Realme C65 : రియల్​మీ నుంచి కొత్త బడ్జెట్​ ఫ్రెండ్లీ స్మార్ట్​ఫోన్​.. ధర రూ. 10వేల కన్నా తక్కువే!

Realme C65 5G price in India : ఇండియా స్మార్ట్​ఫోన్స్​ మార్కెట్​లోని బడ్జెట్​ ఫ్రెండ్లీ గ్యాడ్జెట్స్​కి మంచి డిమాండ్​ కనిపిస్తోంది. అందుకు తగ్గట్టుగానే.. స్మార్ట్​ఫోన్​ తయారీ సంస్థలు పోటీపడి మరీ కొత్త కొత్త డివైజ్​లను లాంచ్​ చేస్తున్నాయి. ఇక ఇప్పుడు.. రియల్​మీ సంస్థ నుంచి ఓ కొత్త బడ్జెట్​ ఫ్రెండ్లీ స్మార్ట్​ఫోన్​ లాంచ్​కు రెడీ అవుతోంది. దీని పేరు రియల్​మీ సీ65 అని టాక్​ నడుస్తోంది. బడ్జెట్, మిడ్ రేంజ్ సెగ్మెంట్లో రియల్​మీ తన వినియోగదారుల బేస్​ని అభివృద్ధి చేసుకుంటోంది. ఇందులో భాగంగానే ఈ సీ65 గ్యాడ్జెట్​ని లాంచ్​ చేసేందుకు ఏర్పాట్లు చేసుకుంటోంది.

రియల్​మీ సీ65.. ధర ఎంత?

కొత్త బడ్జెట్​ ఫ్రెండ్లీ స్మార్ట్​ఫోన్​ పేరును సంస్థ ఇంకా వెల్లడించలేదు. ఇప్పటికే పలు లీకులు, ఊహాగానాల కారణంగా ఈ స్మార్ట్​ఫోన్ గుర్తింపు పొందడం ప్రారంభించింది. ఇప్పుడు ఈ గ్యాడ్జెట్​ పేరు రియల్​మీ సీ65 కావచ్చని, ఇది 6 జీబీ ర్యామ్​తో వస్తుందని రూమర్స్​ మొదలయ్యాయి. దీనికి తోడు బడ్జెట్ స్మార్ట్​ఫోన్ కొనుగోలుదారులను ఆశ్చర్యానికి గురిచేసే ధరలు కూడా వెల్లడయ్యాయి.

Realme C65 price : 91మొబైల్స్ హిందీ నివేదిక ప్రకారం.. కొత్త బడ్జెట్ ఫ్రెడ్లీ స్మార్ట్​ఫోన్ రియల్​మీ సీ65 ధర రూ.10,000 లోపు ఉండొచ్చు. అదనంగా, ఈ స్మార్ట్​ఫోన్​లో 6 జీబీ ర్యామ్- 256 జీబీ వరకు ఇంటర్నల్ స్టోరేజ్​ ఉండొచ్చు. ఈ ఇండియాలో.. రియల్​మీ 12ఎక్స్ 5జీని బుధవారం, వియత్నాంలో ఏప్రిల్ 4న రియల్​మీ సీ65 లాంచ్ కానున్నాయి. ప్రస్తుతం రియల్​మీ సీ650 స్పెసిఫికేషన్లు ఇంటర్నెట్​లో హల్​చల్ చేస్తున్నాయి.

రియల్​మీ సీ65 స్పెసిఫికేషన్లు..

పలు నివేదికల ప్రకారం.. రియల్​మీ సీ65లో 6.67 ఇంచ్​ ఐపీఎస్ ఎల్ సీడీ డిస్ ప్లే, 90 హెర్ట్జ్ రిఫ్రెష్ రేట్, 625 నిట్స్ బ్రైట్​నెస్ వంటివి ఉంటాయి. మీడియాటెక్ హీలియో జీ85 చిప్​సెట్​తో ఈ స్మార్ట్​ఫోన్ పనిచేయనుంది. రియల్​మీ సీ65 బడ్జెట్​ ఫ్రెండ్లీ స్మార్ట్​ఫోన్​లో 5000 ఎంఏహెచ్ బ్యాటరీ, 45వాట్ సూపర్ వూక్ ఫాస్ట్ ఛార్జింగ్ సపోర్ట్ ఉండనుంది.

Realme C65 5G specifications : రియల్​మీ సీ65 డ్యూయెల్ రేర్ కెమెరా సెటప్​తో పాటు ఫ్లిక్కర్ సెన్సార్ ను కలిగి ఉండవచ్చు. ముందువైపు 8 మెగాపిక్సెల్ సెల్ఫీ కెమెరాను వచ్చే అవకాశం ఉంది. భద్రత కోసం, ఇది సైడ్-మౌంటెడ్ ఫింగర్ ప్రింట్ స్కానర్​ కలిగి ఉంటుంది. ఈ పరికరం ఆండ్రాయిడ్ 14 పై పనిచేస్తుందని మార్కెట్​ వర్గాలు భావిస్తున్నాయి. చివరగా.. రియల్​మీ సీ65.. వాటర్​- డస్ట్ రెసిస్టెన్స్ కోసం ఐపీ54 రేటింగ్ పొందుతుందని భావిస్తున్నారు.

ఈ రియల్​మీ సీ65 గ్లోబల్ లాంచ్ తేదీని రియల్​మీ ఇంకా ప్రకటించలేదు. స్పెసిఫికేషన్స్​, ధర కూడా ప్రస్తుతం రూమర్స్​ స్టేజ్​లోనే ఉన్నాయి. వీటిని సంస్థ ఇంకా ధ్రువీకరించలేదు. త్వరలోనే ఓ ప్రకటన వెలువడే అవకాశం ఉందని మార్కెట్​ వర్గాలు భావిస్తున్నాయి.

హెచ్​టీ తెలుగు ఇప్పుడు వాట్సాప్ ఛానల్స్​లో అందుబాటులో ఉంది! టెక్నాలజీ ప్రపంచం నుంచి ఎటువంటి లేటెస్ట్​ అప్డేట్స్​ కోసం మా వాట్సాప్​ ఛానెల్​ని అనుసరించండి.