Engine oil : బైక్​లోని ఇంజిన్​ ఆయిల్​ను ఎప్పుడు మార్చాలి? సంకేతాలివే..

When to change engine oil in bike : మనిషి బ్రతకడానికి గుండె ఆరోగ్యం ఎంత ముఖ్యమో.. మోటార్​సైకిల్​కి ఇంజిన్​ కూడా అంతే కీలకం. మన బైక్​ లైఫ్​సైకిల్​.. ఇంజిన్​పైనే ఆధారపడి ఉంటుంది. అలాంటి ఇంజిన్​కు.. 'ఇంజిన్​ ఆయిల్​' ఎంతో అవసరం. ఈ లుబ్రికెంట్​ వల్ల ఇంజిన్​తో పాటు ఇంజిన్​ భాగాలు స్మూత్​గా పనిచేస్తాయి. ఇంజిన్​ భాగాలు వేర్​ అండ్​ టేర్​కు గురికాకుండా ఈ ఆయిల్​ కాపాడుతుంది. అందుకే.. ఇంజిన్​ ఆయిల్​ లెవల్స్​ను ఎప్పటికప్పుడు చెక్​ చేస్తూ ఉంటాలి. సరైన ఆయిల్​ని వినియోగిస్తూ.. ఇంజిన్​ పనితీరును పెంచుకోవాలి.

బైక్​లో ఇంజిన్​ ఆయిల్​ ఒకసారి పోస్తే సరిపోదు. ఎప్పటికప్పుడు ఫ్రెష్​గా ఉండాలి. లేకపోతే.. ఆయిల్​ పాడైపోతుంది. దాని కెమికల్​ వాల్యూస్​ను కోల్పోతుంది. ఫలితంగా ఇంజిన్​ పనితీరు దెబ్బతింటుంది. అయితే.. ఇంజిన్​ ఆయిల్​ మార్చెందుకు కొన్ని సంకేతాలు ఉన్నాయి. అవేంటంటే..

ఇంజిన్​ సౌండ్​ పెరిగినప్పుడు..

Engine oil for bikes : మోటార్​సైకిల్​ ఇంజిన్​ సాధారణం కన్నా ఎక్కువ సౌండ్​ చేస్తుంటే.. ఆయిల్​ మార్చాలని అర్థం. ఇంజిన్​ బ్లాక్​లో ఫ్రెష్​ ఆయిల్​ పోస్తే.. మెటల్​ భాగాలకు రక్షణ లభిస్తుంది. అయితే.. ఆయిల్​ పాతదైపోతూ ఉంటుంది. అప్పుడు.. మెటల్​ భాగాలు ఒకదానితో ఒకటి ఢీకొంటూ ఉంటాయి. అప్పుడు మళ్లీ సౌండ్​ పెరుగుతుంది. అప్పుడు మళ్లీ ఇంజిన్​ ఆయిల్​ మార్చుకోవాలి.

ఇదీ చదవండి :- Two wheeler launches in April : ఏప్రిల్​లో లాంచ్​ కానున్న టూ- వీలర్స్​ ఇవే..!

ఆయిల్​ రంగు చూడండి..

కొన్ని టూ వీలర్స్​లో.. కారులో ఉన్నట్టుగానే డిప్​స్టిక్​ ఉంటుంది. అందులో ఇంజిన్​ కలర్​ తెలిసిపోతుంది. ఆయిల్​ ఫ్రెష్​గా ఉంటే అది లైట్​ బ్రౌన్​ రంగులో కనిపిస్తుంది. కానీ మెల్లిగా అది నల్లగా, మందంగా మారిపోతుంది. వేళ్లతోనూ ఆయిల్​ థిక్​నెస్​ను తెలుసుకోవచ్చు. ఆయిల్​ స్మూత్​గా లేకపోతే.. కొత్తది పోయాల్సి ఉంటుంది.

ఆయిల్​ లెవల్స్​ చూసుకోండి..

When to change engine oil : ఇంజిన్​ బ్లాక్​ పక్కనే ఇంజిన్​ ఆయిల్​ లెవల్​ను చూపిస్తూ ఓ ఇండికేటర్​ ఉంటుంది. అందులో.. 'మినిమం లెవల్​' కన్నా తక్కువగా ఉంటే.. ఇంజిన్​ ఆయిల్​ను వెంటనే మార్చాల్సి ఉంటుంది.

డాష్​బోర్డ్​లో కనిపిస్తున్న సిగ్నల్​తో అలర్ట్​ అవ్వండి..

Importance of engine oil in bikes : కొత్తగా వస్తున్న 2 వీలర్స్​లో.. అనేక సెన్సార్లు ఉంటున్నాయి. బండిలో ఏదైనా తేడాగా ఉంటుంటే.. ఇన్​స్ట్రుమెంట్​ క్లస్టర్​లో తెలిసిపోతోంది. ఇంజిన్​ ఆయిల్​ విషయంలోనూ ఇంతే! మీ బైక్​లోనూ ఇంజిన్​ ఆయిల్​ ఇండికేటర్​కు ప్రత్యేక సింబల్​ ఉంటుంది. దానిని తెలుసుకోవాలి. ఆ సింబల్​.. ఇన్​స్ట్రుమెంట్​ క్లస్టర్​పై కనిపిస్తుంటే.. వెంటనే అలర్ట్​ అవ్వాలి.

ఈ విధంగా.. మీ ఇంజిన్​ ఆయిల్​ను ఎప్పుడు మార్చుకోవాలో తెలుసుకుని.. ఇంజిన్​ జీవితకాలాన్ని పెంచుకోవచ్చు.