Oppo A38 : ఒప్పో ఏ38 లాంచ్​.. బడ్జెట్​ ఫ్రెండ్లీ స్మార్ట్​ఫోన్​ ఎలా ఉంది?

Oppo A38 launch in India : ఒప్పో ఏ38 స్మార్ట్​ఫోన్​ను యూఏఈలో సైలెంట్​గా లాంచ్​ చేసింది సంస్థ. ధర వివరాలను సంస్థ ప్రకటించకపోయినా, ఫీచర్స్​పై ఓ క్లారిటీ వచ్చింది. ఈ నేపథ్యంలో ఈ మోడల్​ ఫీచర్స్​ వివరాలను ఇక్కడ తెలుసుకుందాము..

ఒప్పో ఏ38 ఫీచర్స్​..

ఒప్పో ఏ38 బరువు 190గ్రాములు. ఇందులో 90 హెచ్​జెడ్​ రిఫ్రెష్​తో కూడిన 6.56 ఇంచ్​ ఐపీఎస్​ ఎల్​సీడీ ప్యానెల్​ వస్తోంది. హెచ్​డీ+ రిసొల్యూషన్​ను ఇది ఆఫర్​ చేస్తుంది. ఒప్పొ ప్రకారం.. ఈ వాటర్​డ్రాప్​ నాచ్​ డిస్​ప్లే.. స్క్రీన్​ టు బాడీ రేషియో 89.9శాతంగా ఉంటుంది.

ఒప్పో ఏ38 ఫ్రెంట్​లో 5ఎంపీ కెమెరా వస్తోంది. రేర్​లో 50ఎంపీ ప్రైమరీ, 2ఎంపీ పోట్రైట్​ కెమెరా లభిస్తోంది. ఫ్రెంట్​, రేర్​ కెమెరాలతో 1080పీ వీడియో రికార్డింగ్​ చేసుకోవచ్చు.

Oppo A38 features : ఈ స్మార్ట్​ఫోన్​లో హీలియో జీ85 చిప్​సెట్​ ఉంటుంది. 4జీబీ ర్యామ్​-64జీబీ స్టోరేజ్​ వేరియంట్​ వస్తోంది. మైక్రోఎస్​డీ కార్డ్​ స్లాట్​ కూడా ఉంది. 5000ఎంఏహెచ్​ బ్యాటరీ, 33వాట్​ సూపర్​వీఓఓసీ ఫాస్ట్​ ఛార్జింగ్​ వంటివి లభిస్తున్నాయి. డ్యూయెల్​ సిమ్​, 4జీ వోల్ట్​ఈ, వైఫై, జీపీఎస్​, యూఎస్​బీ- టైప్​ సీ, 3.5ఎంఎం ఆడియా జాక్​, సైడ్​ ఫేసింగ్​ ఫింగర్​ప్రింట్​ సెన్సార్​ వంటి కనెక్టివిటీ ఫీచర్స్​ ఇందులో ఉంటాయి. గ్లోయింగ్​ బ్లాక్​, గ్లోయింగ్​ గోల్డ్​ రంగుల్లో ఇది అందుబాటులో ఉండనుంది.

కొత్త గ్యాడ్జెట్​ ధర ఎంత ఉండొచ్చు..?

Oppo A38 price in India : ఈ ఒప్పో ఏ38 ధరకు సంబంధించిన వివరాలు ప్రస్తుతం అందుబాటులో లేవు. అయితే.. ఈ మోడల్​.. ఇండియాతో పాటు ఆసియా మార్కెట్​లో ఈ నెలలోనే లాంచ్​ అవుతుందని తెలుస్తోంది. అప్పుడు.. ధరపై ఓ క్లారిటీ వస్తుంది.

ఫీచర్స్​ని చూస్తుంటే మాత్రం.. ఇదొక బడ్జెట్​ ఫ్రెండ్లీ, ఎంట్రీ-లెవల్​ డివైజ్​గా కనిపిస్తోందని టెక్​ నిపుణులు అంటున్నారు. ధర రూ. 15వేలలోపు ఉండొచ్చని అభిప్రాయపడుతున్నారు.

వివో వీ29 వచ్చేస్తోంది..

Vivo V29 price in India : అంతర్జాతీయ మార్కెట్​లో ఈ నెలలో వివిధ స్మార్ట్​ఫోన్​లు లాంచ్​ అవుతున్నాయి. వీటిపై కస్టమర్లలో ఆసక్తి పెరిగింది. వీటిల్లో వివో వీ29 ఒకటి. ఈ మోడల్​ లాంచ్​పై అధికారిక ప్రకటన లేనప్పటికీ, ఈ స్మార్ట్​ఫోన్​ ఈ నెల 7న అంతర్జాతీయ మార్కెట్​లో లాంచ్​ అవుతుందని తెలుస్తోంది. కాగా.. లాంచ్​కి ముందే కొన్ని కీలక ఫీచర్స్​కు సంబంధించిన వివరాలు ఆన్​లైన్​లో లీక్​ అయ్యాయి. వాటి వివరాలను తెలుసుకునేందుకు ఇక్కడ క్లిక్​ చేయండి.