింది. త్వ‌ర‌లో కొత్త షెడ్యూల్‌ను ప్రారంభించేందుకు చిత్ర యూనిట్ స‌న్నాహాలు చేస్తోంది. హ‌రిహ‌ర‌వీర‌మ‌ల్లు సినిమాలో ప‌వ‌న్ క‌ళ్యాణ్‌కు జోడీగా నిధి అగ‌ర్వాల్ హీరోయిన్‌గా న‌టిస్తోంది. ప‌వ‌న్ కెరీర్‌లో హ‌య్యెస్ట్ బ‌డ్జెట్ సినిమాల్లో ఇది ఒక‌ట‌ని స‌మాచారం. తెలుగుతో పాటు త‌మిళం, మ‌ల‌యాళం, క‌న్న‌డ, హిందీ భాష‌ల్లో ఏక‌కాలంలో ఈ సినిమాను విడుద‌ల‌చేసేందుకు నిర్మాత‌లు స‌న్నాహాలు చేస్తున్నారు.