Jailer First Look: రజనీ ఇంటెన్స్ లుక్.. జైలర్ షూటింగ్ ప్రారంభం
Jailer First Look: సూపర్ స్టార్ రజనీకాంత్ జైలర్ షూటింగ్ సోమవారం (ఆగస్ట్ 22) నుంచి ప్రారంభం కానుంది. దీంతో మేకర్స్ ఫస్ట్ లుక్ను రిలీజ్ చేశారు.
jailer movie rajinikanth: రజనీకాంత్ 169వ సినిమా జైలర్ షూటింగ్ సోమవారం నుంచి ప్రారంభమైంది. నెల్సన్ దిలీప్ కుమార్ డైరెక్షన్లో తెరకెక్కుతున్న ఈ మూవీలో రమ్యకృష్ణ కూడా నటిస్తోంది. ఈ సినిమా నుంచి మేకర్స్ ఫస్ట్ లుక్ రిలీజ్ చేశారు. ఇందులో రజనీకాంత్ ఇంటెన్స్ లుక్ చూడొచ్చు. ఫార్మల్ డ్రెస్లో షర్ట్ పై రెండు బటన్స్ తీసేసి.. చాలా సీరియస్గా నడిచి వస్తున్న రజనీ లుక్ ఫ్యాన్స్ను ఆకట్టుకుంటోంది.
jailer movie rajinikanth: జైలర్ మూవీ కోసం టోటల్ డిఫరెంట్ లుక్లో రజనీ కనిపించనున్నాడు. ఈ సినిమా షూటింగ్లో చాలా వరకూ హైదరాబాద్లోనే జరగనుంది. దీనికోసం భాగ్యనగరంలో ప్రత్యేకంగా ఓ జైలు సెట్ వేశారు. ఈ సినిమా కన్నడ నటుడు శివరాజ్కుమార్ విలన్ పాత్రలో కనిపించనున్నాడు. ఐశ్వర్య రాయ్ కూడా ఈ మూవీలో ఓ కీలకమైన పాత్రలో కనిపించనున్నట్లు సమాచారం.
కళానిధి మారన్ సమర్పణలో వస్తున్న ఈ జైలర్ మూవీకి అనిరుధ్ మ్యూజిక్ అందిస్తున్నాడు. ఈ సినిమా పూర్తి నటీనటుల వివరాలు ఇంకా వెల్లడించాల్సి ఉంది. వచ్చే ఏడాది సమ్మర్ హాలిడేస్లో ఈ జైలర్ మూవీ రిలీజ్ కానుంది. ఈ మధ్యే దళపతి విజయ్తో బీస్ట్ మూవీ తెరకెక్కించిన నెల్సన్ దిలీప్కుమార్ విమర్శలు ఎదుర్కొన్నాడు.
ఆ మూవీ బాక్సాఫీస్ కలెక్షన్ల పరంగా ఫర్వాలేదనిపించినా.. సినిమాకు నెగటివ్ రివ్యూలే వచ్చాయి. ఇటు రజనీకాంత్ చివరి మూవీ అన్నాత్తై కూడా ఆశించిన రేంజ్లో సక్సెస్ కాలేకపోయింది. మరి ఈ ఇద్దరి కాంబినేషన్లో వస్తున్న జైలర్ ఎంత వరకూ సక్సెసవుతుందో చూడాలి.
