naga chaitanya |మ‌హేష్ కోసం నాగ‌చైత‌న్య సినిమాను హోల్డ్‌లో పెట్టిన ద‌ర్శ‌కుడు...

గీతాగోవిందం స‌క్సెస్‌తో టాప్ డైరెక్ట‌ర్స్ లిస్ట్‌లోకి చేరిపోయారు ప‌ర‌శురామ్‌. ఫ్యామిలీ ల‌వ్ ఎంట‌ర్‌టైన‌ర్‌గా తెర‌కెక్కిన ఈ చిత్రం 150 కోట్ల‌కుపైగా వ‌సూళ్ల‌ను సాధించింది. ఈ స‌క్సెస్ త‌ర్వాత నాగ‌చైత‌న్య‌తో తాను ఓ సినిమా చేయ‌బోతున్న‌ట్లు ప‌ర‌శురామ్ ప్ర‌క‌టించారు. ఈ సినిమాకు సంబంధించిన అధికారిక ప్రకటన వెలువడింది. కానీ ఆ సినిమాను ప‌క్క‌న‌పెట్టి మ‌హేష్ బాబుతో స‌ర్కారువారి పాట సినిమా చేశారు ప‌ర‌శురామ్‌. ఈ నెల 12న ఈ చిత్రం రిలీజ్ కానుంది. 

ఈ నేప‌థ్యంలో ప్ర‌మోష‌న్స్‌తో బిజీగా ఉన్న ప‌ర‌శురామ్… నాగ‌చైత‌న్య తో సినిమాపై క్లారిటీ ఇచ్చారు.  నాగచైతన్యతో తాను చేయనున్న సినిమా ఆగిపోలేద‌ని, నెక్ట్స్ తాను చేయనున్న చిత్రమిదేనని  వెల్ల‌డించాడు. 14 రీల్స్ ప్ల‌స్ సంస్థ ఈ సినిమాను నిర్మించ‌నున్న‌ట్లు చెప్పాడు. గీతాగోవిందం త‌ర్వాత చైత‌న్య‌తోనే సినిమా చేయ‌డానికి తాను సిద్ధ‌మ‌య్యాన‌ని అన్నాడు. కానీ మ‌హేష్ సినిమా ఆఫ‌ర్ రావ‌డంతో చైతూ చిత్రాన్ని హోల్డ్‌లో పెట్టాల్సివ‌చ్చింద‌ని పేర్కొన్నాడు. కెరీర్‌లో తొలిసారి స్టార్ హీరోతో సినిమా చేసే అవ‌కాశం ద‌క్క‌డంతోనే ఈ ప‌ని చేయాల్సివ‌చ్చింద‌న్నారు. 

మ‌హేష్‌బాబుతో సినిమా చేయాల‌న్న‌ది త‌న డ్రీమ్ అని, ఆ క‌ల ఈ సినిమాతో సాకారం కానున్న‌ద‌ని చెప్పాడు. నాగ‌చైత‌న్య తో ప‌ర‌శురామ్ చేయ‌నున్న చిత్రం బాలీవుడ్ రీమేక్ అంటూ అప్ప‌ట్లో వార్త‌లొచ్చాయి. దివంగ‌త హీరో సుశాంత్ సింగ్‌రాజ్‌పుత్ చిచోరే ఆధారంగా ఈ సినిమాను తెర‌కెక్కించ‌బోతున్న‌ట్లు ప్ర‌చారం జ‌రిగింది. వీటిపై ప‌ర‌శురామ్ మాత్రం స్పందించ‌లేదు.