Jeep new EV : జీప్​ నుంచి కొత్త అఫార్డిబుల్​ ఈవీ.. ఇండియాలో లాంచ్​ ఎప్పుడు?-jeep to launch affordable ev in the united states will it come to india ,బిజినెస్ న్యూస్
తెలుగు న్యూస్  /  బిజినెస్  /  Jeep New Ev : జీప్​ నుంచి కొత్త అఫార్డిబుల్​ ఈవీ.. ఇండియాలో లాంచ్​ ఎప్పుడు?

Jeep new EV : జీప్​ నుంచి కొత్త అఫార్డిబుల్​ ఈవీ.. ఇండియాలో లాంచ్​ ఎప్పుడు?

Sharath Chitturi HT Telugu
May 31, 2024 08:10 AM IST

Jeep New EV : జీప్​ సంస్థ నుంచి ఒక కొత్త ఈవీ సిద్ధమవుతోంది. మరి ఈ అఫార్డిబుల్​ ఎలక్ట్రిక్​ ఎస్​యూవీ.. ఇండియాలోకి ఎంట్రీ ఇస్తుందా?

జీప్​ నుంచి కొత్త అఫార్డిబుల్​ ఈవీ..
జీప్​ నుంచి కొత్త అఫార్డిబుల్​ ఈవీ..

Jeep New EV 2024 : దిగ్గజ అంతర్జాతీయ కార్ల తయారీ సంస్థ జీప్​.. సరికొత్త ఎలక్ట్రిక్​ వెహికిల్​ని సిద్ధం చేస్తోంది. ఈ అఫార్డిబుల్​ ఎస్​యూవీ.. ఇంకొన్ని నెలల్లో అమెరికాలో లాంచ్​కానుంది. ఈ నేపథ్యంలో.. ఈ కొత్త జీప్​ ఎలక్ట్రిక్​ ఎస్​యూవీ విశేషాలను ఇక్కడ తెలుసుకుందాము..

జీప్​ కొత్త ఎలక్ట్రిక్​ వెహికిల్​..

జీప్​ అవెంజర్​ ఈవీ.. ఇప్పటికే యూరోప్​ మార్కెట్​లో అందుబాటలో ఉంది. దీని ధర 35వేల యూరోలు. అంటే సుమారు రూ. 31.50 లక్షలు. ఈ ఎలక్ట్రిక్​ వెహికిల్​.. ఈ వారంలోనే అమెరికాలో లాంచ్​ అవుతోంది. కానీ ఈ ప్రీమియం ఈవీ బడ్జెట్​ కాస్త ఎక్కువే! అందుకే.. అందుబాటు ధరలో, అఫార్డిబుల్​ ఈవీని తీసుకురావాలని జీప్​ సంస్థ ప్లాన్​ చేస్తోందట. ఈ ఎలక్ట్రిక్​ వెహికిల్​కి ఇంకా పేరు పెట్టలేదు కానీ.. దీని ధర 25వేల డాలర్లు, అంటే రూ. 20లక్షల కన్నా తక్కువగానే ఉంటుందని సమాచారం. స్టాలింటిస్​ సీఈఓ కార్లోస్​ టావేరెస్​ సైతం దీనిని ధ్రువీకరించారు. జీప్​, సిట్రోయెన్​, ఫియట్​తో పాటు ఇతర బ్రాండ్స్​కి ఓ ఓనర్​ ఈ స్టాలింటిస్​.

"20వేల యూరోల సిట్రోయెన్​ ఈ-సీ3ని మోము తీసుకొచ్చినట్టే.. 25వేల డాలర్ల జీప్​ని కూడా త్వరలోనే తీసుకొస్తాము. అఫార్డిబుల్​ ఎలక్ట్రిక్​ వెహికిల్​ ధర ఎంత ఉంటుంది? అని నన్ను అడిగితే.. యూరోప్​లో 20వేల యూరోలు, అమెరికాలో 25వేల డాలర్లు అని చెబుతాను," అని కార్లోస్​ అన్నారు.

Jeep Avenger EV launch date in India : ప్రస్తుతం.. అమెరికా మార్కెట్​లో నిస్సాన్​ లీఫ్​, ఆరియా వంటివి అతి చౌకైన ఈవీలుగా ఉన్నాయి. వీటి ధర 28వేల డాలర్లు, అంటే సుమారు రూ. 23.30 లక్షలు. కానీ అమెరికా ఆటోమొబైల్​ మార్కెట్​లోని ఈవీ సెగ్మెంట్​లో ఇటీవలి కాలంలో ఆసక్తికర పరిణామాలు చోటుచేసుకుంటున్నాయి. చైనీస్​ కంపెనీల దండయాత్రతో.. ఎలక్ట్రిక్​ వాహనాల ధరల్లో చాలా పోటీ కనిపిస్తోంది. పోటీని ఎదుర్కొనేందుకు చాలా కంపెనీలు ధరలను తగ్గిస్తున్నాయి. అందుకే చాలా మంది అఫార్డిబుల్​ ఈవీలపై ఇప్పుడు ఫోకస్​ చేస్తున్నారు.

జీప్​ కొత్త ఈవీ.. ఇండియాలో లాంచ్​ అవుతుందా?

India electric vehicles : బీభత్సమైన డిమాండ్​ కనిపిస్తున్న ఇండియా ఎలక్ట్రిక్​ వాహనాల సెగ్మెంట్​లో జీప్​కి ఇంకా ఒక్క ఎలక్ట్రిక్​ వెహికిల్​ కూడా లేదు. కానీ.. కంపాస్​, మెరీడియన్​, వ్రాంగ్లర్​, గ్రాండ్​ చెరోకీ వంటి ఐసీఈ మోడల్స్​ దుమ్మురేపుతున్నాయి. మరి.. ఈవీని ఇండియాకు తీసుకొచ్చే ప్లాన్​ ఏదైనా ఉందా? అన్న ప్రశ్నకు సానుకూలంగా స్పందించారు జీప్​ ఇండియా బ్రాండ్​ డైరక్టర్​ ప్రియేశ్​ కుమార్​. ఆ ఆప్షన్​ గురించి చాలా చర్చలు జరుగుతున్నట్టు చెప్పారు. కానీ ఇంకా ఎలాంటి తుది నిర్ణయం తీసుకోలేదన్నారు. దేశీయ మార్కెట్​లో ఏది బాగా క్లిక్​ అవుతుంది? దేనికి మంచి డిమాండ్​ ఉంది? అన్నది నిరంతరం పర్యవేక్షిస్తున్నట్టు, ఆ డేటా ఆధారంగా పలు కీలక నిర్ణయాలు తీసుకోనున్నట్టు తెలిపారు.

మరి ఈ జీప్​ కొత్త ఈవీ ఇండియాలోకి ఎంట్రీ ఇస్తుందో లేదో చూడాలి.

WhatsApp channel

సంబంధిత కథనం