Warren Buffett will : వారెన్​ బఫెట్​ మరణం తర్వాత.. ఆ 127 బిలియన్​ డాలర్ల పరిస్థేంటి?-no room for the gates foundation in warren buffetts will ,బిజినెస్ న్యూస్
తెలుగు న్యూస్  /  బిజినెస్  /  Warren Buffett Will : వారెన్​ బఫెట్​ మరణం తర్వాత.. ఆ 127 బిలియన్​ డాలర్ల పరిస్థేంటి?

Warren Buffett will : వారెన్​ బఫెట్​ మరణం తర్వాత.. ఆ 127 బిలియన్​ డాలర్ల పరిస్థేంటి?

Sharath Chitturi HT Telugu
Jun 30, 2024 08:50 AM IST

Warren Buffett will : బెర్క్​షైర్ హాత్వే ఛైర్మన్ వారెన్ బఫెట్ మరణానంతరం బిల్ అండ్ మెలిండా గేట్స్ ఫౌండేషన్​కు విరాళాలు అందవు. ఈ విషయాన్ని ఆయన స్వయంగా చెప్పారు.

దిగ్గజ ఇన్​వెస్టర్​ వారెన్​ బఫెట్​..
దిగ్గజ ఇన్​వెస్టర్​ వారెన్​ బఫెట్​.. (REUTERS)

దిగ్గజ ఇన్​వెస్టర్​, బర్క్​షైర్​ హాత్వే ఛైర్మన్​ వారెన్​ బఫెట్​.. తన వీలునామాలో పలు కీలక సవరణలు చేశారు. తన మరణానంతరం.. బిల్​ అండ్​ మెలిండా ఫౌండేషన్​కి ఇక ఒక్క రూపాయి కూడా విరాళం ఇవ్వడంలేదని ప్రకటించారు. దాని బదులు.. తమ ముగ్గురు బిడ్డలు నడిపే కొత్త ఛారిటెబుల్​ ట్రస్ట్​కి సంపదను కేటాయిస్తున్నట్టు స్పష్టం చేశారు.

ప్రస్తుతానికైతే.. 93ఏళ్ల వారెన్​ బఫెట్​ సంపద 127 బిలియన్​ డాలర్లుగా ఉంది. కాగా తన సంపదలో ఇప్పటివరకు సుమారు 40 బిలియన్​ డాలర్లలను బిల్​ అండ్​ మెలిండా గెట్స్​ ఫౌండేషనన్​కి విరాళంగా ఇచ్చారు.

వాల్​స్ట్రీట్ జర్నల్​కు ఇచ్చిన ఓ ఇంటర్వ్యూలో.. తాను వెళ్లిపోయాక తన వీలునామా ఎలా ఉంటుందనే విషయంపై ఒక ప్రివ్యూ ఇచ్చారు. గేట్స్ ఫౌండేషన్​కు తన మద్దతును నిలిపివేస్తున్నట్టు నొక్కి మరీ చెప్పారు.

వారెన్​ బఫెట్​ పిల్లల పేర్లు హోవార్డ్ (71), సూసీ (69) పీటర్ (66). వీరు ముగ్గురు కలిసి పర్యవేక్షించే కొత్త ఛారిటెబుల్​ ట్రస్ట్​కి బఫెట్​ సంపద వెళుతుంది.. అందువల్ల, బఫెట్ మరణించిన తర్వాత, ఆయన సంపదతో చేయవలసిన విరాళాలను ఈ ముగ్గురు ఏకగ్రీవంగా నిర్ణయిస్తారు.

"నా తర్వాత.. నా ముగ్గురు పిల్లలు సరైన నిర్ణయాలు తీసుకుంటారని నాకు 100% నమ్మకం ఉంది. నా ముగ్గురు పిల్లల విలువల గురించి నేను చాలా మంచిగా భావిస్తున్నాను,' అని బఫెట్​ అన్నారు.

2021లో మైక్రోసాఫ్ట్ సహ వ్యవస్థాపకుడు బిల్​ గేట్స్​, తన భార్య మెలిండా గేట్స్​తో విడాకులు తీసుకున్న విషయం తెలిసిందే. సరిగ్గా అదే ఏడాదిలో, 2006 నుంచి ఫౌండేషన్​ ట్రస్టీగా కొనసాగుతున్న బపెట్​.. ఆ పదవి నుంచి తప్పుకున్నారు. కానీ ప్రపంచంలో అత్యంత ప్రసిద్ధ పెట్టుబడిదారులలో ఒకరిగా పేరొందిన బెర్క్​షైర్​ హాత్వే ఛైర్మన్.. 2006 నుంచి గేట్స్ ఫౌండేషన్​కు అత్యంత అంకితభావం, ఉదార భావంతో మద్దతిచ్చారు.

ప్రస్తుతం సీఈఓ మార్క్ సుజ్మాన్ ప్రైవేట్ ఫౌండేషన్​ని నడుపుతున్నారు.

"ప్రతి వ్యక్తి ఆరోగ్యకరమైన, ఉత్పాదక జీవితాన్ని గడపగల ప్రపంచాన్ని సృష్టించడానికి ఫౌండేషన్ పనిని ప్రోత్సహించడంలో, రూపొందించడంలో బఫెట్​ అమూల్యమైన పాత్ర పోషించారు," అని సుజ్మాన్​ ప్రశంసించారు. 18 ఏళ్లకు పైగా విరాళాలు, సలహాల ద్వారా గేట్స్ ఫౌండేషన్​కు వారెన్ బఫెట్ ఎంతో ఉదారంగా వ్యవహరించారని ఆమె పేర్కొన్నారు.

" నా కుటుంబంలాగే అదృష్టవంతులు కాని ప్రజలకు సహాయం చేయడానికి నా సంపద ఉపయోగపడుతుందని ఆశిస్తున్నాను," అని వాల్​ స్ట్రీట్​ జర్నల్​తో చెప్పారు బఫెట్​. “నేను చాలా అదృష్టవంతుడిని. ప్రజలకు ఉపయోగపడేందుకు చాలా మార్గాలు ఉన్నాయి,” అని బఫెట్​ అభిప్రాయపడ్డారు.

వారెన్​ బఫెట్​ ఇంతకాలం కేవలం గేట్స్ ఫౌండేషన్​కు మాత్రమే విరాళాలు ఇవ్వడం లేదు. వ్యాపారవేత్త తన కుటుంబానికి సంబంధించిన మరో నాలుగు సంస్థలకు కూడా క్రమం తప్పకుండా మద్దతు ఇస్తూ వచ్చారు. ప్రస్తుతానికి ఈ ఐదు ఫౌండేషన్లకు ఆయన చేసిన దాతృత్వ సేవలు ఆయన జీవించి ఉన్నంత కాలం కొనసాగుతాయి.

బెర్క్​షైర్​ హాత్వేలో బఫెట్ దీర్ఘకాలిక భాగస్వామి చార్లీ ముంగర్ 2023 లో 99 సంవత్సరాల వయస్సులో మరణించారు.

WhatsApp channel

సంబంధిత కథనం