Volkswagen exchange carnival : వోక్స్​వ్యాగన్​ ఎక్స్​ఛేంజ్​ కార్నివాల్​ షురూ..!

Volkswagen India exchange carnival : న్యూ ఇయర్​ నుంచి వాహనాల ధరలను భారీగా పెంచేందుకు సిద్ధమవుతున్న ఆటో సంస్థలు.. ఇయర్​ ఎండింగ్​లో మాత్రం కస్టమర్లను ఆకర్షించే విధంగా డిస్కౌంట్లు, ఆఫర్లు అంటూ ప్రకటనలు చేస్తున్నాయి. వోక్స్​వ్యాగన్​ ఇండియా అయితే.. ఏకంగా 'ఏక్స్​ఛేంజ్​ కార్నివాల్​'నే మొదలుపెట్టేసింది. వోక్స్​వ్యాగన్​ ఇండియా ఎక్స్​ఛేంజ్​ కార్నివా​ల్​తో కస్టమర్లకు ఏ విధంగా లాభం చేకూరుతుందో ఇప్పుడు తెలుసుకుందాము.

ఎక్స్​ఛేంజ్​ కార్నివాల్​..

శుక్రవారం ప్రారంభమైన ఈ వోక్స్​వ్యాగన్​ ఇండియా ఎక్స్​ఛేంజ్​ కార్నివాల్​.. ఆదివారం వరకు కొనసాగుతుంది. ప్యాన్​ ఇండియా రేంజ్​లో దేశవ్యాప్తంగా 157 సేల్స్​ టచ్​ పాయింట్స్​లో ఈ ఎక్స్​ఛేంజ్​ కార్నివాల్​ను ఏర్పాటు చేసింది ఈ ఆటో సంస్థ. ప్రస్తుతం ఉన్న కస్టమర్లతో పాటు తమ సంస్థ కారును కొనుగోలు చేయాలని భావిస్తున్న వారందరినీ ఈ ఎక్స్​ఛేంజ్​ కార్నివాల్​కు ఆహ్వానించింది వోక్స్​వ్యాగన్​ ఇండియా. టైగన్​, వర్టూస్​, టిగువాన్​ వంటి బెస్ట్​ సెల్లర్​ వాహనాల టెస్ట్​ డ్రైవ్​ను ప్రొవైడ్​ చేస్తోంది. అంతేకాకుండా.. ఇయర్​ ఎండ్​ ఎక్స్​ఛేంజ్​ బెనిఫిట్స్​, ఎక్స్​ఛేంజ్​ వెహికిల్​ హోం ఇవాల్యువేషన్​, ఫైనాన్సింగ్​ ఆప్షన్స్​తో పాటు మరిన్ని ప్రయోజనాలను కస్టమర్లకు ఇస్తోంది ఈ సంస్థ. పూర్తి వివరాల కోసం సమీప వోక్స్​వ్యాగన్​ డీలర్​షిప్​ షోరూంకు వెళ్లాల్సి ఉంటుంది.

వోక్స్​వ్యాగన్​ టిగువాన్​ ఎక్స్​క్లూజివ్​ ఎడిషన్​..

Volkswagen exchange carnival : వోక్స్​వ్యాగన్​ సంస్థ.. టిగువాన్​ ఎక్స్​క్లూజివ్​ ఎడిషన్​ను ఇటీవలే లాంచ్​ చేసింది. దీని ఎక్స్​షోరూం ధర రూ. 33.50లక్షలుగా ఉంది. ప్యూర్​ వైట్​, ఆక్సీ వైట్​ వంటి రంగుల్లో అందుబాటులో ఉంది. టిగువాన్​ను మార్కెట్​లో లాంచ్​ చేసి ఏడాది ముగిసిన సందర్భంగా ఈ ఎక్స్​క్లూజివ్​ ఎడిషన్​ను తీసుకొచ్చింది వోక్స్​వ్యాగన్​ సంస్థ. ఇందుకు సంబంధించిన బుకింగ్స్​ ఇప్పటికే ఓపెన్​ అయ్యాయి.

టిగువాన్​తో పోల్చుకుంటే.. టిగువాన్​ ఎక్స్​క్లూజివ్​ ఎడిషన్​లో స్వల్ప మార్పులు చోటుచేసుకున్నాయి. ఇందులో సెబ్రింగ్​ 18 ఇంచ్​ అలాయ్​ వీల్స్​ ఉంటాయి. వీల్స్​ మధ్యలో ఉన్న 'వీడబ్ల్యూ' లోగో డైనమిక్​గా కనిపిస్తుంది. రేర్​ లోడ్​ సిల్​ ప్రొటెక్షన్​తో పాటు బీ- పిల్లర్​ మీద ఎక్స్​క్లూజివ్​ అనే బ్యాడ్జ్​ కూడా వస్తుంది. సాధారణంగా.. టిగువాన్​లో ఏడు రంగులు ఉంటాయి. కానీ టిగువాన్​ ఎక్స్​క్లూజివ్​ ఎడిషన్​కు కేవలం రెండు ఆప్షన్స్​(పర్ల్​ వైట్​, ఓరిక్స్​ వైట్​)నే ఇచ్చింది వోక్స్​వ్యాగన్​. పూర్తి వివరాల కోసం ఇక్కడ క్లిక్​ చేయండి.

సేఫ్టీ టెస్ట్​..

Volkswagen crash test results : ఈ నెలలో మేడ్​ ఇన్​ ఇండియా వోక్స్​వ్యాగన్​ వర్టూస్​ సేఫ్టీ టెస్ట్​ జరిగింది. ఈ 6 ఎయిర్​బ్యాగ్స్​, ఈఎస్​సీ వాహనం.. అడల్ట్​ ఆక్యుపెంట్​ ప్రొటెక్షన్​లో 92.35శాతం స్కోరు నమోదు చేసింది. చైల్డ్​ ఆక్యుపెంట్​ ప్రొటెక్షన్​లో 91.84శాతం స్కోరు నమోదు చేసింది. ఫ్రంటల్​ ఇంపాక్ట్​, సైడ్​ పోల్​ ఇంపాక్ట్​, విప్​లాష్​, పెడిస్ట్రియన్​ ప్రొటెక్షన్​, ఆటోనోమస్​ ఎమర్జెన్సీ బ్రేకింగ్​ సిటీ అండ్​ ఇటర్​అర్బన్​, ఈఎస్​సీ వంటి అంశాల్లోనూ టెస్టింగ్​ జరిగింది. వీటి ఫలితాలు మెరుగ్గానే వచ్చాయి.