Jio Reels Platform : ఫేస్​బుక్​- ఇన్​స్టాకు పోటీగా జియో.. 'రీల్స్'​ కోసం కొత్త యాప్​!

Jio Reels Platform : మెటా సంస్థకు చెందిన ఫేస్​బుక్​, ఇన్​స్టాగ్రామ్​కు పోటీనిచ్చేందుకు రిలయన్స్​ జియో సన్నద్ధమవుతోంది! షార్ట్​ వీడియో ఫార్మాట్​లో ఓ యాప్​ను లాంచ్​ చేసేందుకు ప్రణాళికలు రచిస్తోంది జియో. ఈ యాప్​.. ఫేస్​బుక్​, ఇన్​స్టాగ్రామ్​ 'రీల్స్​'కు పోలి ఉంటుందని తెలుస్తోంది. ఈ యాప్​నకు 'ప్లాట్​ఫామ్​' అని జియో పేరు పెట్టినట్టు సమాచారం.

కంటెంట్​ క్రియేటర్లకు మంచి అవకాశం..!

జియో ప్లాట్​ఫామ్స్​ లిమిటెడ్​, క్రియేటివ్​ల్యాండ్​ ఏషియా, రోలింగ్​ స్టోన్స్​ ఇండియా సంస్థలు.. ఈ షార్ట్​ వీడియో యాప్​ను తీసుకొచ్చేందుకు భాగస్వామ్యాన్ని ఏర్పరచుకున్నాయి. ఈ మేరకు ఓ ప్రెస్​ నోట్​ను విడుదల చేశాయి. ఎంటర్​టైనర్స్​ను గుర్తించి, మంచి వాతావరణంలో ఆర్గానిక్​గా వృద్ధిచెందుతూ, నిలకడగా మోనెటైజేషన్​ సాధించే లక్ష్యంతోనే ఈ యాప్​ను తీసుకొస్తున్నట్టు ఆ ప్రకటనలో సంస్థలు తెలిపాయి.

Jio Reels latest app : క్రియేటర్లు, సింగర్లు, యాక్టర్లు, మ్యుజీషియన్లు, డ్యాన్సర్లు, కమేడియన్లు, ఫ్యాషన్​ డిజైనర్లతో పాటు ఇన్​ఫ్లుయెంజర్లుగా మారాలనుకునే వారందరికి ఈ ప్లాట్​ఫామ్​ యాప్​.. ఒక మంచి వేదికగా మారనుందని జియో భావిస్తోంది.

2023 జనవరిలో లాంచ్​..?

తొలుత.. ఈ యాప్​లో 100మంది ఫౌండింగ్​ మెంబర్స్​ ఉంటారని తెలుస్తోంది. వారి ప్రొఫైల్స్​కు గోల్డెన్​ టికెట్​ వెరిఫికేషన్​ లభిస్తుందని సమచారం. వీరు.. ఇతరులను ఆహ్వానిస్తారు. మిగిలిన వారు.. రిఫరల్​ లింక్స్​ ద్వారా యాప్​లో సైన్​ఇన్​ అవ్వాల్సి ఉంటుందని తెలుస్తోంది.

Jio reels vs Facebook reels : నివేదికల ప్రకారం.. ఈ యాప్​ను బీటా వర్షెన్​లో ఇప్పటికే టెస్ట్​ చేస్తున్నారు. అన్ని అనుకున్నట్టు జరిగితే.. 2023 జనవరిలో జియో రీల్స్​ యాప్​ లాంచ్​ అయ్యే అవకాశం ఉంది.

మెటాలో.. పెయిడ్​ ఆర్గరిథమ్స్​ ద్వారా క్రియేటర్ల ర్యాంకింగ్స్​ను నిర్ణయిస్తారు. కానీ జియో రీల్స్​ ప్లాట్​ఫామ్​ యాప్​లో అలా ఉండకపోవచ్చు. ఆర్గానిక్​గానే ర్యాంకింగ్స్​, ప్రొఫైల్​ గ్రోత్​ ఉంటుందని తెలుస్తోంది. ఫలితంగా టాలెంట్​కి తగ్గట్టు మోనెటైజేషన్​, ఆదాయం వచ్చే అవకాశం ఉంది.

కంటెంట్​ క్రియేటర్ల గ్రోత్​ను.. సిల్వర్​, బ్లూ, రెడ్​ టిక్​ వెరిఫికేషన్ల ద్వారా గుర్తిస్తారని సమాచారం. కంటెంట్​, ఫ్యాన్​బేస్​ ఆధారంగా ఈ టిక్స్​ను కేటాయిస్తారని తెలుస్తోంది.

Reliance Jio latest news : ఈ యాప్​లో 'బుక్​ నౌ' అనే ఫీచర్​ కూడా ఉండొచ్చు. ఎవరైనా.. ఎవరితోనైనా కొలాబొరేషన్​ చేసేందుకు ఈ ఫీచర్​ను ఉపయోగించుకోవచ్చని సమచారం.

టెలికాం దిగ్గజం జియో.. మెటాకు పోటీగా నిలుస్తుండటం ఇప్పుడు హాట్​ టాపిక్​గా మారింది. మరి జియో ప్రవేశపెట్టే రీల్స్​ యాప్​ ఏమేరకు ప్రదర్శన చేస్తుందో చూడాలి.