Maruti Suzuki S- Presso Xtra edition : ఎస్​-ప్రెస్సో ఎక్స్​ట్రా ఎడిషన్​ వచ్చేస్తోంది..!

Maruti Suzuki S- Presso Xtra edition : సరికొత్త ఎస్- ప్రెస్సో ఎక్స్​ట్రా ఎడిషన్​ను ఆవిష్కరించింది మారుతీ సుజుకీ. సామాజిక మాధ్యమాల వేదికగా ఈ ప్రకటన చేసింది. ఈ హ్యాచ్​బ్యాక్​ మోడల్​లో కొత్త యాక్ససరీస్​ వస్తున్నాయి. ఫ్రెంట్​ స్కిడ్​ ప్లేట్​, గ్రిల్స్​పై క్రోమ్​ గార్నిష్​ ఎఫెక్ట్​, వీల్​ ఆర్చీస్​పై బ్లాక్​ క్లాడింగ్​, డోర్​ క్లాడింగ్​, కలర్డ్​ ఇంటీరియర్​ వంటివి ఈ ఎస్- ప్రెస్సో ఎక్స్​ట్రా ఎడిషన్​లో ఉండనున్నాయి. వీటిని చూస్తే.. డీలర్​ వద్దే ఈ యాక్ససరీస్​ని ఫిట్​ చేసి అమ్ముతారని తెలుస్తోంది.

ఇక మారుతీ సుజుకీ ఎస్- ప్రెస్సో ఎక్స్​ట్రా ఎడిషన్​ క్యాబిన్​ విషయానికొస్తే.. కొత్త సీట్​ అప్​హోలిస్ట్రీ, సెంటర్​ కన్సోల్​పై రెడ్​ యాక్సెంట్​, డోర్​ ప్యాడ్స్​, ఏసీ వెంట్స్​ ఉన్నాయి. ప్యాకేజీలో భాగంగా కొత్త ఫ్లోర్​ మాట్స్​ కూడా లభిస్తాయి.

Maruti Suzuki S- Presso Xtra edition price : మెకానిక్స్​ పరంగా ఈ ఎస్- ప్రెస్సో ఎక్స్​ట్రా ఎడిషన్​లో మార్పులు లేవు. ఇవి రెగ్యులర్​ ఎస్- ప్రెస్సోతో పోలి ఉంటుంది. ఇందులో 1.0 లీటర్​ కే సిరీస్​ పెట్రోల్​ ఇంజిన్​ ఉంటుంది. ఇది 65బీహెచ్​పీ పవర్​ను 89ఎన్​ఎం టార్క్​ను జనరేట్​ చేస్తుంది. ఇందులో 5స్పీడ్​ మేన్యువల్​, 5స్పీడ్​ ఏఎంటీ గేర్​బాక్స్​ ఆప్షన్స్​ ఉంటాయి. అధిక మైలేజీని ఇస్తున్న వాహనాల్లో మారుతీ సుజుకీ ఎస్- ప్రెస్సో ఒకటి. మేన్యువల్​ వేరియంట్​.. 24.76 కేఎంపీఎల్​ మైలేజీని ఇస్తే.. ఏఎంటీ వర్షెన్​కు అది 25.30 కేఎంపీఎల్​గా ఉంది.

ఈ మారుతీ సుజుకీ ఎస్​- ప్రెస్సోకు సీఎన్​జీ వర్షెన్​ కూడా మార్కెట్​లో అందుబాటులో ఉంది. అయితే.. ఇటీవలే నిర్వహించిన గ్లోబల్​ ఎన్​సీఏపీ క్రాష్​ టెస్ట్​లో.. మారుతీ సుజుకీ ఎస్​- ప్రెస్సో దారుణ ప్రదర్శన చేసింది. కేవలం సింగిల్​ స్టార్​ మాత్రమే సంపాదించుకోగలిగింది.

Maruti Suzuki S- Presso Xtra edition specifications : మారుతీ సుజుకీ ఎస్​- ప్రెస్సో మేన్యువల్​ వేరియంట (ఎంటీ) ప్రారంభ ధర రూ. 4.25లక్షలుగా ఉంటుంది. ఏఎంటీ వేరియంట్​ వీఎక్స్​ఐ (ఓ) ధర రూ. 5.65లక్షలుగా ఉంటుంది. ఎస్​- ప్రెస్సో వీఎక్స్​ఐ+ వేరియంట్​ ధర రూ. 5.49లక్షలుగా ఉంటుంది. పైన చెప్పిన ధరలన్నీ ఎక్స్​షోరూం ధరలు.

ఇక మారుతీ సుజుకీ ఎస్- ప్రెస్సో ఎక్స్​ట్రా ఎడిషన్​ కాస్త ప్రీమియం ధరకు వచ్చే అవకాశం ఉంది. ఈ వెహికిల్​ లాంచ్​, ధరతో పాటు పూర్తి వివరాలు.. రానున్న రోజుల్లో అందుబాటులోకి వచ్చే అవకాశాలు ఉన్నాయి.

మారుతీ సుజుకీ వాహనాల ధరలు పెంపు..

Maruti Suzuki price hike : తమ కంపెనీకి చెందిన అన్ని మోడళ్ల ధరలను మరోమారు పెంచుతున్నట్టు ప్రకటించింది మారుతీ సుజుకీ. ఈ ధరలు.. వచ్చే ఏడాది జనవరి నుంచి అమల్లోకి వస్తాయని స్పష్టం చేసింది. ఖర్చుల భారాన్ని తగ్గించుకునేందుకు ప్రయత్నిస్తున్నప్పటికీ.. పరిస్థితుల్లో మార్పులు లేవని, అందుకే వాహనాల ధరలను పెంచుతున్నట్టు పేర్కొంది. పూర్తి వివరాల కోసం ఇక్కడ క్లిక్​ చేయండి.