Vespa Mickey Mouse Edition : వెస్పా ‘మిక్కి మౌస్’​ ఎడిషన్​ను చూశారా?

Vespa Mickey Mouse Edition : డిస్నీ వందేళ్ల చరిత్రకు గుర్తుగా..'మిక్కి మౌస్​' ఎడిషన్​ను తీసుకొచ్చింది ప్రముఖ ఇటాలియన్​ ఆటోమొబైల్​ సంస్థ పియాజియో వెస్పా స్కూటర్​ ఆధారంగా దీనిని రూపొందించింది. బ్లాక్​, రెడ్​, వైట్​, యెల్లో కలర్​ స్కీమ్​లో ఈ వెస్పా మిక్కి మౌస్​ ఎడిషన్​ అందుబాటులో ఉండనుంది. పూర్తి విశేషాలు ఇక్కడ తెలుసుకుందాము..

వెస్పా మిక్కి మౌస్​ ఎడిషన్​ హైలైట్స్​ ఇవే..

వెస్పా ప్రైమావెరా మోడల్​ ఆధారంగా ఈ మిక్కి మౌస్​ ఎడిషన్​ను రూపొందించారు. 50 సీసీ, 125సీసీ, 150సీసీ వర్షెన్స్​లో ఈ లిమిటెడ్​ ఎడిషన్​ స్కూటర్లు అందుబాటులో ఉండనున్నాయి. డిస్నీకి చెందిన ఐకానిక్​ క్యారెక్టర్​ మిక్కి మౌస్​కు చిహ్నంగా ఈ స్కూటర్​ను తయారు చేశారు.

ఇక వెస్పా తీసుకొచ్చిన ఈ స్పెషల్​ డిస్నీ మిక్కి మౌస్​ ఎడిషన్​ స్కూటర్​లో ఏప్రన్​ మౌంటెడ్​ ఇండేకటర్స్​, సర్క్యులర్​ ఎల్​ఈడీ హెడ్​ల్యాంప్​, బ్లాక్​డ్​ ఔట్​ రౌండ్​ మిర్రర్స్​, మిక్కి మౌస్​ను గుర్తు తెచ్చే ఫ్రెంట్​ ఏప్రన్​- సైడ్​ ప్యానెల్స్​, రెడ్​ కలర్డ్​ ఫుట్​బోర్డ్​, యెల్లో రంగులోని అలాయ్​ వీల్స్​ వంటివి వస్తున్నాయి. సెమీ డిజిటల్​ ఇన్​స్ట్రుమెంట్​ క్లస్టర్​ దీని సొంతం.

ఇదీ చూడండి:- Vespa : మరింత స్టైలిష్​గా వెస్పా 125, 150.. అప్డేటెడ్​ వర్షెన్స్​ లాంచ్​!

ఇంజిన్​.. సేఫ్టీ..

ఇక ఈ వెస్పా కొత్త ఎడిషన్​లో 50 సీసీ, 125సీసీ, 150సీసీ, ఎయిర్​ కూల్డ్​, సింగిల్​ సిలిండర్​ ఇంజిన్​ ఆప్షన్స్​ ఉన్నాయి. ఇవి 4.35హెచ్​పీ పవర్​- 3.5 ఎన్​ఎం టార్క్​, 9.93 హెచ్​పీ పవర్​- 9.6 ఎన్​ఎం టార్క్​, 10.4 హెచ్​పీ పవర్​- 10.6 ఎన్​ఎం టార్క్​ను జనరేట్​ చేస్తాయి.

సేఫ్టీ కోసం ఈ స్కూటర్​లో ఫ్రెంట్​ వీల్స్​కు డిస్క్​ బ్రేక్​, రేర్​ వీల్​కు డ్రమ్​ బ్రేక్​ వస్తున్నాయి. కంబైన్డ్​ బ్రేకింగ్​ సిస్టెమ్​ సైతం లభిస్తోంది.

Vespa Mickey Mouse Edition price : ఇక అమెరికా మార్కెట్​లో 50 సీసీ. 150 సీసీ మోడల్స్​​ ధరలు వరుసగా 4699 డాలర్లు, 6049 డాలర్లుగా ఉన్నాయి. అంటే.. సుమారు రూ. 3.85లక్షలు, రూ. 4.95లక్షలు.