Motorola Edge 30 Ultra Price Cut : 200ఎంపీ కెమెరా ఫోన్ మోటోరోలా ఎడ్జ్ 30 అల్ట్రా ధర తగ్గింపు!

Motorola Edge 30 Ultra Discount : ఫ్లాగ్‍షిప్ స్పెసిఫికేషన్లతో మోటోరోలా ఎడ్జ్ 30 అల్ట్రా ఇటీవల లాంచ్ అయింది. ప్రీమియమ్ ఫీచర్లతో ఈ ఫోన్‍ను మోటోరోలా తీసుకొచ్చింది. 200 మెగాపిక్సెల్ ప్రైమరీ కెమెరా, పవర్ ఫుల్ స్నాప్‍డ్రాగన్ 8+ జెన్ 1 ప్రాసెసర్ తో ఈ స్మార్ట్ ఫోన్ వస్తోంది. ప్రస్తుతం మోటో డేస్‍లో భాగంగా ఈ-కామర్స్ సైట్ ఫ్లిప్‍కార్ట్ లో ఈ ఫోన్ డిస్కౌంట్ ధరకు లభిస్తోంది. ఈనెల 7వ తేదీ వరకు మోటో డేస్ సేల్ నడవనుంది. దీంట్లో భాగంగా మోటోరోలా ఫోన్స్ డిస్కౌంట్‍ ధరతో లభిస్తాయి. ఈ క్రమంలోనే మోటోరోలా ఎడ్జ్ 30 అల్ట్రా కూడా తగ్గింపు ధరకు ప్రస్తుతం అందుబాటులో ఉంది.

Motorola Edge 30 Ultra Price : మోటోరోలా ఎడ్జ్ 30 అల్ట్రా ధర

8జీబీ ర్యామ్ + 128జీబీ ఇంటర్నల్ స్టోరేజ్ ఉన్న మోటోరోలా ఎడ్జ్ 30 అల్ట్రా ప్రస్తుతం రూ.54,999కు లభిస్తోంది. ఈ ఫోన్ రూ.59,999కు లాంచ్ కాగా.. ప్రస్తుతం మోటో డేస్‍లో భాగంగా రూ.5,000 తగ్గింపుతో అందుబాటులో ఉంది. 12జీబీ ర్యామ్+256జీబీ వేరియంట్ కూడా డిస్కౌంట్‍తో లభిస్తోంది.

Motorola Edge 30 Ultra Specifications : మోటోరోలా ఎడ్జ్ 30 అల్ట్రా స్పెసిఫికేషన్లు

144 హెర్ట్జ్ రిఫ్రెష్ రేట్ ఉండే 6.67 ఇంచుల ఫుల్ హెచ్‍డీ+ పీఓఎల్ఈడీ కర్వ్ డ్ ఎడ్జెస్ డిస్‍ప్లేను మోటోరోలా ఎడ్జ్ 30 అల్ట్రా కలిగి ఉంది. హెచ్‍డీఆర్ 10+ సపోర్ట్ ఉంటుంది. శక్తివంతమైన స్నాప్‍డ్రాగన్ 8+ జెన్ 1 5జీ ప్రాసెసర్ పై ఈ మొబైల్ రన్ అవుతుంది. ఆండ్రాయిడ్ 12 ఆపరేటింగ్ సిస్టంతో వస్తోంది.

4,160ఎంఏహెచ్ బ్యాటరీతో మోటోరోలా ఎడ్జ్ 30 అల్ట్రా వస్తోంది. 125వాట్స్ వైర్డ్, 50 వాట్స్ వైర్ లెస్ ఫాస్ట్ చార్జింగ్‍కు ఈ మొబైల్ సపోర్ట్ చేస్తుంది. 10 వాట్స్ రివర్స్ వైర్ లెస్ చార్జింగ్ సపోర్ట్ కూడా ఉంటుంది. 5జీ నెట్‍వర్క్ ఎనేబుల్ అయ్యేలా ఈ ఫోన్‍కు అప్‍డేట్ కూడా వచ్చింది.

మోటోరోలా ఎడ్జ్ 30 అల్ట్రా ఫోన్ వెనుక మూడు కెమెరాల సెటప్ ఉంది. 200 మెగాపిక్సెల్ ప్రైమరీ, 50 మెగాపిక్సెల్ అల్ట్రా వైడ్, 12 మెగాపిక్సెల్ టెలిఫొటో కెమెరాలు ఉంటాయి. 60 మెగాపిక్సెల్ ఫ్రంట్ కెమెరాతో ఈ ఫోన్ వస్తోంది.