Electrified roads : ఈ రోడ్డు మీద వెళితే చాలు.. మీ ఈవీ రీఛార్జ్​ అయిపోతుంది!

Electrified roads in Sweden : మీరు కొత్తగా ఈవీ కొన్నారా? ఛార్జింగ్​కు గంటలు గంటలు వెయిట్​ చేయాల్సి వస్తోందా? అసలు ఛార్జింగ్​ పెట్టకుండా.. రోడ్ల మీద వెళుతున్నప్పుడు వెహికిల్​ దానంతట అదే ఛార్జ్​ అయిపోతే ఎలా ఉంటుంది? యూరోపియన్​ దేశం స్విడెన్​ ఇప్పుడు ఇదే చేస్తోంది! ఈవీలు రన్నింగ్​లో ఉన్నప్పుడే.. రీఛార్జ్​ అయ్యే విధంగా రోడ్లను రూపొందిస్తోంది. ఈ 'రోడ్ల' విశేషాలు తెలుసుకుందాము..

ఎలక్ట్రిఫైడ్​ రోడ్లు- హైవేలు..

వరల్డ్​ ఫస్ట్​ పర్మనెంట్​ ఎలక్ట్రిఫైడ్​ మోటార్​వేను రూపొందించే పనిలో పడింది స్విడెన్​. 2025 నాటికి ఇది ప్రజలకు అందుబాటులోకి వస్తుంది. తద్వారా.. బండి రన్నింగ్​లో ఉన్నప్పుడే రీఛార్జ్​ అవుతుంది! ఈ ప్రాజెక్ట్​ సక్సెస్​ అయితే.. 2035 నాటికి మరో 3వేల కి.మీ ఎలక్ట్రిఫైడ్​ హైవేలను యాడ్​ చేస్తుంది. ఇదే జరిగితే.. ప్రజలకు భారీగా ఛార్జింగ్​ ఖర్చులు తగ్గుతాయి!

Electrified roads : స్టాక్​హోమ్​, మాల్మో, గుథెన్​బర్గ్​ను కనెక్ట్​ చేస్తూ ఈ ఎలక్ట్రిఫైడ్​ రోడ్లు రానున్నాయి. ప్రస్తుతం ఇది ప్రొక్యూర్మెంట్​ దశలో ఉంది. ఛార్జింగ్​ కోసం పలు ఆప్షన్స్​ ఉన్నాయి. అధికారులు ఇంకా ఒకదానిని ఎంచుకోలేదు.

3 ఛార్జింగ్​ ఆప్షన్స్​..

ఈ ప్రాజెక్ట్​ కోసం కండక్టివ్​, కాటెనరీ, ఇండక్టివ్​ వంటి మూడు ఛార్జింగ్​ ఆప్షన్స్​ ఉన్నాయి.

కండక్టివ్​ ఛార్జింగ్​లో కార్లు, ట్రక్స్​ను కండక్షన్​ సిస్టెమ్​ ద్వారా ఛార్జ్​ చేయవచ్చు. అంటే.. రోడ్ల మీద వేసే కండక్టర్​ స్టిక్​.. ఛార్జింగ్​ రేల్​ను తాకి బండి ఛార్జ్​ అవుతుంది. కాటెనరీ సిస్టెమ్​లో.. బస్సులు, ట్రామ్స్​ను ఛార్జ్​ చేసే విధంగా ఓవర్​హెడ్​ వైర్​లు ఉంటాయి. భారీ వాహనాలకు కూడా ఇది ఉపయోగపడుతుంది.

Sweden Electrified roads : ఇక ఇండక్టివ్​ ఛార్జింగ్​ సిస్టెమ్​లో రోడ్డు కింద ప్యాడ్​/ ప్లేట్​ పెడతారు. దాని మీద వెళ్లినప్పుడు.. ఎలక్ట్రిసిటీ అనేది ఈవీలోని కాయిల్​కు చేరుకుని, బండి ఛార్జ్​ అవుతుంది. ఈ తరహా సిస్టెమ్​ చాలా ఫ్లెక్సిబుల్​గా ఉంటుంది. స్విడెన్​ కూడా దీనినే వాడుతుందని ఊహాగానాలు జోరుగా సాగుతున్నాయి.

గతంలోనూ..

ఓవర్​హెడ్​ ఎలక్ట్రిక్​ లైన్స్​తో 2016లోనే రోడ్డును నిర్మించింది స్విడెన్​. రెండు కి.మీల మేర రోడ్డు వేసింది. పాంటోగ్రాఫ్​ పద్ధతి ద్వారా వాహనాలు ఛార్జ్​ అవుతాయి.

Electrified roads in the world : రెండేళ్ల తర్వాత.. ప్రపంచంలోనే తొలి ఛార్జింగ్​ రేల్​ (ఈవీల కోసం)ను రూపొందించింది. రాసెర్స్​బర్గ్​- స్టాక్​హోం మధ్య నిర్మించింది. 2020లో.. విస్బీలో ఒక వయర్​లెస్​ ఎలక్ట్రిక్​ రోడ్​ను వేసింది. టెక్నాలజీ పరంగా దూసుకెళుతున్న ఈ దేశం.. ప్రజలకు అన్ని విధాలుగా సౌకర్యాన్ని కలిగించేందుకు విభిన్న రీతిలో ప్రయత్నాలు చేస్తూనే ఉంటోంది!