Lok Sabha elections 2024 : లోక్​సభ ఎన్నికల మూడో దశ పోలింగ్​ లైవ్​ అప్డేట్స్​..

కర్ణాటకలోని షిమోగా జిల్లా పంచాయతీ ఓటర్లను తమ ఓటు హక్కును వినియోగించుకునేలా వినూత్నంగా ఒక పోలింగ్ బూత్ ను ఆవిష్కరించింది. అందులో ఓటర్ల కోసం ప్రత్యేకంగా సింహాసనాలను, కిరీటాలను ఏర్పాటు చేశారు. ప్రజాస్వామ్యంలో పౌరులే ప్రభువులు అనే భావనతో ఓటర్లను రాజులు, రాణులుగా చిత్రీకరిస్తూ ఈ ప్రత్యేక పోలింగ్ కేంద్రంను రూపొందించారు. ఈ పోలింగ్ బూత్ లో ఓటు వేసిన అనంతరం ఓటర్లు తలపై కిరీటం ధరించి సింహాసనంపై కూర్చుని ఫొటోలకు పోజులిచ్చారు.

4వ దశ పోలింగ్​ మే 13న జరగనుంది. మొత్తం 7 దశల పోలింగ్​ ప్రక్రియ ముగిసిన తర్వాత.. జూన్​ 4న ఫలితాలు వెలువడతాయి. ఆంధ్రప్రదేశ్​ సహా మరో మూడు రాష్ట్రాల ఫలితాలు కూడా బయటకు వస్తాయి.

ప్రముఖ వ్యాపారవేత్త గౌతమ్​ అదానీ.. తన ఓటు హక్కును వినియోగించుకున్నారు. గుజరాత్​ అహ్మదాబాద్​లోని ఓ పోలింగ్​ స్టేషన్​లో ఆయన ఓటు వేశారు.

2024 లోక్​సభ ఎన్నికల మూడో దశ పోలింగ్​ కొనసాగుతోంది. మొత్తం 93 సీట్లల్లో పోలింగ్​ జరుగుతోంది.

ఉత్తర్​ ప్రదేశ్​లోని సైఫైలో తన ఓటు హక్కును వినియోగించుకున్న సమాజ్​వాదీ చీఫ్​ అఖిలేశ్​ యాదవ్​..

లోక్​సభ ఎన్నికల 3వ దశ పోలింగ్​లో ఉదయం 11 గంటల వరకు 25.4శాతం ఓటింగ్​ శాతం నమోదైంది.

కాంగ్రెస్​ అధ్యక్షుడు మల్లిఖార్జున ఖర్గే.. తన ఓటు హక్కును వినియోగించుకున్నారు. కర్ణాటక కలబురిగీలోని ఓ పోలింగ్​ కేంద్రంలో ఓటు వేశారు.

కర్ణాటకలో లోక్​సభ ఎన్నికల పోలింగ్​ జరుగుతోంది. ఉదయం 9 గంటల 30 నిమిషాల వరకు 9.45శాతం పోలింగ్​ నమోదైంది.

ఆంధ్రప్రదేశ్​ అసెంబ్లీ ఎన్నికల తరుణంలో.. బుధవారం విజయవాడలో భారీ రోడ్​షో నిర్వహించనున్నారు ప్రధాని మోదీ. ఫలితంగా.. విజయవాడలో ట్రాఫిక్​ ఆంక్షలు అమల్లోకి రానున్నాయి.

93 లోక్​సభ సీట్లల్లో పోలింగ్​ ప్రక్రియ ప్రశాంతంగా సాగుతోంది. ఇంకొద్ది సేపట్లో.. ఓటింగ్​ పర్సెంటేజ్​ వివరాలు వెలువడతాయి.

దిగ్గజ నేత, ఎన్​సీపీ-ఎస్​సీపీ వ్యవస్థాపకుడు శరద్​ పవర్​.. తన ఓటు హక్కును వినియోగించుకున్నారు. మహారాష్ట్ర బారామతిలోని ఓ పోలింగ్​ కేంద్రంలో ఓటు వేశారు.

2024 లోక్​సభ ఎన్నికల మూడో దశ పోలింగ్​ కొనసాగుతోంది. 93 సీట్లకు పోలింగ్​ జరుగుతోంది. 7 దశల పోలింగ్​ తర్వాత.. జూన్​ 4న ఫలితాలు వెలువడతాయి.

‘లోక్​సభ ఎన్నికల్లో నేను ఓటు వేశాను. ప్రతి ఒక్కరు ఓటు వేసి ప్రజాస్వామ్యాన్ని బలపరచాలని కోరుతున్నాను,’ అని మోదీ ట్వీట్​ చేశారు.

బీజేపీ అడ్డా అయిన గుజరాత్​లో  లోక్​సభ ఎన్నికల మూడో దశ పోలింగ్​ జోరుగా సాగుతోంది. ప్రధాని మోదీతో పాటు ప్రముఖులు ఒక్కొక్కరుగా తమ ఓటు హక్కును వినియోగించుకుంటున్నారు. ప్రజలు కూడా పోలింగ్​ కేంద్రాల వద్దకు తరలివెళుతున్నారు.

అహ్మదాబాద్​లోని ఓ పోలింగ్​ బూత్​లో.. ప్రధానమంత్రి నరేంద్ర మోదీ తన ఓటు హక్కును వినియోగించుకున్నారు. ఆయనతో పాటు కేంద్రమంత్రి అమిత్​ షా కూడా ఉన్నారు. 

ఓటు వేసిన అనంతరం.. పోలింగ్​ స్టేషన్​ బయట ఉన్న వందలాది మంది ప్రజలకు అభివాదం చేశారు మోదీ.

అహ్మదాబాద్​లోని పోలింగ్​ బూత్​కి ప్రధాని చేరుకున్నారు. మరికొద్ది సేపట్లో తన ఓటు హక్కును వినియోగించుకోనున్నారు.

అహ్మదాబాద్​లోని నిశాన్​ పాఠశాలకు వెళ్లిన అమిత్​ షా.. తన ఓటు హక్కును వినియోగించుకోనున్నారు. మరికొద్ది సేపట్లో ప్రధాని మోదీ కూడా ఇక్కడే ఓటు వేయనున్నారు.

2024 లోక్​సభ ఎన్నికల మూడో దశ పోలింగ్​ ప్రక్రియ ప్రారంభమైంది. ఇంకొద్ది సేపట్లో.. ప్రధానమంత్రి నరేంద్ర మోదీ.. అహ్మదాబాద్​లోని ఓ స్కూల్​లో ఓటు వేయనున్నారు.

మధ్యప్రదేశ్​ బేతుల్​లో.. రెండో దశలోనే పోలింగ్​ జరగాల్సి ఉంది. కానీ బీఎస్​పీ పార్టీ అభ్యర్థి మరణంతో మూడో దశకు వాయిదా పడింది. ఇక జమ్ముకశ్మీర్​లో ప్రతికూల వాతావరణం కారణంగా.. అనంతనాగ్​- రాజౌరీ నియోజకవర్గంలో పోలింగ్​ వాయిదా పడింది.

అసాం (4), బిహార్​ (5), ఛత్తీస్​గఢ్​ (7), గోవా (2), గుజరాత్​ (26), కర్ణాటక (14), మధ్యప్రదేశ్​ (8), మహారాష్ట్ర (11), యూపీ (10), బెంగాల్​ (4), దాద్రా నగర్​ హవేలీ- దమన్​ దయూ (2)లో నేడు పోలింగ్​ జరగనుంది.

కొన్ని నెలల క్రితం.. ఎన్​సీపీ రెండుగా విడిపోయిన విషయం తెలిసిందే. ఇప్పుడు శరద్​ పవార్​ వర్గం, అజిత్​ పవర్​ వర్గం మధ్య తీవ్ర పోటీ కనిపిస్తోంది. బారామతిలో సుప్రియా సులేకు పోటీగా తన భార్యను దింపారు అజిత్​ పవర్​. ఇక్కడ నేడు పోలింగ్​ జరగనుంది.

గుజరాత్​లోని 26 సీట్లకు నేడు పోలింగ్​ జరగనుంది. అహ్మదాబాద్​లోని ఓ పాఠశాలలో ప్రధాని మోదీ.. తన ఓటు హక్కును వినియోగించుకోనున్నారు.

మూడో దశ పోలింగ్​లో హై ఓల్టేజ్​ యాక్షన్​ కనిపించనుంది! అమిత్​ షా వంటి దిగ్గజ నేతలతో పాటు యూసఫ్​ పటాన్​ వంటి వారు.. నేటి ఎన్నికల్లో అభ్యర్థులగా ఉన్నారు.

నేడు 93 సీట్లకు పోలింగ్​ జరగనుంది. 2019లో ఈ 93 సీట్లల్లో 72 చోట్ల బీజేపీ విజయం సాధించింది. వీటిల్లో 26 గుజరాత్​ నుంచే వచ్చాయి. మరి ఈసారి ఏ మేరకు ప్రదర్శన చేస్తుందా అని ఆసక్తి నెలకొంది.

2024 లోక్​సభ ఎన్నికల మూడో దశ పోలింగ్​కు సమయం ఆసన్నమైంది. ఉదయం 7 గంటలకు పోలింగ్​ ప్రారంభమవుతుంది.  10 రాష్ట్రాలు, 2 కేంద్ర పాలిత ప్రాంతాల్లో నేడు ఓటింగ్​ జరగనుంది. నేటితో.. 543 సీట్లలో సగం సీట్లకు పోలింగ్​ ప్రక్రియ పూర్తవుతుంది.