Maavaaru Mastaru June 22nd episode: గణపతి రాసిన ఉత్తరంలో ఏముంది? విద్యకు అసలు విషయం తెలిసిపోయిందా?

Maavaaru Mastaru June 22nd episode: జీ తెలుగులో వస్తున్న మావారు మాస్టారు పదో ఎపిసోడ్ ఎంతో ఆసక్తి రేపుతోంది. తన అసలు ఉద్యోగం ఏంటో చెబుతూ విద్యకు లేఖ రాస్తాడు గణపతి. తనకు ఇవ్వాలనుకున్న చీరతోపాటు ఈ లెటర్ ను కూడా అందులో పెడతాడు. మరి ఆ లెటర్ ను విద్య చదువుతుందా? గణపతి అసలు ఉద్యోగం ఏంటో ఆమె తెలుస్తుందా అన్నది గురువారం (జూన్ 22) ఎపిసోడ్ లో తేలనుంది.

పెళ్లిళ్ల పేరయ్య ఇచ్చిన ఫొటోను అన్యమనస్కంగానే చూస్తుంది విద్య. కానీ ఊహించని విధంగా ఆ కవర్లో తాను ఇష్టపడే గణపతి మాస్టారు ఫొటో ఉంటుంది. గణపతి ఫొటో చూడగానే ఆనందంతో పొంగిపోతుంది విద్య. గణపతి ఫొటో చూసి సిగ్గుపడుతున్న విద్యని అబ్బాయి నచ్చాడా? అని అడుగుతాడు ఆదినారాయణ. సిగ్గుతో నిండిపోయిన విద్య మొహం చూసిన ఆమె మేనకోడలు విద్య ఇష్టాన్ని అందరికీ చెప్పేస్తుంది.

దాంతో సంబంధం ఖాయం చేసేందుకు నిర్ణయించుకుంటాడు ఆదినారాయణ. విద్య సంబంధం అనగానే గణపతి కుటుంబం కూడా సంతోషపడుతుంది. తను కోరుకున్న అమ్మాయే కోడలుగా వస్తుందని పార్వతీ, గణపతి కూడా విద్యతో పెళ్లి అనగానే తన మనసుకు చేరువైన అమ్మాయే భార్య కాబోతుందని ఆనందపడతాడు. వెంటనే విద్యకు బహుమతిగా ఇచ్చేందుకు ఓ చీర కూడా కొంటాడు. తను చేసే వృత్తి గురించి విద్యకు నిజం చెప్పాలని నిర్ణయించుకుంటాడు గణపతి. అన్నీ వివరంగా ఓ ఉత్తరంలో రాసి చీరలో పెడతాడు.

విద్యతో మాట్లాడటానికి విఘ్నేష్, గణపతి ఇద్దరూ గుడికి చేరుకుంటారు. విద్య.. విఘ్నేష్ ను తప్పించుకుని గణపతి దగ్గరకు వెళ్తుంది. అయితే గణపతిని సరదాగా ఆటపట్టిద్దామనుకుంటుంది విద్య. తనకు పెళ్లి నిశ్చయం అయ్యిందనీ నిశ్చితార్థం కూడా జరిగిందని అబద్ధం చెబుతుంది. అయితే అనుకోకుండా గణపతి విద్య నుదుటన కుంకుమ పెడతాడు.

విద్యకోసం కొన్న చీరను బహుమానంగా ఇస్తాడు. సంతోషంగా ఇంటికి చేరుకున్న విద్య ఆనందంగా ఆ చీరను కట్టుకునేందుకు తీస్తుంది. ఆ హడావుడిలో చీరలోని ఉత్తరం కిందపడుతుంది. ఆ ఉత్తరం గంగమ్మ కంటపడుతుంది. ఉత్తరం చదివిన గంగమ్మ విద్యను అందరిముందూ అవమానించాలని అనుకుంటుంది. అయితే గంగమ్మ ఉత్తరం చదవడం చూసిన విద్య మేనకోడలు లక్కీ వెంటనే ఆ ఉత్తరాన్ని చించేస్తుంది.

దాంతో విద్యకు అసలు విషయం తెలియదు. గణపతి తన వృత్తి గురించి విద్యకు చెప్పేశాననే ఆలోచనతో ఉంటాడు. మరి విద్యకు నిజం ఎలా తెలుస్తుంది? గణపతి శంకరం మాస్టారు కొడుకని తెలుసుకున్న ఆదినారాయణ ఏం చేస్తాడు?.. వంటి మరిన్ని ఆసక్తికర విషయాలు తెలుసుకోవాలంటే ఈరోజు ప్రసారమయ్యే మావారు మాస్టారు సీరియల్ మిస్సవకుండా​ చూడాల్సిందే!