Sai Sudharsan IPL 2024 : సాయి సుదర్శన్​ విధ్వంసంతో సచిన్​ టెండుల్కర్​ రికార్డ్​ బ్రేక్​!-sai sudharsan smashes sachin tendulkars huge record in ipl 2024 hits breathtaking century ,క్రికెట్ న్యూస్
తెలుగు న్యూస్  /  క్రికెట్  /  Sai Sudharsan Ipl 2024 : సాయి సుదర్శన్​ విధ్వంసంతో సచిన్​ టెండుల్కర్​ రికార్డ్​ బ్రేక్​!

Sai Sudharsan IPL 2024 : సాయి సుదర్శన్​ విధ్వంసంతో సచిన్​ టెండుల్కర్​ రికార్డ్​ బ్రేక్​!

Sharath Chitturi HT Telugu
May 11, 2024 06:33 AM IST

చెన్నై సూపర్​ కింగ్స్​పై సెంచరీ చేసిన గుజరాత్​ టైటాన్స్​ ప్లేయర్​ సాయి సుదర్శన్​.. సచిన్​ టెండుల్కర్​ పేరిట ఉన్న ఓ రికార్డ్​ని బ్రేక్​ చేశాడు. అదేంటంటే..

సీఎస్కేపై సెంచరీ బాదిన సాయి సుదర్శన్​..
సీఎస్కేపై సెంచరీ బాదిన సాయి సుదర్శన్​.. (PTI)

GT vs CSK IPL 2024 : ఐపీఎల్​ 2024లో మరో అద్భుతం! చెన్నై సూపర్​ కింగ్స్​తో జరిగిన మ్యాచ్​లో తన విధ్వంస బ్యాటింగ్​తో అందరిని ఆశ్చర్యానికి గురిచేసిన గుజరాట్​ టైటాన్స్​ బ్యాటర్​ సాయి సుదర్శన్​.. ఐపీఎల్​ కెరీర్​లో తొలి శతకం బాదాడు. అంతేకాదు.. అహ్మదాబాద్​ వేదికగా శుక్రవారం జరిగిన ఈ మ్యాచ్​లో.. సచిన్​ టెండుల్కర్​ పేరిట ఉన్న ఒక భారీ రికార్డును బ్రేక్​ చేశాడు. వివరాల్లోకి వెళితే..

ధనాధన్​ సుదర్శన్​..

గుజరాత్​ తరఫున ఈ ఐపీఎల్​ 2024లో అత్యధిక పరుగులు సాధించిన ప్లేయర్​ సాయి సుదర్శన్​. కెప్టెన్​ శుభ్​మాన్​ గిల్​తో ఓపెనింగ్​కి వచ్చిన అతను.. మొదటి 7 బంతుల్లో 4 డాట్స్​ చేశాడు. కానీ శార్దూల్​ ఠాకూర్​ బౌలింగ్​లో కళ్లు చెదిరే 6 కొట్టడంతో అతని ఆత్మవిశ్వాసం పెరిగింది. అంతే! అక్కడి నుంచి ధనాధన్​ ఇన్నింగ్స్​ ఆడి.. కేవలం 50 బంతుల్లో సెంచరీ చేశాడు.

ఐపీఎల్​ 2024లో జరిగిన ఈ మ్యాచ్​లోనే సచిన్​ టెండుల్కర్​ రికార్డ్​ని బ్రేక్​ చేశాడు సాయి సుదర్శన్​. కేవలం 25 మ్యాచ్​ల్లో 1000 పరుగులు దాటేశాడు సుదర్శన్​. సచిన్​ టెండుల్కర్​కు అందుకోసం 33 మ్యాచ్​లు పట్టింది! ప్రస్తుత చెన్నై సూపర్​ కింగ్స్​ కెప్టెన్​ రుతురాజ్​ గైక్వాడ్​ కూడా 100 పరుగుల మార్క్​ని దాటేందుకు 33 మ్యాచ్​లు తీసుకున్నాడు.

Sai Sudharsan IPL 2024 : అయితే.. ఈ లిస్ట్​లో సాయి సుదర్శన్​ నాలుగో స్థానంలో ఉన్నాడు! ఐపీఎల్​లో ఫాస్టెస్ట్​ 1000 రన్స్​ లిస్ట్​లో ఆస్ట్రేలియా బ్యాటర్​ షాన్​ మార్ష్​ మొదటి స్థానంలో ఉన్నాడు. 21 ఇన్నింగ్స్​లలో అతను 1000 పరుగుల మర్క్​ని దాటేశాడు. ఆ తర్వాతి స్థానాల్లో.. వెస్టిండీస్​ ఓపెనర్​ లెండీ సిమన్స్​ (23), మాథ్యూ హేడెన్​ (25)లు ఉన్నారు. ఇప్పటివరకు నాలుగో స్థానంలో ఉన్న ఇంగ్లాడ్​ బ్యాటర్​ జానీ బెయిర్​స్టో (26)ని సాయి సుదర్శన్​.. ఈ ఐపీఎల్​ 2024లో వెనక్కి నెట్టాడు.

చెన్నై సూపర్​ కింగ్స్​తో మ్యాచ్​కి ముందు.. 1000 పరుగుల మార్క్​కి 69 రన్స్​ దూరంలో నిలిచాడు సుదర్శన్​. సీజన్​లో తొలిసారిగా ఓపెనింగ్​కి వచ్చి.. దుమ్మురేపాడు. 32 బల్స్​లో హాఫ్​ సెంచరీ చేశాడు. ఆ తర్వాత సెంచరీ బాది.. సచిన్​ టెండుల్కర్​ రికార్డును బ్రేక్​ చేశాడు.

అంతేకాదు.. ఈ ఐపీఎల్​ 2024లో 500 రన్స్​ మార్క్​ని దాటిన నాలుగో ప్లేయర్​ సాయి సుదర్శన్​. ఆరెంజ్​ క్యాప్​ రేసులో టాప్​లో ఉన్న విరాట్​ కోహ్లీ, గైక్వాడ్​, ట్రావిస్​ హెడ్​లు.. ఇప్పటికే 500 రన్స్​ దాటేశారు. ఇక 12 మ్యాచ్​ల్లో 527 రన్స్​తో నెంబర్​.4లో నిలిచాడు సాయి సుదర్శన్​.

గుజరాత్​ టైటాన్స్​ వర్సెస్​ చెన్నై సూపర్​ కింగ్స్​..

Sai Sudharsan IPL 2024 runs : ఇక శుక్రవారం జరిగిన గుజరాత్​ టైటాన్స్​ వర్సెస్​ చెన్నై సూపర్​ కింగ్స్​ మ్యాచ్​ విషయానికొస్తే.. గిల్​- సుదర్శన్​ 210 పరుగుల భాగస్వామ్యంతో.. గుజరాత్ జట్టు 231 రన్స్​ చేసింది. కానీ.. ఛేజింగ్​లో సీఎస్కే చతికిలపడింది. ధోనీ పోరాటం వృథా అయ్యింది. చివరికి.. 196 రన్స్​ చేసి ఓటమి పాలైంది. పూర్తి వివరాల కోసం ఇక్కడ క్లిక్​ చేయండి.

ఇక ప్లేఆఫ్స్​ రేసులో ఉండాలంటే కచ్చితంగా గెలవాల్సిన మ్యాచ్​లో గుజరాత్​ దుమ్మురేపింది. ఐపీఎల్​ 2024 పాయింట్స్​ టేబుల్​లో ఆ జట్టు ప్రస్తుతం 8వ స్థానంలో ఉంది. 12 మ్యాచ్​లలో 5 విజయాలతో 10 పాయింట్లను వెనకేసుకుంది. ఇక గుజరాత్​ టైటాన్స్​ చేతిలో ఓడిపోయినప్పటికీ.. సీఎస్కే జట్టు 4వ స్థానంలో కొనసాగుతోంది. చెన్నై సూపర్​ కింగ్స్​కి.. 12 మ్యాచ్​లలో 6 విజయాలతో 12 పాయింట్స్​ వచ్చాయి.

IPL_Entry_Point

సంబంధిత కథనం