iQoo Neo 7 5G Price in India: గేమింగ్ ఫోన్ ‘ఐకూ నియో 7’ ధర లీక్: వివరాలివే

iQoo Neo 7 5G Price in India: ఐకూ నియో 7 5జీ మొబైల్ ధర లాంచ్‍కు ముందే లీకైంది. ఈనెల 16వ తేదీన భారత మార్కెట్‍లో ఈ ఫోన్ విడుదల కానుంది. ముఖ్యంగా గేమింగ్ మొబైల్‍గా దీన్ని ఐకూ (iQoo) హైలైట్ చేస్తోంది. గేమింగ్ కోసం ఐకూ నియో 7 5జీ ఫోన్‍లో ప్రత్యేకమైన ఫీచర్లు ఉంటాయి. మీడియాటెక్ డైమన్సిటీ 8200 ప్రాసెసర్ కూడా మిడ్ రేంజ్‍లో హెవీ గేమింగ్‍కు సూటయ్యేలా ఉంటుంది. ఫుల్ హెచ్‍డీ+ 120Hz అమోలెడ్ డిస్‍ప్లేతో ఈ ఫోన్ రానుంది. వివరాలివే..

ఐకూ నియో 7 ధర

iQoo Neo 7 Price in India leaked: లాంచ్‍కు ముందే ఐకూ నియో 7 5జీకి సంబంధించిన ధర వివరాలు బయటికి వచ్చాయి. 8జీబీ ర్యామ్ + 128జీబీ స్టోరేజ్ ఉండే బేస్ వేరియంట్ ధర రూ.29,999, 12జీబీ ర్యామ్ + 256జీబీ స్టోరేజ్ టాప్ వేరియంట్ ధర రూ.34,999గా ఉంటుందని వివరాలు వెలువడ్డాయి. అయితే, లాంచ్ ఆఫర్ కింద బ్యాంక్ కార్డు డిస్కౌంట్లు ఉంటాయని తెలుస్తోంది. వీటితో రూ.3,000 వరకు డిస్కౌంట్ పొందవచ్చని అంచనా. బ్యాంక్ కార్డ్ ఆఫర్లతో కలిపి ఐకూ నియో 7 5జీ ప్రారంభ ధర రూ.26,999గా ఉంటుందని టిప్‍స్టర్ అభిషేక్ యాదవ్ ట్వీట్ చేశారు.

లాంచ్ వివరాలు

iQoo Neo 7 launch date in India: ఐకూ నియో 7 5జీ మొబైల్ ఈనెల 16వ తేదీన మధ్యాహ్నం 12 గంటలకు ఇండియాలో లాంచ్ కానుంది. ఈ-కామర్స్ సైట్ అమెజాన్‍లో ఈ ఫోన్ అందుబాటులోకి వస్తుంది. లాంచ్ సమయంలో ధర సహా అన్ని వివరాలను ఐకూ అధికారికంగా వెల్లడిస్తుంది.

iQoo Neo 7 5G Specifications: మీడియాటెక్ డైమన్సిటీ 8200 ప్రాసెసర్‌తో ఐకూ నియో 7 5జీ ఫోన్ వస్తోంది. 6.78 ఇంచుల ఫుల్ హెచ్‍డీ+ 120Hz రిఫ్రెష్ రేట్ డిస్‍ప్లేను కలిగి ఉంటుంది. ఆండ్రాయిడ్ 13 బేస్డ్ ఒరిజిన్ఓఎస్ ఆపరేటింగ్ సిస్టమ్‍పై ఈ ఫోన్ రన్ అవుతుంది.

iQoo Neo 7 5G: ఐకూ నియో 7 5జీ వెనుక OISతో కూడిన 64 మెగాపిక్సెల్ ప్రైమరీ, 8 మెగాపిక్సెల్ అల్ట్రా వైడ్, 2 మెగాపిక్సెల్ మాక్రో కెమెరాలు ఉన్నాయి. 16 మెగాపిక్సెల్ ఫ్రంట్ కెమెరా ఉంటుంది. 5000mAh బ్యాటరీతో ఐకూ నియో 7 5జీ వస్తోంది. 120వాట్ల ఫాస్ట్ చార్జింగ్‍కు సపోర్ట్ చేస్తుంది.