Layoffs in India : ఇండియాలోనూ.. ఉద్యోగాలు ఊడిపోతున్నాయి!-thousands have lost jobs in india these layoff numbers will blow your mind see details ,బిజినెస్ న్యూస్
తెలుగు న్యూస్  /  Business  /  Thousands Have Lost Jobs In India; These Layoff Numbers Will Blow Your Mind See Details

Layoffs in India : ఇండియాలోనూ.. ఉద్యోగాలు ఊడిపోతున్నాయి!

Sharath Chitturi HT Telugu
Mar 22, 2023 12:18 PM IST

Layoffs in India : దేశంలో గత కొన్నేళ్లల్లో 36,400 మంది టెక్​ ఉద్యోగులు తమ జాబ్స్​ కోల్పోయారు. కొన్ని సంస్థలు.. ఏకంగా 100శాతం సిబ్బందిని తొలగించాయి

ఇండియాలోనూ.. ఉద్యోగాలు ఊడిపోతున్నాయి!
ఇండియాలోనూ.. ఉద్యోగాలు ఊడిపోతున్నాయి!

Layoffs in India : ప్రపంచ దేశాలతో పాటు ఇండియాలోను 'ఉద్యోగాల కోత' వార్తలు నిత్యం దర్శనమిస్తున్నాయి. ముఖ్యంగా గత 6,7 నెలలుగా దిగ్గజ కంపెనీల నుంచి సాధారణ సంస్థల వరకు.. కాస్ట్​ కటింగ్​ పేరుతో ఉద్యోగులను తీసేస్తున్న విషయం తెలిసిందే. ఈ నేపథ్యంలో.. ఇండియాలో గత కొన్నేళ్ల కాలంలో టెక్​ ఉద్యోగాలు కోల్పోయిన వారి డేటాను లేఆఫ్​.ఎఫ్​వైఐ అనే సంస్థ తాజాగా వెల్లడించింది. మొత్తం మీద 36,400మంది కొన్నేళ్ల వ్యవధిలో ఉద్యోగాలు కోల్పోయారు. లిడో లర్నింగ్​, సూపర్​లర్న్​, గోనట్స్​తో పాటు మొత్తం మీద 9 కంపెనీలు.. 100శాతం మంది ఉద్యోగులను తొలగించడం గమనార్హం. గోమెకానిక్​, ఫబల్​కేర్​, ఎంఫైన్​తో పాటు మరో 5 కంపెనీలు.. తమ సిబ్బందిలోని 70-75శాతం మందిని ఇళ్లకు పంపించేశాయి.

ట్రెండింగ్ వార్తలు

ఉద్యోగాలు.. పోతున్నాయి!

ఇండియాలో ఉద్యోగులను భారీ మొత్తంలో తొలగిస్తున్న, తొలగించిన సంస్థల్లో బైజూస్​ మొదటి స్థానంలో నిలిచింది! ఇప్పటివరకు 4వేల మంది జాబ్స్​ను కట్​ చేసింది. ఇక 2021 జనవరిలో 1800 మంది ఉద్యోగులను ఇళ్లకు పంపించేసిన వైట్​హ్యాట్​ జూనియర్​.. 2022 జూన్​లో మరో 300మందిని తప్పించింది. జనవరి 21న.. 1800మంది బైట్​డ్యాన్స్​ ఉద్యోగులు.. తమ జాబ్స్​ కోల్పోయారు. పైసాబజార్​.. 2020లో 1,500 మందిని కట్​ చేసింది. అప్పటి వర్క్​ఫోర్స్​లో ఇది 50శాతం.

Layoffs in India 2023 : ప్రముఖ ఫుడ్​ డెలివరీ సంస్థ స్విగ్గీ.. 2020 మే నుంచి ఇప్పటివరకు 2,880 ఉద్యోగులకు గుడ్​ బై చెప్పింది. 2020 ఏప్రిల్​లో 800మందిని, 2020 జులై​లో 350మందిని, 2022 డిసెంబర్​లో మరో 250మందిని, 2023 జనవరిలో 380మందిని ఉద్యోగాల నుంచి తొలగించింది. మరో ఆన్​లైన్​ ఫుడ్​ డెలివరీ సంస్థ.. 2020 మే నుంచి 650మంది ఎంప్లాయీస్​ని తప్పించింది. 2020 మేలో 520మంది, 2022 నవంబర్​లో 100 మందికి ఉద్వాసన పలికింది.

క్యాబ్​ సర్వీసెస్​ అందించే ఓలా.. 2020 మే నుంచి ఇప్పటివరకు 4 విడతలుగా ఉద్యోగులను తప్పించింది. 2020లో ఏకంగా 1,400 మంది ఉద్యోగులను తొలగించిన ఓలా.. 2022 జులైలో మరో 1000మందికి గుడ్ ​బై చెప్పేసింది. 2022 సెప్టెంబర్​లో 200మందిని, 2023 జనవరిలో మరో 200మందిని తొలగించింది.

అంతర్జాతీయంగా..

India layoffs data 2023 : అంతర్జాతీయంగా ఈ ఏడాదిలో 503 టెక్​ కంపెనీలు.. ఏకంగా 1,48,165 మంది ఉద్యోగులను తప్పించాయి. 2022లో 1.6లక్షల మంది జాబ్​ కట్స్​కు గురయ్యారు. అమెజాన్​ సంస్థ అత్యధికంగా 25వేల మందిని తప్పించింది. రానున్న కాలంలో ఈ సంఖ్య ఇంకా పెరగొచ్చు!

WhatsApp channel

సంబంధిత కథనం