Hollywood Movies on Aha: ఆహా ఓటీటీలోకి వచ్చేస్తున్న 7 పాపులర్ హాలీవుడ్ సినిమాలు.. తెలుగులో.. ఎప్పుడంటే!

Hollywood Movies on Aha OTT: ఆహా ఓటీటీ ప్లాట్‍ఫామ్ దూసుకుపోతోంది. సినిమాలు, వెబ్‍ సిరీస్‍లు, గేమ్ షోలతో హవా చూపిస్తోంది. నానాటికీ యూజర్ల సంఖ్యను పెంచుకుంటోంది. ఇటీవల వరుసగా మూవీలను ప్లాట్‍ఫామ్‍లోకి తెస్తోంది. కాగా, తాజాగా కొన్ని పాపులర్ హాలీవుడ్ మూవీలను ఆహా ఓటీటీ ప్లాట్‍ఫామ్ యాడ్ చేయనుంది. ఒకేసారి ఏడు హాలీవుడ్ చిత్రాలను అందుబాటులోకి తీసుకొస్తున్నట్టు ప్రకటించింది. తెలుగులో ఈ చిత్రాలను చూడొచ్చని పేర్కొంది. ఈ మేరకు నేడు ట్వీట్ చేసింది. ఏ హాలీవుడ్ సినిమాలను రానున్నాయో ప్రకటించింది.

అమేజింగ్ స్పైడర్‌మ్యాన్, అమేజింగ్ స్పైడర్‌మ్యాన్-02, యాంగ్రీబర్డ్స్ 2, బ్రైట్‍బర్న్, చార్లెస్ ఏంజెల్స్, డోంట్ బ్రీత్, ఇన్‍సిడియస్ హాలీవుడ్ చిత్రాలను తెలుగులో తీసుకొస్తున్నామంటూ ఆహా ప్రకటించింది. తెలుగులో ఈ మూవీలు స్ట్రీమ్ అవుతాయని పేర్కొంది. ఈ అర్ధరాత్రి 12 గంటల (జూన్ 24) నుంచి ఆహాలో ఈ సినిమాల స్ట్రీమింగ్ మొదలవుతుందని తెలిపింది. ఈ మేరకు ట్వీట్ చేసింది.

హాలీవుడ్ ఈజ్ బ్యాక్ అంటూ ఆహా ట్వీట్ చేసింది. “మరింత ఎంటర్‌టైన్‍మెంట్ ఇవ్వడానికి.. హాలీవుడ్ మళ్లీ వచ్చేసింది. అది కూడా మన భాషలో..” అని ఆహా ట్వీట్ చేసింది. ఓ పోస్టర్‌ను కూడా పోస్ట్ చేసింది.

కాగా, ఆహా ఓటీటీలో నేడు (జూన్ 23) ఇంటింటి రామాయణం, మళ్లీ పెళ్లి సినిమాలు వచ్చాయి. స్ట్రీమింగ్ మొదలయ్యాయి. ఇంటింటి రామాయణం మూవీ థియేటర్లలో విడుదలైన రెండు వారాల్లోనే ఆహాలోకి వచ్చేసింది. ఓ దొంగతనం చుట్టూ తిరిగే కథతో కామెడీతో పాటు భావోద్వేగ సన్నివేశాలతో ఇంటింటి రామాయణం ఆకట్టుకుంటుంది. ఈ చిత్రంలో రాహుల్ రామకృష్ణ, నవ్య స్వామి ప్రధాన పాత్రల్లో నటించారు.

మళ్లీ పెళ్లి మూవీలో సీనియర్ నటులు నరేశ్, పవిత్రా లోకేశ్ ప్రధాన పాత్రల్లో నటించారు. పవిత్రా లోకేశ్‍ను ఇటీవలే మూడో విహహం చేసుకున్నాడు నరేశ్. మళ్లీ పెళ్లి సినిమా.. దాదాపు వీరి నిజ జీవిత ఘటనలకు దగ్గరగా ఉంది. ఈ సినిమా కూడా ఆహాలోకి నేడు వచ్చింది.