Vivo Y17s launched : వివో నుంచి ఎంట్రీ లెవల్​ స్మార్ట్​ఫోన్​.. ఫీచర్స్​, ధర ఇవే!-vivo y17s launched check features price and other details here ,బిజినెస్ న్యూస్
తెలుగు న్యూస్  /  బిజినెస్  /  Vivo Y17s Launched : వివో నుంచి ఎంట్రీ లెవల్​ స్మార్ట్​ఫోన్​.. ఫీచర్స్​, ధర ఇవే!

Vivo Y17s launched : వివో నుంచి ఎంట్రీ లెవల్​ స్మార్ట్​ఫోన్​.. ఫీచర్స్​, ధర ఇవే!

Sharath Chitturi HT Telugu
Sep 17, 2023 01:27 PM IST

Vivo Y17s launched : వివో వై17ఎస్​ స్మార్ట్​ఫోన్​.. ఒక ఎంట్రీ లెవల్​ గ్యాడ్జెట్​. ఈ మోడల్​ ఫీచర్స్​, ధర వంటి వివరాలను ఇక్కడ తెలుసుకుందాము..

వివో నుంచి ఎంట్రీ లెవల్​ స్మార్ట్​ఫోన్​..
వివో నుంచి ఎంట్రీ లెవల్​ స్మార్ట్​ఫోన్​.. (Vivo)

Vivo Y17s launched : అంతర్జాతీయ మార్కెట్​లో సరికొత్త స్మార్ట్​ఫోన్​ను లాంచ్​ చేసింది వివో సంస్థ. దీని పేరు వివో వై17ఎస్​. ఇదొక ఎంట్రీ లెవల్​, బడ్జెట్​ ఫ్రెండ్లీ గ్యాడ్జెట్​. సింగపూర్​లో ఇది అందుబాటులోకి వచ్చింది. లాంచ్​ నేపథ్యంలో.. ఈ మోడల్​ ఫీచర్స్​, ధర వంటి వివరాలను ఇక్కడ తెలుసుకుందాము..

వివో కొత్త స్మార్ట్​ఫోన్​ ఫీచర్స్​ ఇవే..!

వివో వై17ఎస్​లో 60 హెచ్​జెడ్​ రిఫ్రెష్​ రేట్​తో కూడిన 6.56 ఇంచ్​ ఐపీఎస్​ ఎల్​సీడ ప్యానెల్​ ఉంటుంది. రేర్​లో 50ఎంపీ ప్రైమరీ, 2ఎంపీ సెకండరీ కెమెరా సెటప్​ లభిస్తోంది. ఇక సెల్ఫీ, వీడియో కాల్స్​ కోసం.. ఈ డివైజ్​ ఫ్రెంట్​లో 8ఎంపీ కెమెరా వస్తోంది.

ఇక ఈ మోడల్​లో మీడియాటెక్​ హీలియో జీ84 చిప్​సెట్​ వస్తోంది. 6జీబీ ఎల్​పీడీడీఆర్​4ఎక్స్​ ర్యామ్​, 12జీబీ ఈఎంఎంసీ 5.1 స్టోరేజ్​ దీని సొంతం. ఎక్స్​ప్యాండెబుల్​ స్టోరేజ్​ కోసం.. ఈ మొబైల్​లో మైక్రోఎస్​డీ కార్డ్​ స్లాట్​ కూడా లభిస్తోంది. ఆండ్రాయిడ్​ 13 ఆధారిత ఫన్​టచ్​ ఓఎస్​ 13 సాఫ్ట్​వేర్​పై ఈ ఫోన్​ పనిచేస్తుంది.

ఈ వివో వై17ఎస్​లో 5000ఎంఏహెచ్​ బ్యాటరీ ఉంటుంది. దీనికి 15వాట్​ ఛార్జర్​ సపోర్ట్​ లభిస్తోంది. ఈ మొబైల్​కు 19.67గంటల యూట్యూబ్​ వీడియో ప్లేబ్యాక్​ వస్తుండటం విశేషం. డ్యూయెల్​ సిమ్​, డ్యూయెల్​-బ్యాండ్​ వైఫై, బ్లూటూత్​ 5.0, జీపీఎస్​, యూఎస్​బీ-సీ పోర్ట్​, 3.5ఎంఎం ఆడియో జాక్​ వంటి కనెక్టివిటీ ఫీచర్స్​ ఈ డివైజ్​లో ఉన్నాయి.

వివో కొత్త స్మార్ట్​ఫోన్​ ధర ఎంతంటే..

సింగపూర్​లో ఈ వివో వై17ఎస్​ ధర 199 ఎస్​జీడీ (146 డాలర్లు)గా ఉంది. అంటే ఇండియన్​ కరెన్సీలో అది సుమారు రూ. 12,150. గ్లిట్టర్​ పర్పుల్​, ఫారెస్ట్​ గ్రీన్​ కలర్​ ఆప్షన్స్​లో ఇది అందుబాటులోకి వచ్చింది.

Vivo Y17s price : సింగపూర్​ తర్వాత.. ఈ మోడల్​ ఇతర ఆసియా మార్కెట్స్​లో కూడా లాంచ్​ అవుతుందని సమాచారం. అయితే.. ఇండియాలో లాంచ్​, ధర వంటి వివరాలపై ప్రస్తుతం క్లారిటీ లేదు. దీనిపై సంస్థ స్పందించాల్సి ఉంది.

ఇండియాలోకి వివో టీ2 ప్రో..

వివో వై17ఎస్​ విషయాన్ని పక్కనపెడితే.. వివో టీ2 ప్రో మోడల్​ను ఇండియాలో లాంచ్​కు సిద్ధం చేస్తోంది స్మార్ట్​ఫోన్​ తయారీ సంస్థ. ఈ నెల 22న ఈ మోడల్​ లాంచ్​ అవుతుందని వార్తలు వస్తున్నాయి. ఇందులో మీడియాటెక్​ డైమెన్సిటీ 7200 ఎస్​ఓసీ చిప్​సెట్​ ఉంటుంది. రెండు వేరియంట్లు ఉండొచ్చని సమాచారం. అవి 8జీబీ ర్యామ్​-128జీబీ స్టోరేజ్​, 8జీబీ ర్యామ్​- 256జీబీ స్టోరేజ్​. పూర్తి వివరాల కోసం ఇక్కడ క్లిక్​ చేయండి.

WhatsApp channel

సంబంధిత కథనం