Jawa Yezdi offers: దీపావళి సందర్భంగా జావా యెజ్డీ బైక్స్ పై ఆకర్షణీయమైన ఆఫర్స్..

Jawa Yezdi offers: రెట్రో స్టైల్ మోటార్ సైకిల్స్ ను ఇష్టపడేవారు ముందుగా చూసేది జావా యోజ్డీ బైక్స్ (Jawa Yezdi Motorcycles) గురించే. ఇప్పుడు అటు రెట్రో లుక్ తో.. ఇటు అడ్వాన్స్డ్ ఫీచర్స్ తో ఈ జావా యోజ్డీ బైక్స్ (Jawa Yezdi Motorcycles) వినియోగదారులను ఆకట్టుకుంటున్నాయి.

ఆఫర్స్..

దీపావళి సందర్భంగా జావా యెజ్డీ మోటార్‌సైకిల్స్ ప్రత్యేక ఆఫర్లను ప్రకటించింది. కస్టమర్ల కోసం కేవలం రూ. 1,888 నుంచి ఈఎంఐ ప్లాన్స్ ఉన్నాయి. అలాగే, నాలుగు సంవత్సరాలు లేదా 50,000 కిమీ వరకు పొడిగించిన వారంటీ ఉంది. జావా మోటార్‌సైకిల్ లైనప్‌లో జావా (Jawa), జావా 42 (Jawa 42), 42 బాబర్ (42 Bobber) మరియు పెరాక్ (Perak) బైక్స్ ఉన్నాయి. యెజ్డీ (Yezdi) మోటార్‌సైకిల్ లైనప్‌లో - రోస్టర్ (Roaster), స్క్రాంబ్లర్ (Scrambler), అడ్వెంచర్ (Adventure) ఉన్నాయి. పరిమిత కాలానికి ఈ ఆఫర్లు అందుబాటులో ఉన్నాయని సంస్థ వెల్లడించింది.

ధరలు..

జావా యెజ్డీ మోటార్‌సైకిల్స్ ఇటీవల కొత్తగాప్రీమియం వేరియంట్‌లైన జావా 42, రోడ్‌స్టర్ లను ఆవిష్కరించింది. వీటిలో కొన్ని కాస్మెటిక్ మార్పులు చేసారు. జావా 42 లైనప్ లో ధరలు ఇప్పుడు రూ. 1,89,142 నుంచి, యెజ్డీ రోడ్‌స్టర్ శ్రేణి రూ. 2,06,142 నుంచి ప్రారంభమవుతుంది. (అన్ని ధరలు ఎక్స్-షోరూమ్ ఢిల్లీ). రోడ్‌స్టర్ మోడల్ ను ఇప్పుడు మరింత టూరింగ్-ఫ్రెండ్లీగా మార్చారు. ఫుట్‌పెగ్‌లు ఇప్పుడు కొద్దిగా ముందుకు మార్చారు. హ్యాండిల్‌బార్ పొడవు పెంచారు. రోడ్‌స్టర్‌ లో డైమండ్-కట్ ఫినిషింగ్‌తో కూడిన కొత్త అల్లాయ్ వీల్స్, బార్-ఎండ్ మిర్రర్స్, కొత్త హ్యాండిల్ బార్ గ్రిప్స్, ఇంజన్ మరియు ఎగ్జాస్ట్‌పై రావెన్ లుక్ ఫినిషింగ్ వంటి కొన్ని కాస్మెటిక్ అప్‌గ్రేడ్‌లు కూడా ఉన్నాయి. కొత్త రోడ్‌స్టర్ మూడు డ్యూయల్-టోన్ థీమ్‌లతో సహా నాలుగు కొత్త రంగులలో మార్కెట్లోకి వచ్చింది. అవి రష్ అవర్ రెడ్, ఫారెస్ట్ గ్రీన్, లూనార్ వైట్, సాలిడ్ థీమ్ - షాడో గ్రే.