WhatsApp features : వాట్సాప్​ కమ్యూనిటీస్​- ఛానెల్​.. ఈ ఫీచర్స్​ని ఎలా వాడాలి?

How to use WhatsApp communities feature : యూజర్లకు మెరుగైన సేవలను అందించేందుకు కృషి చేస్తూ ఉంటుంది సామాజిక మాధ్యమ దిగ్గజం వాట్సాప్​. ఈ క్రమంలోనే.. ఈ మెటా ఆధారిత సంస్థ ఎప్పటికప్పుడు కొత్త కొత్త ఫీచర్స్​ను తీసుకొస్తుంది. ఇక ఇప్పుడు.. వాట్సాప్​ ఛానెల్​ను ప్రవేశపెట్టింది. ఇప్పటికే కమ్యూనిటీస్​ ఫీచర్​ అందుబాటులో ఉంది. అయితే.. చాలా మందికి ఈ రెండింటిని ఎలా వాడాలో తెలియదు. వాటిని ఎలా ఉపయోగించుకోవాలో ఇక్కడ తెలుసుకుందాము..

కమ్యూనిటీస్​ ఎలా పని చేస్తుందంటే..

ఈ కమ్యూనిటీస్​ ఫీచర్​ను గతేడాది నవంబర్​లో అందుబాటులోకి తీసుకొచ్చింది వాట్సాప్​. వాట్సాప్​ గ్రూప్స్​లో ఛాటింగ్​ను ఇది సులభతరం చేస్తుంది. ఉదాహరణకు.. మీ స్కూల్​ ఫ్రెండ్స్​కి ఒక గ్రూప్​ ఉంది. ఇంటర్​, డిగ్రీ కాలేజ్​లకు వేరువేరు గ్రూప్​లు ఉన్నాయని అనుకుందాము. ఇలాంటి గ్రూప్​లను ఒక్క చోటకు తీసుకురావచ్చు. అంటే.. వీటిని ఒక కమ్యూనిటీగా పెట్టుకోవచ్చు. ఇదే.. కమ్యూనిటీస్​ ఫీచర్​. సంబంధిత కమ్యూనిటీని ఓపెన్​ చేసి.. ఆయా గ్రూప్స్​లో ఛాట్​ చేసుకోవచ్చు.

WhatsApp community feature : కమ్యూనిటీస్​లో ఆల్​రౌండ్​ కన్వర్జెషన్స్​ ఉంటాయి. అంటే.. కమ్యూనిటీలో ఏదైనా పోస్ట్​, మెసేజ్​ పెడితే.. అందులోని వారందరూ చూస్తారు. చూసి రిప్లై ఇవ్వొచ్చు.

కమ్యూనిటీస్​ ఫీచర్​ని ఇలా స్టార్ట్​ చేసుకోండి..

స్టెప్​ 1:- వాట్సాప్​ ఇన్​బాక్స్​ను రైట్​​కి స్వైప్​ చేయండి.

స్టెప్​ 2:- కమ్యూనిటీస్​ బాక్స్​ ఓపెన్​ అవుతుంది. అందులో 'స్టార్ట్​ యువర్​ కమ్యూనిటీ' అన్న ఆప్షన్​ కనిపిస్తుంది. దాని మీద క్లిక్​ చేయండి.

స్టెప్​ 3:- ఫొటో, పేరు వంటివి టైప్​ చేయాల్సి ఉంటుంది. టిక్​ మార్క్​ మీద క్లిక్​ చేస్తే.. కమ్యూనిటీ క్రియేట్​ అవుతుంది. ఆ తర్వాత అందులో మీరు కొత్త గ్రూప్​లను క్రియేట్​ చేసుకోవచ్చు. లేదా పాత గ్రూప్​లను యాడ్​ చేసుకోవచ్చు.

వాట్సాప్​ ఛానెల్​ ఎలా పనిచేస్తుందంటే..

How to use WhatsApp channels feature : వాట్సాప్​లో ఛానెల్​ ఫీచర్​ను తీసుకురావాలని చాలా రోజులుగా కస్టమర్లు అడుగుతూనే ఉన్నారు. ఎట్టకేలకు ఛానెల్​ ఆప్షన్​ను తీసుకొచ్చింది ఈ సామాజిక మాధ్యమ దిగ్గజం. తొలుత ఇది కొలంబియా, సింగపూర్​ దేశాల్లోని యూజర్లకు అందుబాటులోకి వచ్చింది.

ఛానెల్​ అనేది వన్​ టు మెనీ బ్రాడ్​కాస్ట్​ టూల్​! అంటే.. ఒక ఛానెల్​ను క్రియేట్​ చేస్తే.. ఆ ఛానెల్​కు మీరు అడ్మిన్​ అవుతారు. అందులో ఇతరులు జాయిన్​ అవ్వొచ్చు. మీరు పెట్టే అప్డేట్స్​ను, పోల్స్​ను వాళ్లు చూడగలరు. కానీ రిప్లైలు ఇవ్వలేరు. టెలిగ్రామ్​లో ఈ ఫీచర్​ను చాలా మంది ఇప్పటికే వాడుతున్నారు.

ఛానెల్​ కంట్రోల్​ మొత్తం అడ్మిన్స్​ దగ్గరే ఉంటుంది. ఏదైనా అందులో షేర్​ చేసుకోవచ్చు.

ఛానెల్​లో అడ్మిన్​ కాంటాక్ట్​ నెంబర్​, ప్రొఫైల్​ ఫొటో వంటివి ఫాలోవర్స్​కు కనిపించదు. అదే విధంగా.. ఫాలోవర్స్​ వివరాలు అడ్మిన్​కు కనిపించవు.

మీ ఛానెల్​ను ఇలా స్టార్ట్​ చేయండి..

WhatsApp channel feature : స్టెప్​ 1:- ఛానెల్​ ఫీచర్​ అందుబాటులోకి వచ్చిన తర్వాత.. అప్డేట్స్​ ట్యాబ్​ మీద క్లిక్​ చేయండి.

స్టెప్​ 2:- అనంతరం ఛానెల్​ పేరు పక్కన ఉన్న '+' సింబల్​ మీద క్లిక్​ చేయండి. లేదా ఇన్వైట్​ లింక్​తో జాయిన్​ అవ్వొచ్చు.

ఇక్కడ ఒక విషయం గుర్తుపెట్టుకోవాలి. కమ్యూనిటీస్​లో కన్వర్జేషన్లు అలాగే ఉంటాయి. కానీ ఛానెల్స్​లో మాత్రం 30 రోజుల తర్వాత మాయమైపోతాయి. కమ్యూనిటీస్​లో ఎండ్​ టు ఎండ్​ ఎన్​క్రిప్షన్​ ఉంటుంది. కానీ ఛానెల్స్​కు ఇది రాదు.