Srihan - Siri Hanmanth Web Series: బిగ్‌బాస్ తెలుగు సీజ‌న్ 6 ర‌న్న‌ర‌ప్‌గా శ్రీహాన్ నిలిచిన సంగ‌తి తెలిసింది. విన్న‌ర్ రేవంత్ కంటే శ్రీహాన్ ఎక్కువ ప్రైజ్‌మ‌నీని సొంతం చేసుకున్నాడు. బిగ్‌బాస్ టైటిల్ గెలిచే అవ‌కాశం శ్రీహాన్‌కే ఎక్కువ‌గా ఉండ‌గా నాగార్జున ఇచ్చిన ప్రైమ్‌మ‌నీని తీసుకొని ర‌న్న‌ర‌ప్ టైటిల్‌తో స‌రిపెట్టుకున్నాడు. ఈ బిగ్‌బాస్ రియాలిటీ షోలో త‌న కామెడీ టైమింగ్‌తో ఆక‌ట్టుకున్న శ్రీహాన్‌కు సినిమాలు, వెబ్‌సిరీస్‌ల‌లో మంచి అవ‌కాశాలు వ‌స్తోన్న‌ట్లు స‌మాచారం.,తాజాగా త‌న లవర్ సిరి హ‌నుమంత్‌తో శ్రీహాన్ ఓ వెబ్ సిరీస్ చేయ‌బోతున్నాడు. ఈ విష‌యాన్ని శ్రీహాన్ స్వ‌యంగా వెల్ల‌డించాడు. బిగ్‌బాస్ హౌజ్ నుంచి బ‌య‌ట‌కు వ‌చ్చిన త‌ర్వాత శ్రీహాన్ అంగీక‌రించిన తొలి ప్రాజెక్ట్ ఇదే కావ‌డం గ‌మ‌నార్హం.,ఈ సిరీస్‌కు ప్ర‌ముఖ కొరియోగ్రాఫ‌ర్ శేఖ‌ర్ మాస్టర్ ప్రొడ్యూస‌ర్‌గా వ్య‌వ‌హ‌రించ‌బోతున్నాడు. సుజిత్ ద‌ర్శ‌క‌త్వం వ‌హించ‌బోతున్న‌ట్లు శ్రీహాన్ పేర్కొన్నాడు. శేఖ‌ర్ మాస్టర్, సిరి, డైరెక్ట‌ర్‌ల‌తో క‌లిసి దిగిన ఫొటోను ఇన్‌స్టాగ్రామ్‌లో పోస్ట్ చేశాడు శ్రీహాన్. ఫుల్ ఫ‌న్‌తో ఈ వెబ్‌సిరీస్ సాగ‌నున్న‌ట్లు శ్రీహాన్ పేర్కొన్నాడు.,త్వ‌ర‌లోనే ఈ వెబ్‌సిరీస్‌కు సంబంధించిన వివ‌రాల్ని రివీల్ చేయ‌బోతున్న‌ట్లు తెలిపాడు. ప్ర‌ముఖ ఓటీటీ ప్లాట్‌ఫామ్ ఈ సిరీస్ రిలీజ్ చేయ‌బోతున్న‌ట్లు తెలిసింది. ఈ వెబ్ సిరీస్ తో శ్రీహాన్ ఓటీటీలోకి ఎంట్రీ ఇస్తున్నాడు. సిరితో చాలా కాలంగా ప్రేమ‌లో ఉన్నాడు శ్రీహాన్. బిగ్‌బాస్ సీజ‌న్ 6 లో అత‌డి కోసం హౌజ్‌కు వ‌చ్చింది సిరి హ‌నుమంత్‌. ఫ్యామిలీ ఎపిసోడ్‌లో సిరి, శ్రీహాన్ కెమిస్ట్రీ హైలైట్‌గా నిలిచింది. గ‌తంలో కొన్ని వెబ్‌సిరీస్‌ల‌లో సిరి, శ్రీహాన్ క‌లిసి న‌టించారు.