CNG price hike : మళ్లీ పెరిగిన సీఎన్​జీ ధర.. వాహనదారులపై మరింత భారం!

IGL CNG price hike : దేశవ్యాప్తంగా సీఎన్​జీ ధరను మరోమారు పెంచింది ఇంద్రప్రస్త గ్యాస్​ లిమిటెడ్(ఐజీఎల్​)​. ముడిసరకు ధరలు పెరగడం కారణంగా.. మళ్లీ సీఎన్​జీ ధరలను పెంచినట్టు ప్రకటించింది. పెంచిన ధరలు నేటి నుంచే అమల్లోకి వస్తాయని స్పష్టం చేసింది.

"ఇన్​పుట్​ గ్యాస్​ కాస్ట్​ పెరగడంతో.. 17/12/2022 ఉదయం 6 గంటల నుంచి సీఎన్​జీ రీటైల్​ ధరను పెంచుతున్నాము," అని ఇంద్రప్రస్త గ్యాస్​ లిమిటెడ్​ ట్విట్టర్​లో ట్వీట్​ చేసింది.

తాజా పెంపుతో.. ఢిల్లీలో కేజీ సీఎన్​జీ ధర రూ. 79.56కి చేరింది. నోయిడా, గ్రేటర్​ నోయిడా, ఘాజియాబాద్​లో కేజీ సీఎన్​జీ ధర రూ. 82.12కి పెరిగింది. గురుగ్రామ్​లో కేజీ సీఎన్​జీ ధర రూ. 87.89గా ఉంది.

ఇతర నగరాల్లో సీఎన్​జీ ధరల వివరాలు..

• CNG price hike latest news : రేవారీలో కేజీ సీఎన్​జీ ధర:- 89.57
• కర్నాల్​- కైతాల్​లో కేజీ సీఎన్​జీ ధర:- రూ .88.22
• ముజాఫర్​నగర్​, షమ్లి, మీరట్​లో కేజీ సీఎన్​జీ ధర:- రూ. 86.79
• అజ్మేర్​, పాలి, రాజసమంద్​లో కేజీ సీఎన్​జీ ధర:- రూ. 89.83

కాన్పూర్​, ఫతేహ్​పూర్​, హమీర్​పూర్​లో కేజీ సీఎన్​జీ ధరలో ఎలాంటి మార్పులు లేవు.

CNG price in Hyderabad : హైదరాబాద్​లో కేజీ సీఎన్​జీ ధర ప్రస్తుతం రూ. 95గా ఉంది. నెల రోజుల వ్యవధిలో ఈ ధర రూ. 3 పెరిగింది.

ధరల పెంపుతో భారం..

పెట్రోల్​, డీజిల్​ రేట్లు ఎక్కువగా ఉండటంతో చాలా మంది సీఎన్​జీవైపు అడుగులు వేశారు. కానీ ఇప్పుడు సీఎన్​జీ ధరలు కూడా పెరగడంతో సర్వత్రా ఆందోళనలు వ్యక్తమవుతున్నాయి. ముఖ్యంగా ఆటోలు, క్యాబ్​లపై తీవ్ర భారం పడుతోంది. రవాణా ఖర్చులు పెరుగుతున్నాయి.