Satya Nadella : గూగుల్​పై మైక్రోసాఫ్ట్​ సీఈఓ సత్య నాదేళ్ల ఫైర్​..!

Satya Nadella on Google : గూగుల్​పై తీవ్ర స్థాయిలో ఆరోపణలు చేశారు మైక్రోసాఫ్ట్​ సీఈఓ సత్య నాదేళ్ల. గూగుల్​ అన్యాయమైన వ్యూహాలను ఉపయోగించుకోవడం వల్లే సెర్చ్​ ఇంజిన్​గా తన ఆధిపత్యాన్ని కొనసాగిస్తోందని అభిప్రాయపడ్డారు. ఈ వ్యూహాల కారణంగానే.. తమ కంపెనీకి చెందిన 'బింజ్​' పోటీలో లేకుండా పోయిందని వ్యాఖ్యానించారు.

గూగుల్​ మాతృసంస్థ ఆల్ఫబెట్​పై అమెరికాలో అనేక కేసులు ఉన్నాయి. తాజాగా.. వీటిపై విచారణ జరిగింది. ఇందులో భాగంగా వాషింగ్టన్​లోని కోర్టుకు హాజరైన మైక్రోసాఫ్ట్​ సీఈఓ.. గూగుల్​కు వ్యతిరేకంగా వ్యాఖ్యానించారు.

ఆల్ఫబెట్​పై ఉన్న కేసుల్లో ప్రధానమైనది గూగుల్​ సెర్చ్​ ఇంజిన్​. పోటీని, ఇన్నోవేషన్​ని అణచివేసే విధంగా గూగుల్​ చర్యలు తీసుకుందని, ఇది కస్టమర్లకు నష్టం కలిగించిందనేది ప్రధాన ఆరోపణ.

Google vs Microsoft : తమ​ సెర్చ్​ ఇంజిన్​ని డీఫాల్ట్​ బ్రౌజర్​గా ఉంచేందుకు స్మార్ట్​ఫోన్స్​, కంప్యూటర్​ తయారీ సంస్థలతో గూగుల్​ ఒప్పందాలు కుదుర్చుకుందని, అందుకే ఆధిపత్యాన్ని చెలాయిస్తోందని సత్య నాదేళ్ల వ్యాఖ్యానించారు.

అయితే ఈ వాదనలను గూగుల్​ తరపు న్యాయవాదులు తప్పుపట్టారు. 'మైక్రోసాఫ్ట్​ బింజ్​ కూడా డీఫాల్ట్​ సెర్చ్​ ఇంజిన్​గా ఉన్న కంప్యూటర్​లు ఉన్నాయి. కానీ చాలా మంది బింజ్​ నుంచి గూగుల్​కి మారిపోయినట్టు డేటా చెబుతోంది. మైక్రోసాఫ్ట్​ చేసిన తప్పుల వల్లే బింజ్​ హిట్​ అవ్వలేదు. దానికి, గూగుల్​కి సంబంధం లేదు,' అని న్యాయవాదులు వాదనలు వినిపించారు.

మార్కెట్​ షేర్​ పెరిగిందా..?

Satya Nadella latest news : విచారణలో భాగంగా.. సెర్చ్​ ఇంజిన్​ విషయంలో ఇరు సంస్థల మార్కెట్​ షేరు అంశం ప్రస్తావనకు వచ్చింది.

"కృత్రిమ మేథ కారణంగా బింజ్​ ప్రభావం పెరిగిందనేది అవాస్తవం," అని సత్య నాదేళ్ల చెప్పగా.. "చాట్​ జీపీటీ వంటి ఆర్టిఫీషియల్​ ఇంటెలిజెన్స్​ ప్రోగ్రామ్స్​ కారణంగా సెర్చ్​ ఇంజిన్​ మార్కెట్​లో పోటీ మరింత తీవ్రమైందని," గూగుల్​ వాదించింది.

గూగుల్​పై అవిశ్వాసానికి సంబంధించిన కేసులపై అమెరికా డిస్ట్రిక్ట్​ జడ్జ్​ అమిత్​ మెహ్తా.. గత నాలుగు వారాలుగా విచారణ జరుపుతున్నారు. సెర్చ్​ ఇంజిన్​ విషయంలో యాపిల్​తో పాటు ఇతర స్మార్ట్​ఫోన్​ తయారీ సంస్థలతో గూగుల్​ కుదుర్చున్న ఒప్పందాల చుట్టూ ఈ విచారణ జరుగుతోంది. ఇప్పటికే అనేక మంది కోర్టు ఎదుట హాజరయ్యారు. తాజాగా.. మైక్రోసాఫ్ట్​ సీఈఓ సత్య నాదేళ్ల కూడా వాదనలు వినిపించారు.

Google Anti trust case : 1990 దశకంలో మైక్రోసాఫ్ట్​ కూడా ఇలాంటి కేసులో ఎదుర్కొనడం గమనార్హం. నాడు.. విండోస్ సాఫ్ట్​వేర్​ను కంప్యూటర్స్​లో డీఫాల్ట్​గా ఇన్​స్టాల్​ చేసేందుకు.. అనేక సంస్థలతో మైక్రోసాఫ్ట్​ ఒప్పందాలు కుదుర్చుకుందని, వీటి వల్ల ఇతర సంస్థలు అణచివేతకు గురయ్యాయని ఆరోపణలు వచ్చాయి.