OnePlus 11R 5G: అదిరిపోయే స్పెసిఫికేషన్లతో వన్‍ప్లస్ 11ఆర్ 5జీ లాంచ్

OnePlus 11R 5G: వన్‍ప్లస్ 11ఆర్ 5జీ మొబైల్ ఇండియాలో లాంచ్ అయింది. క్లౌడ్ 11 ఈవెంట్‍లో వన్‍ప్లస్ 11 5జీతో పాటు ఈ ఫోన్ కూడా అడుగుపెట్టింది. కర్వ్డ్ అమోలెడ్ డిస్‍ప్లే, స్నాప్‍డ్రాగన్ 8+ జెన్ 1 ప్రాసెసర్‌తో ప్రీమియమ్ మిడ్ రేంజ్‍లో వన్‍ప్లస్ 11ఆర్ 5జీ విడుదలైంది. 50 మెగాపిక్సెల్ SonyIMX890 ఫ్లాగ్‍షిప్ కెమెరా ఈ మొబైల్ వెనుక ఉంది. పూర్తి వివరాలు ఇవే.

OnePlus 11R 5G: పూర్తి స్పెసిఫికేషన్లు

OnePlus 11R 5G Display: 6.74 ఇంచుల Full HD+ కర్వ్డ్ అమోలెడ్ డిస్‍ప్లేతో వన్‍ప్లస్ 11ఆర్ 5జీ వస్తోంది. 120 హెర్ట్జ్ రిఫ్రెష్ రేట్, 1450 పీక్ బ్రైట్‍నెస్, హెచ్‍డీఆర్ సపోర్ట్ ఉంటాయి. స్నాప్‍డ్రాగన్ 8+ జెన్ 1 ప్రాసెసర్ (Snapdragon 8+ Gen 1 SoC) ఈ ఫోన్‍లో ఉంటుంది. ఆండ్రాయిడ్ 13 బేస్డ్ ఆక్సిజన్ ఓఎస్ 13.0 ఆపరేటింగ్ సిస్టమ్‍తో వస్తోంది.

OnePlus 11R 5G Camera: వన్‍ప్లస్ 11ఆర్ 5జీ వెనుక మూడు కెమెరాల సెటప్ ఉంది. 50 మెగాపిక్సెల్ Sony IMX890 ప్రైమరీ కెమెరా, 8 మెగాపిక్సెల్ అల్ట్రా వైడ్ కెమెరా, 2 మెగాపిక్సెల్ మాక్రో కెమెరా ఉన్నాయి. ప్రైమరీ కెమెరా అప్టికల్ ఇమేజ్ స్టెబిలైజేషన్ (OIS), ఎలక్ట్రానిక్ ఇమేజ్ స్టెబిలైజేషన్ (EIS)కు సపోర్ట్ చేస్తుంది. సెల్ఫీలు, వీడియో కాల్స్ కోసం 16 మెగాపిక్సెల్ ఫ్రంట్ కెమెరాను ఈ మొబైల్ కలిగిఉంది.

వన్‍ప్లస్ 11ఆర్ ఫోన్‍లో 5000mAh బ్యాటరీ ఉండగా.. 100 వాట్ల ఫాస్ట్ చార్జింగ్‍కు సపోర్ట్ చేస్తుంది. 5జీ, 4జీ ఎల్‍టీఈ, వైఫై, బ్లూటూత్, ఎన్‍ఎఫ్‍సీ, జీపీఎస్ కనెక్టివిటీ ఆప్షన్లు ఉంటాయి. ఇన్‍ డిస్‍ప్లే ఫింగర్ ప్రింట్ స్కానర్‌తో వస్తోంది.

OnePlus 11R 5G: ధర, సేల్

వన్‍ప్లస్ 11ఆర్ 5జీ 8జీబీ ర్యామ్ + 128జీబీ స్టోరేజ్ ధర రూ.39,999గా ఉంది. 16జీబీ ర్యామ్ + 256జీబీ స్టోరేజ్ టాప్ వేరియంట్ రూ.44,999 ధరతో వస్తోంది. సోనిక్ బ్లాక్, గలాటిక్ సిల్వర్ కలర్ ఆప్షన్‍లలో లభిస్తుంది. ఈనెల 28వ తేదీన వన్‍ప్లస్ వెబ్‍సైట్, అమెజాన్, రిటైల్ స్టోర్లలో ఈ ఫోన్ సేల్‍కు వస్తుంది. ఈనెల 21వ తేదీన ప్రీ-ఆర్డర్లు మొదలవుతాయి.

మరోవైపు, వన్‍ప్లస్ 11 5జీ మొబైల్ ఫ్లాగ్‍షిప్ రేంజ్‍లో లాంచ్ అయింది. స్నాప్‍డ్రాగన్ 8 జెన్ 2 ప్రాసెసర్, హాసెల్‍బ్లాడ్ కెమెరాలు, క్వాడ్ హెచ్‍డీ డిస్‍ప్లే ఈ ఫోన్‍కు హైలైట్లుగా ఉన్నాయి. ఈ మొబైల్ ప్రారంభ ధర రూ.56,999గా ఉంది. OnePlus 11 5G పూర్తి స్పెసిఫికేషన్ల కోసం ఇక్కడ క్లిక్ చేయండి.