dulquer salmaan |దుల్కర్ సల్మాన్- హనురాఘవపూడి సినిమాకు టైటిల్ ఫిక్స్...

మ‌హాన‌టి, క‌నులు క‌నుల‌ను దోచాయంటే సినిమాల‌తో తెలుగు ప్రేక్ష‌కుల‌కు చేరువ‌య్యారు మ‌ల‌యాళ హీరో దుల్క‌ర్ స‌ల్మాన్‌.  అత‌డు హీరోగా హ‌ను రాఘ‌వ‌పూడి ద‌ర్శ‌క‌త్వంలో ఓ పాన్ ఇండియ‌న్ చిత్రం రూపొందుతోంది.  వైజ‌యంతీ మూవీస్ సంస్థ ఈ చిత్రాన్ని నిర్మిస్తోంది. పీరియాడిక‌ల్ వార్ బ్యాక్‌డ్రాప్‌లో రూపొందుతున్న ఈ ప్రేమకథా చిత్రానికి సీతారామం అనే టైటిల్‌ను ఖరారుచేశారు. శ్రీరామ‌న‌వ‌మి సంద‌ర్భంగా టైటిల్‌ను వెల్ల‌డించిన‌ చిత్ర‌బృందం కొత్త పోస్ట‌ర్‌ను అభిమానుల‌తో పంచుకున్న‌ది. ఇందులో మంచు ప‌ర్వ‌త ప్రాంతంలో సైనిక దుస్తుల్లో దుల్క‌ర్ స‌ల్మాన్ క‌నిపిస్తున్నారు. యుద్ధంతో రాసిన ప్రేమ‌క‌థ అనే క్యాప్షన్ ఆసక్తిని పంచుతోంది.

 ఇందులో లెఫ్టినెంట్ రామ్ గా దుల్కర్ సల్మాన్ న‌టిస్తున్నారు. మృణాళిని ఠాకూర్ క‌థానాయిక‌గా న‌టిస్తోంది. సీత పాత్ర‌లో ఆమె క‌నిపించ‌బోతున్న‌ది. అలాగే అఫ్రీన్ అనే క‌శ్మీరి ముస్లిం అమ్మాయిగా ర‌ష్మిక మంద‌న్న కీల‌క‌మైన అతిథి పాత్ర‌ను పోషిస్తోంది. సినిమా చిత్రీక‌ర‌ణ తుదిద‌శ‌కు చేరుకున్న‌ది. ఈ ఏడాది ప్రేక్ష‌క‌లు ముందుకు తీసుకురాబోతున్నారు. ఈ చిత్రానికి విశాల్ చంద్ర‌శేఖ‌ర్ సంగీతాన్ని అందిస్తున్నారు.