iPhone 15 ultra : యాపిల్​ ఈవెంట్​కు ముందు.. 'ఐఫోన్​ 15 అల్ట్రా​'పై కీలక అప్డేట్​!-reports suggest apple may not launch iphone 15 ultra model ,బిజినెస్ న్యూస్
తెలుగు న్యూస్  /  బిజినెస్  /  Iphone 15 Ultra : యాపిల్​ ఈవెంట్​కు ముందు.. 'ఐఫోన్​ 15 అల్ట్రా​'పై కీలక అప్డేట్​!

iPhone 15 ultra : యాపిల్​ ఈవెంట్​కు ముందు.. 'ఐఫోన్​ 15 అల్ట్రా​'పై కీలక అప్డేట్​!

Sharath Chitturi HT Telugu
Sep 10, 2023 01:40 PM IST

iPhone 15 ultra : ఇంకొన్ని రోజుల్లో యాపిల్​ ఈవెంట్​ జరగనుంది. ఈ నేపథ్యంలో ఐఫోన్​ 15 అల్ట్రాపై ఓ వార్త బయటకి వచ్చింది. ఈ మోడల్​ అసలు ఉండకపోవచ్చని టాక్​ నడుస్తోంది.

యాపిల్​ ఈవెంట్​కు ముందు.. 'ఐఫోన్​ 15 అల్ట్రా​'పై కీలక అప్డేట్​!
యాపిల్​ ఈవెంట్​కు ముందు.. 'ఐఫోన్​ 15 అల్ట్రా​'పై కీలక అప్డేట్​!

iPhone 15 ultra : ఐఫోన్​ 15 సిరీస్​ లాంచ్​కు ఇంకొన్ని రోజులు మాత్రమే ఉంది. ఈ నెల 12న జరగనున్న యాపిల్​ ఈవెంట్​లో ఈ సిరీస్​ బయటకు రానుంది. ఈ నేపథ్యంలో ఐఫోన్​ 15 అల్ట్రాకు సంబంధించి ఓ వార్త బయటకి వచ్చింది. ఈ గ్యాడ్జెట్​ను సంస్థ లాంచ్​ చేయకపోవచ్చని పలు నివేదికలు సూచిస్తున్నాయి.

లాంచ్​ ఉండదా..?

గతేడాది ఐఫోన్​ 14 సిరీస్​ లాంచ్​ అయినప్పటి నుంచి ఐఫోన్​ 15 సిరీస్​పై బజ్​ నెలకొంది. ముఖ్యంగా ఐఫోన్​ 15 అల్ట్రా పేరుతో ఓ మెడల్​ బయటకు వస్తుందని టెక్​ వర్గాల్లో టాక్​ నడిచింది. ఫీచర్స్​ ఇవే, ధర ఇదేనంటూ రూమర్స్​ కూడా వచ్చాయి. ‘ప్రో మ్యాక్స్​’ పేరును అల్ట్రాగా మార్చే అవకాశం ఉందని రూమర్స్​ వచ్చాయి. కానీ.. 'ప్రో మ్యాక్స్​'నే టాప్​ ఎండ్​ మోడల్​గా కొనసాగించేందుకు యాపిల్​ సంస్థ మొగ్గుచూపుతోందని నివేదికలు చెబుతున్నాయి.

మరికొన్ని రోజుల్లో జరగనున్న యాపిల్​ ఈవెంట్​లో లాంచ్​ అవుతున్న ఐఫోన్​ 15, ఐఫోన్​ 15 ప్లస్​ మోడల్స్​ బేస్​ వేరియంట్లుగా ఉండనున్నాయి. వీటికి అల్యుమీనియం సైడ్స్​, గ్లాస్​ బ్యాక్​ వంటివి వస్తాయి. వీటి డిజైన్​.. ఐఫోన్​ 14 మోడల్స్​నే పోలి ఉంటాయని తెలుస్తోంది. కానీ వైడ్​ టచ్​ బదులు డైనమిక్​ ఐల్యాండ్​ పావొచ్చు.

iPhone 15 ultra price : ఇక హై ఎండ్​ మోడల్స్​ ఐఫోన్​ 15 ప్రో, 15 ప్రో మ్యాక్స్​లో సరికొత్త టిటానియం సైడ్స్​ ఉండొచ్చు. టిటానియం సైడ్స్​తో గ్యాడ్జెట్స్​ డ్యూరెబిలిటీ పెరుగుతుందని తెలుస్తోంది. మరింత ప్రీమియం లుక్​, ఫీల్​ కూడా వస్తుంది. మ్యూట్​ స్విచ్​ ప్లేస్​లో 'యాక్షన్​' బటన్​ వచ్చే అవకాశాలు కనిపిస్తున్నాయి. దీనితో బేస్​- ప్రీమియం మోడల్స్​లో ఏది కొనాలి? అని ఆలోచించే కస్టమర్లకు కచ్చితమైన సమాధానం లభిస్తుందని సంస్థ భావిస్తోంది.

ఇదీ చూడండి:- iPhone 15 launch: ఈ ఒక్క కారణం వల్లనే 63 శాతం ఐ ఫోన్ యూజర్లు కొత్త ఫోన్ కొనాలని అనుకుంటున్నారట..

యాపిల్​ ఈవెంట్​ డైట్​, టైమింగ్స్​..

యాపిల్​ ఈవెంట్​.. భారత కాలమానం ప్రకారం సెప్టెంబర్​ 12 రాత్రి 10:30 గంటలకు మొదలవుతుంది. యాపిల్​ లవర్స్​.. ఈ ఈవెంట్​ను లైవ్​ స్ట్రీమింగ్​ ద్వారా చూడవచ్చు.

iPhone 15 series launch date and time : ఇక ఈసారి.. లాంచ్​ అవుతున్న ఐఫోన్​ 15 ప్రో, 15 ప్రో మ్యాక్స్​లో 120హెచ్​జెడ్​తో కూడిన ప్రోమోషన్​ ఎల్​టీపీఓ ఓఎల్​ఈడీ డిస్​ప్లే ఉంటుందని తెలుస్తోంది. 3ఎన్​ఎం ఏ17 బయోనిక్​ చిప్​సెట్​తో పాటు 8జీబీ ర్యామ్​- 2టీబీ స్టోరేజ్​ ఉండొచ్చు. 3,650ఎంఏహెచ్​- 4,852ఎంఏహెచ్​ బ్యాటరీ సెటప్​ ఉంటాయని టాక్​.

ప్రస్తుతం ఇవన్నీ లీక్స్​ మాత్రమే. వీటిని సంస్థ అధికారికంగా ధ్రువీకరించలేదు. లాంచ్​ టైమ్​లో ఐఫోన్​ 15 సిరీస్​తో పాటు 15 సిరీస్​ అల్ట్రాపైనా ఓ క్లారిటీ వస్తుంది.

WhatsApp channel

సంబంధిత కథనం