Allu Arjun Indian of The Year Award: ఇండియ‌న్ ఆఫ్ ది ఇయ‌ర్ అవార్డ్ అందుకున్న‌ అల్లు అర్జున్

Allu Arjun Indian of The Year Award: పుష్ప సినిమాతో పాన్ ఇండియ‌న్ స్థాయిలో ఎన‌లేని క్రేజ్‌ను సొంతం చేసుకున్నాడు అల్లు అర్జున్‌. పుష్ప‌రాజ్ పాత్ర‌లో బ‌న్నీ యాక్టింగ్‌తో పాటు అత‌డి డైలాగ్స్‌, మేన‌రిజ‌మ్స్‌కు దేశ‌వ్యాప్తంగా అభిమానులు ఫిదా అయ్యారు. త‌గ్గేదేలే అంటూ బ‌న్నీ చెప్పిన డైలాగ్స్‌ను ప‌లువురు నేష‌న‌ల్‌, ఇంట‌ర్‌నేష‌న‌ల్ స్పోర్ట్స్ స్టార్స్ ఇమిటేట్ చేసి అల‌రించారు. పుష్ప త‌ర్వాత బ‌న్నీతో సినిమా చేసేందుకు బాలీవుడ్ అగ్ర ద‌ర్శ‌క‌నిర్మాత‌లు ఇంట్రెస్ట్ చూపుతున్నారు.

ఈ సినిమాలో అస‌మాన న‌ట‌న‌ను క‌న‌బ‌రిచిన బ‌న్నీ సైమా, ఫిలింఫేర్‌తో ప‌ళ‌/ అవార్డుల‌ను ద‌క్కించుకున్నాడు. ఆయా ఫిలిం ఫెస్టివ‌ల్స్‌లో పుష్ప సినిమాకు అత్య‌ధిక అవార్డ్స్ ద‌క్కాయి. తాజాగా మ‌రో ప్ర‌తిష్టాత్మ‌క అవార్డును అల్లు అర్జున్ సొంతం చేసుకున్నాడు. ఇండియ‌న్ ఆఫ్ ది ఇయ‌ర్ 2022 అవార్డును అందుకున్నాడు. ఈ అవార్డున ద‌క్కించుకున్న తొలి సౌత్ ఇండియ‌న్ యాక్ట‌ర్‌గా బ‌న్నీ నిలిచాడు.

బుధ‌వారం న్యూఢిల్లీలోకేంద్ర మంత్రి స్మృతి ఇరానీ చేతుల మీదుగా బ‌న్నీ ఈ అవార్డును అందుకున్నాడు. ఈ సంద‌ర్భంగా బ‌న్నీ మాట్లాడుతూ న‌టుడిగా ఇర‌వై ఏళ్ల కెరీర్‌లో ద‌క్షిణాది సినీ ప‌రిశ్ర‌మ నుంచి ఎన్నో అవార్డుల‌ను అందుకున్నాన‌ని, కానీ నార్త్ ఇండియా నుంచి అవార్డును స్వీక‌రించ‌డం ఇదే మొద‌టిసారి అని తెలిపాడు. ఈ అవార్డు త‌న‌కు ఎంతో ప్ర‌త్యేక‌మ‌ని అల్లు అర్జున్ పేర్కొన్నాడు. పాన్ ఇండియ‌న్ క‌ల్చ‌ర్ డెవ‌ల‌ప్ అయిన త‌ర్వాత మంచి సినిమా ఏ భాష‌లో విడుద‌లైన అన్ని ఇండ‌స్ట్రీల వారు ఆద‌రిస్తుండం చ‌క్క‌టి ప‌రిణామ‌మ‌ని అల్లు అర్జున్ చెప్పాడు.

సౌత్‌, నార్త్ అనే విభ‌జన ఉన్నా అంద‌రం సినిమా త‌ల్లి బిడ్డ‌ల‌మే అంటూ తెలిపారు. ఇండియ‌న్ సినిమా ఇండ‌స్ట్రీ గొప్ప‌త‌నం ఎప్ప‌టికీ త‌గ్గేదేలే అంటూ పుష్ప స్టైల్ మేన‌రిజ‌మ్స్‌తో డైలాగ్ చెప్పి అభిమానుల‌ను ఆక‌ట్టుకున్నాడు. ఎంట‌ర్‌టైన్‌మెంట్ కేట‌గిరీ నుంచి అల్లు అర్జున్ ఈ అవార్డు అందుకున్నాడు.

ఈ అవార్డును కొవిడ్ స‌మ‌యంలో ప్రాణాల‌కు తెగించి ప‌నిచేసిన ఫ్రంట్‌లైన్ వారియ‌ర్స్‌కు అంకితం ఇస్తున్న‌ట్లు అల్లు అర్జున్ ప్ర‌క‌టించాడు. ప్ర‌స్తుతం పుష్ప సినిమాకు సీక్వెల్ రూపొందుతోంది. పుష్ప ది రూల్ టైటిల్‌తో తెర‌కెక్కుతున్న ఈ సీక్వెల్ ఈ నెల‌లోనే సెట్స్‌పైకిరానుంది. సుకుమార్ ద‌ర్శ‌క‌త్వంలో రూపొందుతున్న ఈ సినిమాలో ర‌ష్మిక మంద‌న్న హీరోయిన్‌గా న‌టిస్తోంది.