Hyundai cars launch : 2024 కోసం హ్యుందాయ్​ క్రేజీ లైనప్​.. ఆ ఈవీ హైలైట్!

Hyundai cars launch in 2024 : 2024 కోసం భారీగానే ప్లాన్​ చేసింది దిగ్గజ ఆటోమొబైల్​ సంస్థ హ్యుందాయ్​ మోటార్స్​. వివిధ ఫేస్​లిఫ్ట్​ వర్షెన్​తో పాటు ఓ ఎలక్ట్రిక్​ వెహికిల్​ని ఇండియాలో లాంచ్​ చేయాలని ప్రణాళికలు రచించింది. ఈ నేపథ్యంలో ఈ మోడల్స్​ వివరాలను ఇక్కడ తెలుసుకుందాము..

2024 హ్యుందాయ్​ క్రేటా ఫేస్​లిఫ్ట్​:-

Hyundai Creta facelift launch : ఇండియాలో హ్యుందాయ్​కి బెస్ట్​ సెల్లింగ్​ మోడల్​గా ఉంది క్రేటా. ఈ ఎస్​యూవీకి ఫేస్​లిఫ్ట్​ వర్షెన్​ని త్వరలోనే తీసుకురాబోతోంది సంస్థ. 2024 జనవరి 16న ఇది లాంచ్​కానుంది. ఆన్​లైన్​లో లీక్​ అయిన ఫొటోలను చూస్తే.. ఎస్​యూవీకి భారీ మార్పులే చేసినట్టు కనిపిస్తోంది. ఫ్రెంట్​ ఫేస్​ చాలా కొత్తగా ఉండనుంది. పారామెట్రిక్​ గ్రిల్​, వర్టికల్​ ఎల్​ఈడీ హెడ్​లైట్​ సెటప్​ వంటివి వస్తాయి. 17 ఇంచ్​ అలాయ్​ వీల్స్​, సరికొత్త టెయిల్​లైట్​తో పాటు రేర్​లో కనెక్టెడ్​ ఎల్​ఈడీ వంటివి ఉంటాయి. కేబిన్​లో కూడా మార్పులు కనిపిస్తాయట. 360 డిగ్రీ వ్యూ కెమెరా, డ్యూయెల్​ స్క్రీన్​, అడాస్​ ఫీచర్​ వంటివి ఉంటాయి. కియా సెల్టోస్​ ఫేస్​లిఫ్ట్​కు గట్టి పోటీనిచ్చే విధంగా ఈ హ్యుందాయ్​ క్రేటా ఫేస్​లిఫ్ట్​ ఉండనుంది.

హ్యుందాయ్​ క్రేటా ఈవీ..

Hyundai Creta EV launch : క్రేటా ఫేస్​లిఫ్ట్​తో పాటు ఈవీ వర్షెన్​ని కూడా హ్యుందాయ్​ సిద్ధం చేస్తోందని టాక్​ నడుస్తోంది. 2024లో దీనిని సంస్థ రివీల్​ చేస్తుందని రిపోర్టులు సూచిస్తున్నాయి. ప్రస్తుతం టెస్టింగ్​ దశలో ఉన్న ఈ ఎలక్ట్రిక్​ ఎస్​యూవీ.. అనేకమార్లు ఇండియా రోడ్లపై దర్శనమిచ్చింది. కానీ ఈ ఈవీ వివరాలు ప్రస్తుతం అందుబాటులో లేవు. ఇప్పటికే ఇండియాలో ఉన్న హ్యుందాయ్​ కోనా, ఐయానిక్​ 5 సరసన చేరుతుంది హ్యుందాయ్​ క్రేటా ఈవీ.

2024 హ్యుందాయ్​ అల్కజార్​ ఫేస్​లిఫ్ట్​..

2021లో అల్కజార్​ ఎస్​యూవీని ఇండియాలో లాంచ్​ చేసింది హ్యుందాయ్​. ఇదొక 3- రో ఎస్​యూవీ. సేల్స్​ పరంగా హ్యుందాయ్​ అల్కజార్​ మంచి నెంబర్లే ఉన్నప్పటికీ.. ఇటీవలి కాలంలో 3- రో సెగ్మెంట్​లో పోటీ విపరీతంగా పెరుగుతోంది. మహీంద్రా ఎక్స్​యూవీ700, టాటా సఫారీ, ఎంజీ హెక్టార్​ ప్లస్​ వంటి మోడల్స్​ నుంచి అల్కజార్​కు గట్టి పోటీ ఎదురవుతోంది. ఈ నేపథ్యంలోనే.. అల్కజార్​కు ఫేస్​లిఫ్ట్​ వర్షెన్​ని తీసుకొచ్చి.. కస్టమర్లను ఆకర్షించాలని చూస్తోంది సంస్థ.

2024 హ్యుందాయ్​ అల్కజార్​లో డిజైన్​ పరంగా పెద్ద మార్పులు కనిపించకపోవచ్చు. కాస్మొటిక్స్​ మాత్రమే మారుతాయని తెలుస్తోంది. ఇంజిన్​ కూడా మారకపోవచ్చు.

2024 హ్యుందాయ్​ టుక్సాన్​ ఫేస్​లిఫ్ట్​..

Hyundai cars launch : న్యూ జనరేషన్​ టుక్సాన్​ని ఏడాది క్రితం లాంచ్​ చేసింది హ్యుందాయ్​. ఇందులో ఏడీఏఎస్​ ఫీచర్స్​ వచ్చాయి. ఇక ఈ ఎస్​యూవీ ఫేస్​లిఫ్ట్​ వర్షెన్​ని 2024లో లాంచ్​ చేసేందుకు ఏర్పాట్లు చేసుకుంటోంది. అప్డేటెడ్​ గ్రిల్​, బంపర్​, హెడ్​లైట్స్​ వంటివి కనిపించొచ్చు. కేబిన్​లో కూడా మార్పులు చూడొచ్చు. ఇన్ఫోటైన్​మెంట్​ సిస్టెమ్​ కొత్తగా ఉండనుంది. పూర్తి వివరాలు త్వరలోనే తెలిసే అవకాశం ఉంది.