Mahindra cars : మహీంద్రా క్రేజీ లైనప్​.. త్వరలో లాంచ్​కానున్న ఎస్​యూవీలు​ ఇవే!

New Mahindra cars : ఇండియా ఆటోమొబైల్​ మార్కెట్​లోని ఎస్​యూవీ సెగ్మెంట్​లో మహీంద్రా అండ్​ మహీంద్రాకు ఉన్న క్రేజ్​ అంతా ఇంతా కాదు! స్టైలిష్​ డిజైన్​, సూపర్​ ఫీచర్స్​తో వచ్చే ఎస్​యూవీలకు మంచి డిమాండ్​ కనిపిస్తోంది. ఇక ఈ క్రేజ్​ని నెక్ట్స్​ లెవల్​కి తీసుకెళ్లేందుకు దిగ్గజ ఆటోమొబైల్​ సంస్థ ప్లాన్​ చేస్తోంది. ఈ నేపథ్యంలో 2024లో కొన్ని వెహికిల్స్​ని లాంచ్​ చేసేందుకు సిద్ధమవుతోంది. వాటి వివరాలను ఇక్కడ తెలుసుకుందాము..

మహీంద్రా 5- డోర్​ థార్​..

ఇండియా ఆఫ్​ రోడ్​ వెహికల్స్​లో మహీంద్రా థార్​కు క్రేజీ డిమాండ్​ ఉన్న విషయం తెలిసిందే. ఇక ఇప్పుడు 5 డోర్​ థార్​ని సిద్ధం చేస్తోంది. ఇది స్పేషియస్​గా ఉంటుందని టాక్​ నడుస్తోంది. ఈ వెహికిల్​కి సంబంధించి.. ఇప్పటికే అనేకమార్లు టెస్ట్​ డ్రైవ్​ కూడా జరిగింది. పెట్రోల్​, డీజిల్​ వేరియంట్స్​లో ఈ ఎస్​యూవీ అందుబాటులోకి వస్తుందని సమచారం. లాంచ్​ తర్వాత ఈ వెహికిల్​.. మారుతీ సుజుకీ జిమ్నీకి గట్టిపోటీనిస్తుందని మార్కెట్​ వర్గాలు భావిస్తున్నాయి.

మహీంద్రా ఎక్స్​యూవీ300 ఫేస్​లిఫ్ట్​..

Mahindra Xuv300 facelift : ప్రస్తుతం ఉన్న ఎస్​యూవీలకు ఫేస్​లిఫ్ట్​ వర్షెన్​ని తీసుకొచ్చేందుకు మహీంద్రా సంస్థ ప్రణాళికలు రచించింది. ఇందులో భాగంగా.. తొలుత.. ఎక్స్​యూవీ300కి ఫేస్​లిఫ్ట్​ రాబోతోంది. టాటా నెక్సాన్​, మారుతీ సుజుకీ బ్రెజా, హ్యుందాయ్​ వెన్యూకి గట్టిపోటీనిచ్చే ఈ మహీంద్రా ఎక్స్​యూవీ300లో డిజైన్​ పరంగా భారీ మార్పులే జరిగే అవకాశం ఉంది. ఇంజిన్​లో ఎలాంటి మార్పు జరగకపోవచ్చు. ఈ మోడల్​ ప్రస్తుతం టెస్ట్​ రన్​ దశలో ఉంది.

మహీంద్రా ఎక్స్​యూవీ400 ఫేస్​లిఫ్ట్​..

Mahindra XUV400 faceilift : ఇండియా ఆటోమొబైల్​ రంగంలోని ఈవీ సెగ్మెంట్​లో మహీంద్రా అండ్​ మహీంద్రాకు ఉన్న ఏకైక మోడల్​ ఎక్స్​యూవీ400. ఇక ఇప్పుడు దీనికి కూడా ఒక ఫేస్​లిఫ్ట్​ వర్షెన్​ రాబోతోందని సమచారం. టాటా నెక్సాన్​ ఈవీతో ఇప్పటికే ఉన్న పోటీని మరింత పెంచే విధంగా ఈ ఫేస్​లిఫ్ట్​ ఉండబోతోందని తెలుస్తోంది. బ్యాటరీ పరంగా ఎలాంటి మార్పులు ఉండకపోవచ్చు. కానీ.. డిజైన్​లో మాత్రం పలు ఆసక్తికర మార్పులు ఉండొచ్చు.

మహీంద్రా ఎక్స్​యూవీ.ఈ8 ఈవీ..

మహీంద్రా అండ్​ మహీంద్రా సంస్థ.. ఈవీలపై గట్టిగానే ఫోకస్​ చేసింది. ఇప్పటికే.. ఐదు ఈవీలకు సంబంధించిన కాన్సెప్ట్​ మోడల్స్​ని రిలీజ్​ చేసింది. వీటి లాంచ్​పై సర్వత్రా ఆసక్తి నెలకొంది. వీటిల్లో.. తొలుత ఎక్స్​యూవీ.ఈ8 బయటకు వస్తుందని సమాచారం. 2024లోనే ఇది లాంచ్​ అవుతుందని టాక్​ నడుస్తోంది. ఎక్స్​యూవీ700 ఎస్​యూవీకి ఎలక్ట్రిక్​ వర్షెన్​లా ఉండే ఈ ఈవీలో 60 కేడబ్ల్యూహెచ్​ బ్యాటరీ ప్యాక్​ ఉండొచ్చు!

ఈ వాహనాలకు సంబంధించిన ఫీచర్స్​, లాంచ్​ డేట్​పై స్పష్టత రావాల్సి ఉంది.