Pakka Commercial: పక్కా కమర్షియల్‌ ట్రైలర్‌ డేట్‌ ఫిక్స్‌.. ట్రైలర్‌ గ్లింప్స్‌ చూస్తారా?

గోపీచంద్‌, మారుతి డైరెక్షన్‌లో వస్తున్న మూవీ పక్కా కమర్షియల్‌. ఇందులో గోపీచంద్‌ లాయర్‌ పాత్రలో కనిపిస్తున్నాడు. అతని సరసన రాశి ఖన్నా నటిస్తోంది. ఈ మూవీ ట్రైలర్‌ డేట్‌ను రివీల్‌ చేస్తూ బుధవారం సాయంత్రం మేకర్స్‌ ట్రైలర్‌ గ్లింప్స్‌ను రిలీజ్‌ చేశారు. ఇందులో ట్రైలర్‌ సీన్స్‌ను కాస్త చూపించి.. వీడియో బఫర్‌ అవుతున్నట్లుగా ఆపేశారు.

ఏంటీ.. తెగ నొక్కేస్తున్నారు.. అది బఫర్‌ అవట్లేదు.. మేమే ఆపాం.. ముహూర్తం చూసి వదులుదామని.. వచ్చినప్పుడు గట్టిగా చూసి ఎంకరేజ్‌ చేయండి అంటూ వెరైటీ స్టైల్లో ఈ ట్రైలర్‌ గ్లింప్స్‌ రిలీజ్‌ చేయడం విశేషం. ఇది ఫ్యాన్స్‌ను బాగా ఆకట్టుకుంటోంది. చాలా మంది యూట్యూబ్‌ కామెంట్స్‌ సెక్షన్‌లో ఫన్నీ ఎమోజీలను పోస్ట్‌ చేశారు.

తన సినిమాల్లో తెగ నవ్వించే మారుతి.. ఈ సినిమా రిలీజ్‌కు ముందే ఇలా ట్రైలర్‌ గ్లింప్స్‌తో కూడా ప్రేక్షకులను కితకితలు పెట్టాడు. ఈ మూవీ పూర్తి ట్రైలర్‌ జూన్‌ 12న రిలీజ్‌ కానుండగా.. సినిమా జులై 1న ప్రేక్షకుల ముందుకు రానుంది. ఈ సినిమాలో గోపీచంద్‌, రాశీ ఖాన్నాతోపాటు సత్యరాజ్‌, శ్రీనివాస్‌రెడ్డి, రావు రమేష్‌, అనసూయ భరద్వాజ్‌, సప్తగిరి ప్రధాన పాత్రల్లో కనిపిస్తున్నారు.

యువి క్రియేషన్స్‌, జీఏ2 పిక్చర్స్‌ మూవీని నిర్మించాయి. ఈ ప్రొడక్షన్‌ హౌజ్‌ మారుతితో కలిసి నిర్మిస్తున్న మూడో సినిమా ఇది. గతంలో భలే భలే మగాడివోయ్‌, ప్రతిరోజు పండగే మూవీలను నిర్మించింది. నిజానికి పక్కా కమర్షియల్ గతేడాది అక్టోబర్‌లోనే రిలీజ్‌ కావాల్సి ఉన్నా.. కరోనా మహమ్మారి సెగ దీనికి కూడా తగిలింది.